.
صلو على الحبيب🤍
حنين: قصدك اني صغيره؟؟ تم تم خلاص صكرو على الموضوع😡😡💔
احمد و راية:🤣🤣
وصلو للمزرعة
راية: حي توا كيف نقنعو جدي انه حني الي معانا الحق مش هما
احمد: والله الصراحه هما الي معاهم الحق حني زدنا فسدناها بمشيتنا مه مفروض من الاول قلتي ل جدي و جدي يتصرف معاهم كان يقدر يحل الموضوع لاكن توا بعد قلتي للمدير برا ارقد يا ودي مستحيل يرجعهم المدير للمدرسة🙂
راية: مه حتى هوا شلال شادلي يا انسه احترمي نفسك من جي جيهته؟؟ خلاني اني وياها الكلبه نتعاركو و تمينا مش خيرر؟ لاكن هوا يحشي ف خشمه
احمد: 🤦🏻♂️ انزلي ونبي انتو الي يخالطكم يلقى روحه فستين مشكله
نزلت راية و حنين فتحت الباب بتنزل شدها احمد من يدها
احمد: حنين استني نبي نتكلم معاك ف موضوع❤️
حنين: بعدين احمد توا بنرقد راسي يوجع فيا
احمد: ياريت الوجع فيا ولا فيك❤️ دقيقه بس و بعدين امشي
حنين توترت و راية شافتهم حست انه تخليهم بروحهم احسن مشت و خلتهم
حنين سكرت الباب : شنو هي قول بسرعة😒
احمد شد يدها: قاعده مضايقه من امبكري؟
حنين: و علاش بنضايق؟ عخاطر وحده جربوعه؟؟
احمد ضحك: لنقنه جربوعه🤣🤣
حنين: تضحك؟؟؟ مش قلت عليها طرف و حلوه وزي المودل؟؟؟؟
احمد: نبصر والله مافيش حد احلا منك انتي احلا وحده شافتها عيني❤️. وباس يدها❤️
حنين راحت حمرا كلها مع بعضها
احمد: خيرك وليتي طماطمه🤣🤣
حنين تمروح على وجها و فتحت الروشن: نووو ولا🥵
احمد ضحك: لالا وين نو الدنيا شتي سميطري🤣
حنين: ااا انن اني بننزل🥲
احمد: انزلي يا عيوني بعدين نكملو هدرزة❤️
حنين: امبه امبه ااا هي باي و نزلت تجري
احمد: وراك وراك يا حنين و خيرنا مانعطوشي لغيرنا❤️
عند راية خشت ل حوشهم لقت عائشه و خالد يتغدو
راية: السلام عليكم😒
خالد: و عليكم السلام خيرك طولتي
راية : كملت امتحان درنا دوره اني و حنين و بعدين جي احمد روح بينا
عائشة: هكي تركبو معاه و ما فيش حد معاكم😳😈
راية: ايي فيه مشكله؟؟🙂
عائشة: مشاكل مش غر مشكله شن يقولو عليكم الناس راكبين مع ولد مش محرم ليكم😈
راية: وراس بوك بري ارقدي ماعنديش ليك خلوق انتي و فلسفتك الزايدة يا شيخة🙂
خالد: راااية قداش مره نقولك معش تتكلمي هكي عيب اكبر منك
راية: اي مدخلهاش فيا مع من نركب ولا وين نمشي ولا شن ندير تلها ف عمرها و تسكتت وكان مش عاجبها حد غريب يوصلني يلااا شمر على درعانك و وصلني انت انت بوي اولى بيا صح ولا لا يا مرت بوي؟؟🙂
عائشة: بوك مش فاضي عنده خدمة و بعدين شن فايدة القراية اخرتك حوش راجلك😈
راية: وراااااس امك و بوك ارقديي بابا منين جايبها الجاهلة هادي؟؟؟ قصدي مزال فيه ناس جاهلين هكي؟؟؟🤦🏻♀️
خالد: راااية😡😡
راية: تيي شن راية تسمع فيها شن تقول هيااا؟ قصدي انت خالد صقر رجل معروف ف البلاد و معروف بين التجار ف الاخر متخليش صغارك يقرو؟؟
خالد: اني قتلك بطلي؟ قتلك معش تقري؟ لااا معناها اسمعي و فوتي
عائشة:😳😳خالد شن قصدك
راية:🤣🤣🤣🤣🤣🤣 والله صدقت فيها يا بابا الواحد مفروض يخدم وضعية الي خش من الودن هادي يطلع من الودن هادي🤣🤣🤣🔥
خالد: خلاص انتي وياها و انتي بري بدلي حوايجك و تعالي تغدي
عائشة: ما حسبتهاش ف الغدي😒
خالد: علاش؟؟؟
عائشة: نحسابها بتعطل برا ولا بتتغدا عند حد من عمامها ولا حوش بوك
خالد: و كان بتعطل برا شنو مش اخرتها بتروح للحوش و بعدين شنو تتغدا عند عمامها تحسابيه عيد كل يوم عند حد شن معندهاش حوش ولا شنو😡😡
عائشة: خيرك عليا ان شاء الله باللطف وين نندري اني نحسابه كل يوم هكي عخاطر امس تغدت ف حوش عمها😡
خالد: من اليوم نقولها اي حاجه اديريها تحسبي حساب الصغار😡
عائشة: ان شاء الله 😡
راية:😈😈😈😈😈
ركبت راية بدلت حوايجها و نزلت لقت عائشه تلم ماعين الغدي و خالد مقعمز ف الصاله
راية: اني ماشيه ل حوش جدو
خالد: علاش
راية: بنشوفهم بالك قاعدين ما تغدوش نتغدى معاهم
خالد تنهد: به بري
طلعت راية مشت ل حوش جدها خشت
راية: السلام عليكم
الحاج ابراهيم و حليمة: و عليكم السلام
حليمة: مرحب مرحب بالغالية😍
راية حضنتها: كيف حالك حلومتي❤️
حليمة: الحمد لله بعد شوفتك وليت احسن❤️
راية حضنت جدها: كيف حالك هيما❤️❤️
الحاج ابراهيم قرصها من خدها: تحشمي يا بنت شن هيما متعك اهيا
راية: خيرك يا حويج راك قاعد شباب ولا شنو حلومة؟🤣
حليمة: فرقت حاله وين الشباب ما رينا شي😏
ابراهيم: حسستيني انتي الرشيقة النشيطة😒
راية: اووو عصافير الحب بيتعاركو🤣🤣🔥
ابراهيم ضربها بالعكوز: نوضي يالي ما تتحشميش جيل اخر زمن قتلك حب قتلك😤
راية: حييي يا حلومة حييي مش معترف بيك الحويج🤣🤣🔥😈
حليمة: ايي باللهي سعدي طايح من يومه الله غالب🤦🏻♀️
ابراهيم: معش تسمعيلها المسمومة هادي تبي تفتن بينا😡
راية: 🤣🤣🤣🤣🤣🤣🤣🤣💔وااااااكككك🤣
ابراهيم: اضحكي اضحكي كان انوضلك توا نعجنك😒
راية:🤣🤣 خلاص سكتت... حنينة تغديتو؟؟
حليمة: اي جابت هدى رشتة امبكبكة
راية: مزال فيه منها راني بنموت من الجوع؟؟؟
حليمة: علاش خيرك ما تغديتيش ولا شنو؟
راية: اي
حليمة: و وينها ست الحسن الي جابها بووك خيره ما طيبتش غديي😡
راية: طيبت لاكن ما حسبتش ب حسابي
حليمة: طيييححح سعدها الفانص علاش ما حسبتش ب حسابك😡😡😡😡
راية تقلد ف عائشة: قالت نحسابه بتتغدى عند حد من عمامها 🥴
حليمة: كيف تعاملها معاك انتي و مصعب؟؟؟
راية: زعميتها بتفرض رايها عليا و بتتحكم فيا و تعبي ف راس بابا و تقولها مش لازمها قراية و معش تخليها تركب مع ولاد عمامها و تفتن
ابراهيم:😳😳
حليمة: شنووو نهار مغبر اخرتها تجي وحده شلافطيه تفتن بين ولادي و احفادييي😡😡حسابي معاها
ابراهيم: لا حول ولا قوة الا بالله😡
راية: تي متعدلوش اني نعرف كيف نربيها تي قاعده ما تعرفنيش هيا وربي نوريها نجوم الظهرر
حليمة: اييي اعطيها على راسها سلم بنتي ما تقصريش😡
ابراهيم: هني روحك من غير مشاكل تو نكلم بوك يتفاهم معاها
راية: يا جدو فوتها اني نعرف نتعامل معاها
ابراهيم: قتلك هني روحك اني
راية: به به🙂 المهم جدو حبيبي بنحكيلك حاجه
ابراهيم: يا ساتر شن فيه🙂
راية: جدو انت تحبني ولا و تعرفني ما نغلطش ف حد الا اذا هوا غلط فيا
ابراهيم: لا حتى انتي حرفة لاكن به شن الموضوع
راية: مصعب و مراد دارو عركه ف المدرسه ضربو ولد و المدير لزهم
ابراهيم: شنووو😡 اني ريته المدير متصل بيا امس لاكن نسيت ماعودتلاش شن دارو المعفنين ما يهنوش روحهم
راية: المهم اليوم و اني مروحه من الجامعة خطمت على المدرسه اني و حنين و قلت ل احمد يجي معانا
ابراهيم: و علاش ماشين
راية: قبل بنكلمو المدير و نحلو المشكلة و خلاص المهم مشينا لقينا ام الولد الي ضربوه تأسفنا منها اني و احمد
ابراهيم: باه و شن صار
راية: مابتش تقبل الاعتذار و قالت انه انتو ما تعرفوش تربو
ابراهيم: لنقنه ماعرفناش نربوهم الكلاب😡😡
راية: و قالت انه تربايت صغاركم تدل على تربايتكم
ابراهيم: هيا قالت هكي؟؟؟
راية: ايي هكي قالت المهم اني نطيت فيها و قتلها احترمي نفسك راك تتكلمي على عيلة صقر على سن ورمح😌
ابراهيم: به اختصري🙂
راية🥲: المهم هزبتها مشي قالي المدير انتي ماعندكش اسلوب😈
ابراهيم: شنوو هوا هكي قال؟؟؟
راية: اييييي اسأل حتى احمد و حنين😈 المهم مشي اني قتله ااا ااااا
ابراهيم: شن قلتي؟🤨
راية: قتله ونبي برا ارقد انت التاني🥲
ابراهيم:😳😳😳
حليمة:😳😳😳
راية: خخ خيركم سكتو🥹
ابراهيم: تو شن المفروض نقولك؟؟😡
راية: ااا اني مه مه قالي مش محترمه تو ترضى حد يقولي مش محترمه راني بنتك و تربايتك و يقولولي مش محترمه ماجاباتاش امه الي يقول ل بنت ابراهيم صقر مش محترمه 🥲🥲
ابراهيم: تقوليله براا ارقد؟؟؟ شن تكلمي ف صاحبتك انتي؟؟؟😡
راية: يا جدوو افهمني اني والله ولعت من المرا لما قالت علينا مش متربين و هوا زادني قال معندكش اسلوب مشي انطلست مني الكلمة مقدرتش نشدها🥲💔
ابراهيم: الصبررر😡
راية: المهم المرا قالت بنقدم شكوة ف المركز و بتاخد تعويض مشي اني حلفتلها يمين ماهي واخدة خمسة قروش معوجة🙂
ابراهيم:🤦🏻♂️🤦🏻♂️🤦🏻♂️ااااخ وين نمشي منكم اني ويييين😡
راية:🥲🥲🥲به اني اسفة
ابراهيم: نادي خوك و مراد توااااا يجو😡
راية: حاضر🥲و اتصلت بيه
مصعب: ايوا😴
راية: نووووض الساعة 5 العشية و انت قاعد راااقد
مصعب: شن تبيي🥱
راية: جدي عرف بموضوعك انت و مراد و قالك تعالى
مصعب: تبصرييي😰😰😰
راية: والله تعالى بسرعة يستنى فيك و راهو طايرتله لنم
مصعب: حيي عليا حي اهو جاي😰
نزل مصعب يجري لبس شبشبه و هو يجري ف الصالة
شافاتة عائشة: خير بلاك تجري😠
مصعب: تي حولي من قدامي مش ناقصة هيا🤦🏻♂️
عائشة: يا قليل الادب😡😡
خالد: خيركم شن فيه وين ماشي
مصعب: بعدين بعدين جدي يبيني توا و طلع يجري
عائشة: صغارك ناقصتهم ترباية😡
خالد: خلاص اهدي اكيد بوي يبيه ف حاجه هدا باش مستعجل
🔥RASO K🔥
عند راية اتصلت ب مراد و قتله تعالى و اتصلت ب احمد حتى هو
جو كلهم و قعمزو ف الصالة مع جدهم
الحاج ابراهيم: مراد و مصعب انتو الواحد كيف يتفاهم معاكم؟؟؟؟😡
مراد و مصعب منزلين روسهم و ساكتين
إبراهيم: قداااش مره اديرو ف مصيبه و نسامح فيكم هااا؟
مصعب : ااا آني اسف😔
مراد: حتى اني اسف😔
ابراهيم: نوض انتلف انت وياه جيبو تلفوناتكم و البلايستيشن
ناضو مراد و مصعب
راية: جدو🥲
ابراهيم: شن تبيي
راية: ااا جدو المرا ما تعطيها شي باهي
ابراهيم: يصير خير نعرف شن ندير
راية: جدو اني حلفت و قتلها تعالي ادفلي على وجهي كان خديتي قرش جديي تربح ما تكسرش كلمتي قدامها🥲
شويه و خش هاني
هاني: السلام عليكم
الكل: و عليكم السلام
هاني: بوي المركز متصلين بيا قالو فيه وحدة مقدمة شكوى؟؟
ابراهيم: 🤦🏻♂️🤦🏻♂️ برا انت و خوتك شوف الموضوع و ما ادبرو شي لين تكلموني
هاني: علاش شن فيه؟؟
حكوله شن صار
هاني: لا حول ولا قوة الا بالله
طلع هاني و اتصل ب خوته
عند مصعب خش للحوش و ركب ل داره و نزل و ف يده البلايستيشن و التلفون
عائشة: اهو جيي😈
خالد: تعال جاي
مصعب: شنو
خالد: شن داير من مشكله ف المدرسة؟؟😠
مصعب: تعاركت اني ولد
خالد: و علااش شنو اني مخششك للمدرسة تقرى ولا تلعب و تضرب؟؟😠
مصعب: مش بالكساد هيا الولد ناشب و ضربناه اني و مراد
خالد: و علاش ما قتليش😡
مصعب: ونبي علاش بنقولك تي حتى المدرسة نسو انك بوي حتى كان بيديرو استدعاء ولي امر يا ينادو عمي سالم يا جدي انت مش حاطينك ف القاموس بكل من كتر انك مش موجود ف البلاد
خالد: هداكه لما اني مسافر ينادو عمك ولا جدك لاكن لما اني هني تقولي اني فاهم😡
مصعب: به يصير خير توا جدي يستنى فيا🙂 وطلع
مشو خالد و خوته للمركز و اتفقو انه مايعطوهاش فلوس و انهم يتكفلو ب علاج ولدها
هدا كله عخاطر الحاج ابراهيم مايبيش يزعل راية🫶🏻
و الحاج ابراهيم عطي جلدات باهيات ل مراد و مصعب🤣
عند راية لما اتصلت بيها خالتها قالت لها انها قريب توصل نطت تجري روحت للحوش جهزت حوايجها و حوايج مصعب شوي و اتصلت بيها خالتها قتلها افتحي الباب
نزلت رايه تجري
عائشة: عيلة مهبلة فالحين غر ف الجري و النقيز😡
فتحت راية الباب: خوييييلة😍😍😍و حضنتها
عائشة وين سمعت كلمة خويلة استكت:😳😳
حسناء: كيف حالك ريوة😍
راية: الحمد لله خشي خشي
عائشة:😳😡
راية: خويلة هادي مرت بوي😏مرت بوي هادي خالتي حسناء توأم امي😍 نسخ لصق من ماما😍
حسناء: اهلين😈
عائشة: اهلا بيك تفضلي😡 كانت عائشة طايرتلها تشوف ل حسناء و راية بحقد
حسناء كانت جمييييلة جداً و انيقة حتى ف لبسها💎
خش خالد للحوش: السلام عليكم
الكل و عليكم السلام
نطت تجري عائشة فيه مرا امشي غادي
راية: تعالى يا بابا هادي خالتي حسناء😈
خالد وقف ف مدخل الصالة: كيف حالك حسناء
حسناء: الحمد لله كيف حالك انت
خالد: بخير الحمد لله
عائشة بتطربقق:😡😡😡
راية: تعرف يا بابا نحب نشبح خالتي حسناء تفكر فيا ب ماما نسخة منها ولا😈
خالد: اي الله يرحمها
عائشة:😳😡😡😡😡
حسناء: هيا ريوه جيبي شنطتك و نادي على مصعب
خالد: علاش خيركم
راية: جيت بناخدهم معاي بنمشو ل حوش عيالي اليوم بايتين غادي قلت خلي يجو حتى هما يغيرو جو كان ماعندكش مانع😏
خالد: ااا لا عادي خلي يمشو خش للمطبخ
راية: نمشي نجيب شنطتي و نادي مصعب
ركبت راية و قعدت حسناء مقعمزة هيا و عائشة اشبحلي و نشبحلك🤣🤣🤣
نزلت راية هيا و مصعب على طلعت خالد من المطبخ
خالد: مره تانيه قولي لما بتطلعي😠
راية: 🙂🙂 و مشت
مصعب اول ما شاف حسناء: ماامااااا😍 و حضنها
حسناء: يا روح امك انت كيف حالك وليدي🥹❤️
مصعب: توا ب شوفتك وليت مليح بكللل
حسناء : مشاء الله على اللسان المعسلل🤣❤️
خالد كان يشوفلهم و مبتسم
شافاته عائشة مشتله و تكلمت ب همس: شنو تتفرج برا من هني😡😡😡
خالد: ااا اا به به😅 و مشي
طلعو راية و حسناء و مصعب شافتهم جنة جت
جنة: اهلين خالتي حسناء
حسناء: اهلا اهلا جنة كيف حالك و سلمو على بعض
جنة: راية يا معفنه خيرك ما قلتيش بتمشي🙂
راية: جت مشية بسرعة بسرعة
حسناء: راية اتصلي بجهاد قال مشي للولاد فالمربوعة
على جيت جهاد: سمعت اسميي🙂
جنة توترت: ااا اا اني هي بسلامة خلي نخش
جهاد:😍😍😍
راية: اسمعي تعالي بنقولك حاجة و قربت منها تتكلم ف ودنها بصوت واطي تحت انظار جهاد الي بتاكل جنة ماكله 🔥❤️
راية: نكدب عليك ما نبيش نقول شي غر نبي خالي يشوفك😉🤣❤️
جنة:🙂🙂🙂
جنة: ااا هي بسلامة خالتي حسناء و مشت بسرعة🤣
جهاد:😍😍
راية: جيجووو😉😉
جهاد: تعجبيني انتي كيف تفهمي عليا😉🔥
ركبو للسيارة و انطلقوو
يتبع+ عطوني رايكم🫶🏻
