لهيب عشقك محرم ( كاملة)

Part 17

كاتبة :: Samira rd

جوديا :[ هزت عينيها فيه نطقت بتساءل] امتى انرجعو
صقر: [ كياكل ببرود نطق] حتى يقولها ليا راسي
جوديا: [ عقدت حواجبها ناطقة بغضب ] امتى هاد راس غادي يقولها ليك.. انا ماناوياش نبقا محبوسة عندك حياتي كاملة ماما.. حياتي مستقبلي ماباغاش نضيعهم على واحد بسيكوباطي بحالك
صقر :[ هز عينو فيها نطق باستفزاز وكل حرف كينطق بيه كيحرقها] اشمن مستقبل عند بنت لخيرية [ رفع حاجبو كينفي براسو] شنو تسحابي كنتي غادة تكملي قرايتك واتلقاي خدمة..حمدي الله جبتك عندي ولا كنتي غادة تكوني مليوحة في زنقة دبا لا نتي ولا مك
جوديا :[ ابتاسمت ببرود عينيهتا مفيكسيين عليه] هاد بنت لخيرية جابت باك بي مونسيو .. وهاد بنت لخيرية كانت نقطتها هي اول نقطة في لمدرسة.. [ نزلت راسها كضحك] هاد بنت لخيرية ربات راسها من صغر وقدرت تهز راسها من بعد لخيرية [ هزت عينيها فيه غامزاه] انت تزاديتي وملعقة دهب في فمك ولكن مامربيش حقود [ كتشوف فيه كيف تزير وملامح وجهو تبدلو عضت على شفايفها كضحك ببرود وكأنها ماشي هي لي نوضت بركان] قليل لاصل هو لي كيعاير اصل ناس .. شكون تكون انت حتى تعاير ناس بالخيرية

هز يدو خابط طبلة حتى تهزو لماعن وتهز صوت اروى لي بدات كتبكي معنقة جوديا بخوف دفع لكرسي وناض متاجه عندها كارز على شعرها بقوة

صقر: [بغا يبخ دم بالاعصاب نطق كارز على سنانو] انا لي غادي نلجم لسانك وسط سنانك ونهنيك.. وفيت بوعدي فاش ديتك حتى لموت وجبتك [ مد يدو لطابلة هز موص حاطو فوق عنق جوديا حتى غمضت عيونها بألم بلل شفايفو ونطق بحقد ] هاد لمرة ماانضمنش ليك واش اترجعي
جوديا: [ بصوت خافت] لبنت كتشوف
صقر :[ غرسو فيها كتر حتى عضت على شفايفها ..حيد لموص حاطو فوق طبلة شاف اروى لي كتبكي ووجهها حمر دوز يدو على شعرها كيضحك بايسها] ماتبكيش ابابا غير كنهضرو انا وخالتك جوديا
جوديا: [ كتمتم بين راسها مخنزرة] يخوي ليك جناب
صقر :[ شافت فيها بنص عين نطق بحدة ] ديري عقلك ولا هاد لمرة ماانضمنش ليك راسي شنو اندير فيك...

صقر :[ شافت فيها بنص عين نطق بحدة ] ديري عقلك ولا هاد لمرة ماانضمنش ليك راسي شنو اندير فيك

خرج وخلاها .. قلبت وجهها كتزفر بغيض شافت فيه اروى لي بدات تلعب بيديها واتار دموع مزال على وجهها

جوديا: [ تنهدت وهي كتمسح فدموعها نطقت بصوت خافت بشرود] كان ايقتلني هاد ولد لحرام ديال باك [ هزتها امامها كتهضر معاها واروى كضحك] خاصني نشوف شي طريقة باش نهرب منو.. غادي يبقا حتى يصفيها ليا

شهيتها تسدت وهي غير كتفكر فشي طريقة كفاش تهرب عارفاه هو دكي وماشي شي واحد لي ساهل وقادرة تهرب منو عندو لموت كيف شريب لما كان قادر يقتلها لبارح لولا لطف الله .. تنهدت حاطة راسها على يدها كتفكر

جوديا :[ بصوت خافت ] فكري اجوديا فشي حل فكري مايمكنش ليك تبقاي حياتك كاملة مسجونة عندو

وقفت حطت اروى فبلاصتها جمعت روينة هزت اروى وطلعت لبيت ساداه حطت اروى فالارض كتلعب وهي دخلت دوش دوشت بزربة وخرجت لاوية عليها فوطة نشفت لحمها حلت لماريو ماكانت حتى كسوة ديال لبنات من غير حوايج صقر تأفأفت بسخط هزت شورط وتريكو قطني لبست شورط لي جاها كبير حزماتو ولبست تريكو لي جاها كيف شي خنشة خلات شعرها مليوح ورا ضهرها وجلست امام ناموسية فوق الارض جنب اروى مرجعة راسها لور مغمضة عينيها

**فلاش باك

واقفين تلاتة بنيات صغار لابسين كسيوات جوج منهم مهبطين راسهم وشعرهم منتوف وحدة هازة راسها عاقدة حواجبها كتشوف في لمرأة لي امامها

مليكة: [ حاطة يدها على جنابها عاقدة حواجبها مخنزرة نطقت بغضب ] ياك قلت ليك البرهوشة تبعدي على لبنات ماتقربيش ليهم
جوديا: [ بصوت طفولي نطقت بصوت مرتفع] ماشي انا لي ضربتهم
مليكة: [ صرفقتها بقوة حتى دار حنكها ناطقة بغضب] نتي لفعة يالكدابة على شكون كيضرب لبنات كل مرة [ نضرت ليها جوديا بدون ماترد شدتها مليكة بقوة من كتفها كتنخض فيها ] هضري اللفعة..

مليكة :[ صرفقتها بقوة حتى دار حنكها ناطقة بغضب] نتي لفعة يالكدابة على شكون كيضرب لبنات كل مرة [ نضرت ليها جوديا بدون ماترد شدتها مليكة بقوة من كتفها كتنخض فيها ] هضري اللفعة
جوديا: [ عيونها لي حمارو خنزرت في لبنات لي كيقليو ليها سم] هوما كيبقاو يقولو ليا مك ماكتبغيكش داكشي علاش لاحتك فالخيرية
مليكة :[ عاودت صرفقتها ناطقة بحقد] ومك كتبغيك ابنت لحرام كون كانت تبغيك گعما تلوحك هنا

جرتها من كتفها بقوة وجوديا ساكتة وقفت امام لباب حالاه لي كان مضلم وصغير ليحاها تم على ركابيها

مليكة: [ بغضب ] بقاي هنا اللفعة حتى ترباي

• نهاية فلاش

حلت عينيها لي حمارو ديريكت فسقف .. كانو لامعين وفيهم خطوطة بالحمورية غمضت عينيها ونزلو دموعها من جناب.. اكتر فترة كتحاول تناساها هي فترة لي كانت فالخيرية مادوزتش قليل تم.. من لخيرية ولاو فيها بزاف دالفوبيات من بينهم فوبيا ديال اماكن ضيقة وضلمة.. نص فطفولتها دوزاتو فداك لبيت كانت اكتر كلمة جرحاتها فصغر هي مك ماكتبغيكش ولاحتك فالخيرية مع ذلك عمرها قدرات تحقد عليها بالعكس تعطيها روحها الى طلبتها منها.. تنهدت ومسحت دموعها هبطت عينيها عند اروى لي بانت ليها نعست فالارض عضت على شفايفها بسرعة هزاتها من الارض رجعت لبلاصتها حاطاها فوق فخاضها

جوديا :[ بصوت خافت نطقت بحزن] انا وياك كنتشابهو فحاجة وحدة هي ملاوحين من قنت لقنت..[ كدوز اطراف صباعها على بشرتها] كنتمنا تكوني بنفس قوتي وكتر.. [ ابتاسمت عاضة على شفايفها] اتكوني بنت زوينة بزاف .. غادين يطمعو فيك بزاف .. ولكن نتي خاصك تبغي غير راسك ومايهمك حتى واحد.. ولكن ماتكونيش حقودة بحال باباك..يتبع