Unicode
ချန်ယွီသည် ခရိုင်ဟောင်းတစ်ခုသို့ လမ်းတစ်လျှောက် မောင်းလာခဲ့သည်။
"ကောင်းပြီ ငါ ဒီမှာပဲ ဆင်းလိုက်တော့မယ်။ မင်းရဲ့ကားက နည်းနည်း မျက်စိဖမ်းစားလွန်းနေတယ်" ယဲဖန်က ပြောသည်။
ချန်ယွီသည် သူ့ကို ကြည့်ကာ တစ်ခဏတုံ့ဆိုင်းပြီးနောက် "သခင်လေးယဲ ငါမင်းနဲ့ လိုက်လာလို့ရမလား"
ယဲဖန်သည် ခေါင်းငြိမ့်လိုက်ကာ "ကောင်းပြီလေ"
ထို့နောက် သူတို့သည် စွန့်ပစ်ထားသည့်စက်ရုံအတွင်းသို့ ဝင်သွားခဲ့ရာ ဝူဟောက်ချန်ကို ကုလားထိုင်တစ်လုံးတွင် ကြိုးတုပ်ထားပြီး ပါးစပ်ပိတ်ထားခြင်းခံထားရသည်ကို တွေ့လိုက်ရသည်။
"သူဌေး ဝူမိသားစုက ယွမ်သန်းနှစ်ရာက များလွန်းတယ်လို့ ပြောတယ်။ သူတို့ငွေအားလုံးကို လုပ်ငန်းတွေမှာ ရင်းနှီးမြှုပ်နှံထားတာကြောင့် ပြန်ရွေးငွေယွမ်သန်းနှစ်ရာရဖို့ သူတို့ကုမ္ပဏီကို ရောင်းဖို့ လိုအပ်တယ်။ ဒါပေမဲ့ ကုမ္ပဏီတွေကို ရောင်းဖို့က အချိန်လိုအပ်တယ်ဆိုတာ မင်းသိပါတယ်"
"ခွေးကောင် သူတို့တွေက အချိန်ဆွဲဖို့ ကြိုးစားနေတာ သေချာတယ်"
"သူဌေး သူတို့တွေ မပြောရဲလောက်ဘူးလို့ ကျွန်တော် ထင်တယ်။ ဝူတစ်မိသားစုလုံးမှာ ဒီမြေးတစ်ယောက်တည်း ရှိတာလေ"
"ဒီကိစ္စက အချိန်အကြာကြီး ဆွဲလေ တစ်ခုခု ဖြစ်သွားမှာ ငါကြောက်လေပဲ"
"ငါတို့တွေ နည်းနည်းလောက် လျော့တောင်းလိုက်ရင်ကော ဘယ်လိုလဲ"
"မရဘူး။ ယွမ်သန်းနှစ်ရာပဲ"
သူတို့သူဌေးသည် အနည်းငယ် ရက်စက်သော မျက်လုံးတွေဖြင့် ကြည့်လိုက်သည်။
"သူဌေး ဒီကောင်ကို အစာနည်းနည်းလောက် ပေးလိုက်ရင် ဘယ်လိုလဲ။ သူ့မှာ တစ်ခုခုဖြစ်သွားရင် ဝူမိသားစုက ငါတို့ကို အလွတ်ပေးမှာမဟုတ်ဘူး"
"မလိုဘူး။ တစ်ရက်တည်းပဲ။ သူမသေနိုင်ဘူး"
ချန်ယွီသည် ဝူဟောက်ချန်ကို ချောင်းကြည့်ရင်း သူ့စိတ်ထဲတွင် 'သနားစရာပဲ။ သူက တစ်နေ့လုံး ဘာမှမစားရသေးဘူး။ အဲ့ဒါက ဝူမိသားစုရဲ့ အဖိုးတန်ဆုံး မြေးလေ'
YOU ARE READING
သုံးလောကလုံး ခြေဦးတည့်ရာ သွားနေတဲ့ အစွန့်ပစ်ခံ သား
Adventure"ကျွန်တော် သူ့ကို လက်ထပ်ချင်တယ်" "သခင်လေးဖန် သူက ချမ်းသာတဲ့ ဒုတိယ မျိုးဆက်၊ တည်ထောင်သူမိသားစုရဲ့ တတိယမျိုးဆက် ပြီးတော့ မြို့တော်မှာ မြင့်မြတ်ပြီး ကျော်ကြားတာနော်။ သူက မင်းကို လက်ထပ်မှာ မဟုတ်ဘူး " "ဘာလို့လဲ ။ ကျွန်တော်က ချောပြီး ထက်မြက်တယ် ခြေလှမ်း...
