كنت لي عّدو واصبحت لك ضمّاد جرحك

النهاية

بعد سنتين
- مطار الشرقيه -
هبطت الطياره عالساعه 12:22 اليل
طلع من المطار وهو يتجه الباركينق
ركب سيارته وحرك متجه لبيتهم : ااخ اشتقت لك يالشرقيه سنتييين!
وشغل اغاني واتجه لبيتهم
ركن سيارته بمواقف بيتهم ونزل الشناط واتجه للبيت
وفتح الباب ودخل
استغرب من شاف اللمبات مطفيه وكان هدوء : اما نايمين
جاء بيفتح جواله ولكن استوقفه من اشتغلت اللمبات واهله الي كانوا مّلتمين كلهم والهدايا والكيكه وصرخوا : سبراييييز
عبدالاله انفجع : بسم الله قاعدين انتو ههههههه
ضحك مُلهم : افا ياعبود ! ترضى تجي ونكون نايمين !!
ضحك عبدالاله وراح باس راس ابوه وامه واخوانه : وحشتوني والله
وتين دمعت : ياكلب والله ماتسافر مره ثانيه
ابتسم عبدالاله : لا ياوتيني ماعليك ماني مسافر خلاص ههههههههه
ابتسم سعود : والله ياولدي اشتتقنا لك
عبدالاله ابتسم : اشتاقت لك العافيه يابوي
عنود : يلا ياولدي اقطع الكيكه
ولفت على محمد : حمود
محمد فز : سمي
عنود : قم صورنا
ضحك محمد : من عيوني
قام وصورهم كلهم صوره عائليه
محمد مسك بطنه من الضحك : اخخخ وجه عبدالاله يضحككك
عبدالاله ضحك : ييمه شوفيه يضحك علييي!
ضربته عنود : ياولد لاتضحك على اخوك
محمد مسك مكان الضربه : يمه شوفي وجهه تكفين ههههههههههه
لف الجوال عليها وماقدرت تمسك ضحكتها
لف عبدالاله عليها بصدمه : حتى انتي !!!!
عنود بضحك : لا لا ماضحكت
عبدالاله لف على ابوه عشان يهاوش محمد : يبه !
سعود : خلاص ياوغد اركد عاد
محمد : افا جاء ولدكم وكرهتوني
جوري : من لقى احبابه نسى اصحابه !
ضحك سعود وهو يحضنها : انتي بنيتي عاد ما انساك
لف عبدالاله على جوري : صدق انتي وين ولدك !
جوري : عند نواف
عبدالاله : انتي كلب ؟ وراك تودينه عنده ابيه !
جوري : خلاص لا تصجني اجيبه لك بكرا
عبدالاله : عاشت هههههههههههه

قعدو يسولفون لساعات وبعدها قامو يتعشون
عبدالاله بهدوء : يمه يبه
سعود : سم ياولدي
عبدالاله : ابي اخطب وحده
ساره ابتسمت باتساع : والله هاذي الساعه المباركه ! من هي بنته الي تبيها
سعود : ايه بالله قل لنا منهي
عبدالاله ابتسم : اخت نواف
ساره : دينا ؟
عبدالاله : الله الله
جوري : الععععب ههههههههههه
وتين : ادعس والله منت بسهل ياعبودتشي
ضحك عبدالاله
ساره بضحكه : من هالحين اقول هي لك
ضحك عبدالاله : خلينا نعرف ردها
سعود : خلاص تبشر بعد يومين بنروح لهم نخطبها
عبدالاله ابتسم : الله يخليكم لي
قام وباس راس امه وابوه وهو يحاول يخفي فرحته ويهدي نفسه
عبدالاله : انا استئذنكم تعبان بروح انام
سعود : اذنك معاك يولدي
محمد بطقطقه : اكيد اذنه معاه
ناظر له بعدم فهم بعدين استوعب : ياسخييف ههههههههههه
محمد : انقلع بس ههههههههههه
اتجه عبدالاله لغرفته وبدل ملابسه وانسدح
ابتسم من طرت على باله : يومين بس وتصيرين زوجه عبدالاله الجابر

بعد يومين
- بغرفه عبدالاله -
دخلو مُلهم ومحمد
مُلهم : عبود خلصت ؟ ابوي بدا يعصب
عبدالاله زفر بعصبيه : ياكلب يامحمد وين عقالي !
ضحك محمد : هاه مدري
عبدالاله : محمد يازفت الطين قسم لاكفخك
محمد : كل تبن ترا ماخذته بغرفتي
عبدالاله : انقلع جبه عشان ماجلدك هالحين بسرعه
محمد : لايكثر
راح غرفته وجاب العقال وعطاه عبدالاله : غصباً عنك ياورع
محمد ضربه : اقول امش بس هذا وجه واحد يبي يتزوج
عبدالاله : لا يكثر
حط عطر وعدل عقاله للمره المليون وطلعو من الغرفه ومن البيت متجهين لبيت ابو نايف