ملاك

ابي

اني اسمي ملاك،بلجامعه اول سنه، حياتي عاديه و روتينيه كلش و ممله.
-ملاك حبيبتي كعدي صار الصبح.
- ان شاء الله كاعده ماما .
اني و امي نعيش وحدنا، ابوي مات قبل لا اًجي للدنيه و امي كبرتني و ربتني. امي كلش انسانه حبابه و كلش محبوبه من الكل.
بس ابوي ما اعرف عنه هواي، بس ان دعمته سياره و مات و ماما جانت حامل بيه.

-ملاك كعتي ؟!
-اي مام كاعده!
كمت من الفراش و رحت سبحت، جانت المرايه عليها
ضباب مسحت اضباب الي تكون بسبه المي الحار و بديت اتمعن بتفاصيل وجهي.
شعري يحتاج قص لان الاطراف خربن، شعري لونه اسود و طوله يوصل. لخصري عيوني كبار و خضر، "تشبهين ابوج أيمن" هيج جانو اصدقاء ابوي و امي يكولولي. بس اني بحياتي ما شايفته بس دوم اتخيله، ما احب اسال امي لان يمكن تنزعج.
-ملااااااااك ياله تعاي اكلي راح تتاخرين!
امي قطعت سلسله افكاري.
رحت بدلت و نزلت حته اتريك.
يا ربييييييي اتخرت على الباص، لااااااا!!!
طلعت من البيت حته ما لحكت اكل اخذت وياي توست و طلعت اركض و اتمنه ان الباص ما فاتني، الباص يجي كل نص ساعه اذا فات بعد ما الحك.
بس مع الأسف فاتني، مثل كل مره-.-
ياله هم راح اكل رزالة من المعلمه.
كمت اركض و خذيت طريق مختصر و ما بي هواي عالم، شبه مهجور.
و اني اركض انطخيت بشي مثل العمود وكعت ، لما شلت راسي شفته، طالب بلسنه الاخيرة، اله شهره و سمعه بلمدرسه، حلو و محبوب من الكل.
مد يده الي: انتبهي المره الثانيه.
- ههه اني اسفه ما شفتك.
- هههه عادي، انتي رايحه للجامعه؟
- اي بس فاتني الباص.
- اوك اني هم، خلينه نتمشه سويه لعد.
استغفر الله ربي، احس نفسي غبيه، شلون انطخيت بي شبيني ثوله لا و حسبالي عمد.
- شنو اسمج؟
- مل...ملاك
-حلو اسمج، اني سيف.
معرفت شنو اجاوب، اكره نفسي لما ما ادري شنو اكول و اتمنه صديقتي نهى وياي لان هيا ال كلشي تعرف تجاوب خاصا بلاوقات الحرجه.
وصلنه للجامعه.
- ياله ملاك فرصه سعيده، انشاء الله نتشاوف بغير وقت.
-احنه الاشوق... شكرًا... اني سعيده...
ياااااا ربييييي شنو كلت، هسه الولد شيكول عليه ما اعرف احجي !
- ههههه ياله باي.
راح و اني رحت لصفي اركض، دخلت و المعلمه طردتني لان اني متاخره، ما مر هواي وقت حته صديقتي طلعت وراي( نهى خلت المعلمه تطردها حته تجي تحجي وياي، فدييييتها صديقتي الصدوقه) .
- ها ملكلك ليش متاخره؟
حجيت الها كلشي.
- لا يا ثوله، ليش متعرفين تحجين دوووم تفشلين.
- شكرًا رفعتي من معنوياتي -.-
لما خلص الدرس اجت المعلمه
-ملاك تعاي وياي لمكتب المدير!!
رحت و دخلت وراها، شفت ذاك الولد كاعد يحجي وي المدير، نسيت اسمه.
المعلمه: اسفه بس ملاك أيمن من الصف الاول دوم تجي متاخره و اليوم اتاخرت على نص الدرس
المدير:ليش تتاخرين، هاذا اخر إنذار الج اذا اجيتي متاخره راح نفصلج.
-اني اسفه راح احاول اًجي بلوقت...
باوعت للولد الي شفته الصبح و الي نسيت اسمه، جان يباوعلي بعيون كبار و كانه اول مره يشوفني. حاولت اني ما اخلي ينتبه اني اباوعله و حاولت اركز بغير شي.
لما شبعوني رزايل طلعت من الغرفه كمت اركض حته الاكي نهى بلكافتيريا، بس سمعت خطوات سريعه وراي، انداريت و شفته وراي.
جان يركض
-انتضري!!
وكفت اباوعله.
-اريد احجي وياج ممكن؟
-اي تفضل.
- ممكن نلتقي اليوم؟
-مادري
-راح اعتبرها اي، الاكيج قريب يم البحر الساعه سته نسوي رياضه و نتمشه شوي. غمز الي و راح
طك وجهي احمر. هاذا واحد من أشهر و احلا الولد يريد يطلع وياي.
انتضرت و مر الوقت كلش بطيء، لبست ملابس رياضية سود و حذاء اسود و بي شوي وردي و سديت شعري.
لما صارت بلسته طلعت للمكان ألي كالي عليه، شفته واكف لما انتبه علي كام يبتسم و ياشرلي.
-همزين اجيتي حسبالي ما تجين.
- هههه
تمشينه شوي اول مصطبه شفتها كعدت عليها.
- ههههه لا تكولين تعبتي تره ما سوينه شي بعدنا.
- شنووو راح اموت، اذا هيج بهد ارجع للبيت
- ياله كعدي ارتاحي جنج عجوز هههه.
فجأة صار سكوت سكتنه اثنينه.
- انتي اسم ابوج أيمن ؟ سألني
-اي...
-اها زين، عندج اخوان؟
- لا اني عايشه وي امي بس.
-ليش ابوج وين؟
-ابوي مات من زمان
-اسف اذا...
- لا عادي، اصلا ابوي اني ابحياتي مشايفته.
شفت ملامحه تتغير، كام يباوع بنضرات غريبه و كانه يباوع من خلالي.
- اكو شي؟ سالته و اني احاول ان اكسر نضراته.
- ها لا ماكو . رجعت ابتسامته، ياله كومي خل نكمل مشي.
بطريق سألته: انتا ما كتلي على عالتك احجيلي عنهم.
- أعيش وي امي، ابوي ميت من شكم سنه، عندي اخت بس ما ساكنه ويانه.
مر الوقت ابسرعه و اتقربت اكثر من سيف، حقهم البنات الي يتخبلن عليه، هوا طوله حلو و جسمه حلو، شعره اسود و عيونه بنيات و عنده لحيه خفيفه.
بلتسعه وصلت للبيت.
- ملاااك وينج اتاخرتي!!
- اسفه ماما خذاني الوقت.
- ياله ملوك تعاي اتعشي وياي.
رحت و أكلت وي امي، و كمنه نحجي اني وياها على كلشي.
- ماما عندي سوال ؟
-شنو كولي
- ابوي اريد اشوف صورته و اريد اعرف اكثر عنه.
-ملاك بنتي كافي، تركت الأكل و كامت.
احسد كل الي عندهم اب يعرفو و يعيش وياهم، ابوي ما حسبالك ابوي ما اعرف شي عنه، كمت من الميز و رحت لغرفتي، المكان الوحيد الي التجء اله.
كعدت الصبح على صوت المنبه المزعج، غيرت ثيابي و اكلت، مع هاذا كنت مبكره، بعد ساعه تبدي اول محاضره، قررت ان اتمشه لان الجو حلو و عندي وقت. مشيت مسافه و بديت احس باحد يمشي وراي، اني من طبعي خوافا فه كمت امشي سريع، الشخص هم كام يمشي اسرع اخر شي كمت اركض و الشخص يلحكني. أمسك أيدي و خل شي على حلكي... فجأه صار كلشي ضلام...
كعدت و اطرافي باردات و جسمي يرتجف جنت بغرفه مثل السجن بلكاع و الغرفه بيها بس كرسي كدامي و جان الرجال الحكني كاعد عليه.
من الخوف دمعت عيني
-مممم منو شنو تريد؟!
ابتسم الي و صاح بصوت عالي: شباب!!
دخلو ثنين لازمين بيدهم اسلحه.
- انتي بنت أيمن، عندنا دين وي ابوج و هسه راح انسوي الدين.
اتقرب مني و لزم شعري و جره.
- ابوج قتل اخوي!!!
مستحيل هاذا شديحجي؟
- راح اعضبج اول قبل لا اقتلج، تدرين ليش؟ لان انتي تشبهي و كأني اشوفه كدامي بعيونج!
نزلن دموعي كنت خايفه، ابوي الي ما اعرف شي عنه راح انقتل بسبب احد يريد يأخذ ثار.
أخذ سجينه من واحد من الرجال يلي جانو ويا. قربها من خدي و جرحني.
و هوا الزمني انفتح الباب قوي و دخلو خمس شباب اولهم سيف.
سيف: هيي انت تعال و اتعارك وي واهد بكدك مو تهد على بنت!
الرجال: هم انتا، راح اكتلك على يدي هاي المره، شباب لزموهم!
أتقدمو الثنين و كامو يتعاركون وي جماعه سيف، و هاذاك بعده لازمني و السجين على ركبني.
سيف: اتركها لا هسه امسح الكاع ابدمك.
الرجال:راح اقتلها بس اول راح اعضبها، و انتا لاتتصور تفلت من ايدي راح يجي دورك!
انهزمو الثنين و اجو جماعه سيف كل واحد شايل بيده سلاح.
كنت احس بسجين على ركبتي، شوي دخت و كلشي صار اسود...
كعدت جان كلشي يتحرك، وين اني، شلت راسي و شفت سيف يسوق السياره و اني نص متمدده بلمقاعد الورا.
باوعلي من المرايه الصغيرة البسياره و ابتسم: ها كعتي.
مجاوبت بس شفت قميصه صاير بي بقع حمرات بسلا دم.
- هسه راح اخذج لشقه صديقي عندج شكم جرح لازم يتنضف و يتعالج.
-منو هاذا الرجال و شيريد مني!!!
كلتها و دموعي نزلن
- لاتخافين هاذا ما راح يجيلج بعد، ما راح يتقربلج.
-حجا عن ابوي، شيريد .منو ؟!
-هدئ راح تعرفين كلشي بس مو هسه.
وكف السياره و أخذني لشقه صغيره، ما جان بيها احد.
-كعدي هنا راح اجيب علبه السعافات الوليه.
باوعت جانن يدي كلها جروح و دم يمكن من السجينه، تلمست وجهي و رقبتي هم بيهم جروح.
اجا سيف :صديقي ما موجود بشقته فه جبتج لهنا حته ترتاحين شوي بس اول لازم نداوي جروحج، لزم قطنه و خله عليها تعقيم و كام يمسح خدي و رقبتي و ادي بعدين خله لزكه طبيه و ضماد.
- انتا هم مجروح
-لا كلشي مبيه بس جروح بسيطه، راح هسه اعالجها.
كام و أخذ العلبه وره وقت قصير رجع و جان لابس تيشيرت اسود.
- همزين صديقي انطاني المفتاح و همزين عندنا نفس القياس ابتسم و غمز، ابتسمت اله.
-ما كلت منو ذاك الرجال.
اختفت ابتسامته و صار شكله جدي
-مو من صالحج تعرفين، المهم راح اوديج للبيت و لازم احجي وي امج.
-امي ليش؟
مشه كدامي بدون ما يجاوب رحت ورا.
فتح السياره و ركبنه. طول الطريق كنا ساكتين، لما وصلنه نزلنه دخلت للبيت و صحت امي.
لما شافت سيف تغير وجها كانها خايفه .
- سيف انتها كلشي انتها لا...
قاطعها
-اني جايج على شغله مهمه و الماضي انسي بس هاي العشر دقايق الي اريد احجي وياج بيها.
شنوووو امي و سيف يعرفون بعض، بس ليش يتكلمون بهاي الطريقه.
دخل سيف و راح وي امي للصاله اني صعدت لغرفتي.
من التعب نمت.
كعدت على صوت امي: تعاي اتعشي انتي من الصبح دون اكل.
نزلت و كعدت وي امي
-ماما سيف شيريد منج
- هيج ماما ماكو شي
-لا اكو احجيلي و اريدج هم تحجين عن أبوي اليوم رادو يقتلوني لآني بنت أيمن و اني اصلا ماعرف منو أيمن .
- بنتي مو من مصلحتج.
كمت و صعدت لغرفتي، بجيت و بجيت بعدين اخذني النوم.
كعدت الصبح، ما اريد ابقه بلبيت ما اريد انعزل اكره الوحده و الضلمه، فقرر ان اروح للجامعه حته اعوض مال امس.
استقبلتني نهى: ولججججج وينجججججج؟
-نهى مالي خلك ارجوج لتساليني.
-اها هم مزاجج تعبان ياله تعاي نأكل شي بلكي يتعدل هلمزاج.
- اذا ع حسابج اوك
-هههه لا عيني لا
-بومه ههه
-يااااله على حسابي.
رحنه للكفتيريه و نسيت شوي من امس و كمنه نضحك و نسولف شوي اجا واحد للطاوله :انتي تعاي وياي، أشر على نهى
- شتريد
سحبها من ايدها و اخذها لزمتها من أيدها الثانيه :شتريد من صديقتي اتركها
اجا واحد ثاني و ضربني. اخذو نهى ركضت وراهم بس مالحكت دخلوها بسياره و مشو بسرعه. كل الوقت اسمع اصياح نهى. ركضت بس كانو اسرع ،اجا سيف: شنو صار
-سيف اخذو نهى!
- رجعي للبيت بسرعه!!
- و نهى؟
- راح احاول الكه الاخذوهه.
- اًجي وياك
- لا
- اي
- لاا!!
-راح اًجي!!!
-بس تبقين بسياره!
لا!
- موبكيفج، الوضع خطر!
رحت ورا ركبنه بسياره كام يخابر.
وكف سيارته و ركبو ثلاثه من ألجانو ويا امس
سيف:شباب اتوقع اخذو البنيه بلغلط
واحد منهم: يعني تتوقع جماعه تشارلز؟
سيف: بضبط
الثاني:بس البنيه، مو من الغباء ناخذها ويانا و هم يريدوها، مثل كانه ننطيهم اليريدو.
-اني ما اكدر اترك صديقتي!!!
الثالث: على عيني بس تريدين تموتين؟
- لا بس انتو تروحون، ما تخافون على انفسكم، و هم اني ما جاي افتهم شي من الجاي يصير، بلكي احد يفهمني!
سيف: خلوها تجي ما راح اخلي احد يتقربلها.
الثاني: سيف يعني هيا ما تدري...؟
سيف: كافي
- شنو كولو ؟
كامو يباوعولي بعدين اتجهت انضارهم السيف، اتفف سيف و قال: الجماعه الرادويقتلوج عندهم ثار وي ابوج بس بما انو ابوج مات موت الله فه رادو يقتلوج.
- ابوي شنو سوا
- ابوج شرطي، كشف مافيا تهرب ممنوعات، كام يحقق بس الشرطه مدعمته و ساعدته لان كان ابنضرهم ان ابوج يبالغ. راح ابوج و صديقه الشرط لما وصلو و كامو يدورون على الادله حته يقنعون رايس الشرطه اكتشفهم ارثر الي يكون اخ الشفتين امس.
، هاذا كان بسنه النولتي بيها.اعتدا على ابوج و ابوج قتله لمحاوله دفاع عن النفس. ثاني يوم انسجن ابوج لان قتل انسان و كان كلشي يشهد ضده و ان قتله بدون سبب.
انسجن ابوج تسع سنين و بهاي السنين جانو يدورون على ابوج و ينتضرو. لما طلع من السجن عاش ببيت محمي و غير اسمه بس اسمه القديم ضل مكتوب بجوازج، وره سنتين اندعم و مات.
ضلو هاذول يريدون ياخون ثارهم.
دمعت عيوني، ابوي جان شرطي و جان يسوي شغله بس اتهمو.
-ياله وصلنه،ملاك ضلي بلسياره.
نزلوو اني ضليت، وره شكم دقيقه ماتحملت، العصابه يريدوني اني ليش ياذون الناس الحولي، كمت حته اوكفهم عند حدهم.
دخلت ببيت مضلم و بي هواي كوريدورات. اتبعت الصوت و شفت نهى رابطيها و الكل حولها على اليمين سيف و جماعته و على اليسار تجارلز و المافيا.
شوي و امسكني واحد.
-boss هاذي البنت!
-و اخيرا جبتو وحده صح.
شفت سيف طلع السلاح و الكل لزمو اسلحتهم. و بدو بلطلقات.
اجا سيف و شالني: خبيه ليش اجيتي!
-ردت اساعدكم
اخذو نهى و رحنه بسرعه للسياره، ركبنه و رحنه لنفس الشقه الجنت بيها امس.
دخلنه، نهي خلوها بلغرفه لانها جانت فأقره الوعي، اما البقيه كعدو بلصاله.
جانو تعبانين و محد اله خلك يحجي، باوعت للساعه، بلوحده بليل!
بس ما اكدر اكو اشياء لازم تنحل.
دورت على سيف جان واكف بلبلكونه و لازم كلاص ماي.
رحت اله: اني اسفه
-عادي بس لتعيديها.
-ممكن سوال؟
- اتفضلي
- منو انتا و ليش تساعدني.
باوعلي و بقه لمده.
- لانج اختي.
انصدمت ماعرف شكول، كمل: ابوي هوا ابوج اني سيف أيمن، ابوي وصاني بيج.
-بس أمك؟
- قصه طويله، امي كانت زوجه ابوي بس بعدين طلقهه وره سنتين من ولاتي بعدين اتزوج امج ،امج جانت اخت ارثر و تشارلز بس ابوي ما جان يدري، وره الزواج امج جانت تساعد اخوانها و كانت السبب لان أرثر اكتشف ابوي بس مخططاتهم خربن و ابو قتل ارثر، امج شافت خطها بس وره ما فات الاولن، تركت اخوانها و صارت بجانب زوجها، اهلها اتبرو منها و صارت عدوتهم. وره سجن ابوي التقيت بي كنت اكرهه بس كنت خطأان ابوي بطل و يضل بطل مع انه تركنه بلبدايه بس جان حته يحمينه ،وصاني بيج، هوا جان يحبج كومه جتان يزوركم بس انتي مجنني تلاحضي لان يجي بليل حته المافيا ماتتبعه و يعرض حياتكم للخطر. افتخري اب ابوج ان بطل، ابتسم الي . مكدرت أرد البتسامه ادموعي غلبتي ،كمت ابجي، سيف اخوي!! ما اصدك، و اني كل هلسنين اعاني من الوحده، ليش ما دربت من البدايه!!! و ابوي!!!!
تقدم سيف و حضني و باسني من راسي.
اول مره احس بهاذا الشعور ان يكون الي اخ يحميني و يسند ضهري. و شعور حلو اني اعرف ان ابوي جان بطل.
وره تقريبا عشر دقاق بدينه نسمع صوت رصاص أخذني اخوي من ايدي و دخلني بلغرفه الي جانت نهى نايمه بيها و قفل الباب: ملاااك ما اريدج تطلعين منا فهمتي!
- سيف ما اكدر أخليك وحدك خليني وياك سيييييففف!!
راح و اني جنت داخل كمت آدك بلباب و اصرخ بس محد يسمعني.
ردت اكعد نهى بس مردتها تخاف، كافي الخوف الي اجاها بسببي.
كمت أدور على مخرج، ماكو بس الشباك الشقه بطابق الثاني ما اكدر اطفر، جان اكو شجره كلش قريبه، شلت قميصي و شديتها لان جان شوي طويل و رفعت شعري حته ميزعجني، اقتربت من غصن الشجره و امسكت بجذع، مستحيل اخلي اخوي يتاذه بسببي، كافي انه انقذني مرتين، كمت اتسلق الشجره و انزل ببطء، أغر ثلاث أمتار وكعت بيها، صح اني اتاذيت بس اخوي اهم، كمت اركض للجهه الاماميه من البيت جانو هناك يطلقون، شفت ثلاثه بلكاع لو متاذين لو ميتين و جان طلق بين البقيه، ركزت بيهم
سييييففف!!! هاذاك سيف الواكع بلكاع.
ركضت بسرعتي كلها لما وصلت لسيف، جان جرحه كبير و يتنفس بصعوبه: ملااااك.... كتلج.. لاا.
- سيف ماكدر اعوفك.
شوي و حسيت شي يجرني من شعري، جانت مريه من المافيا، اجا رايسهم و لزم المسدس على راس سيف.
- هههه ودعي اخوج بس فراقكم ما راح يطول انتي ورا.
-ماااا اسمحلك تلمس اختي ، سيف طلع سجينه من جيبه و غرسها بصدر تشارلز
سحبتني المريه من شعري و تقربت من رايسها الي صار متمدد على الكاع :راح تندم يا سيف!!!
ما اتحملت و ركلتها ببطنها، وكع المسدس من ايدها،فجأة اجو الشرطه.
خلص كلشي،
الشرطه لزمو المافيا و اخذو سيف و المصابين للمستشفه، رحت ويا.
جان بغره و اني انتضر بره، شوي و طلعت الممرضة :ما نكدر مساعد المصاب، حالته خطره كلش، بس يريد يشوفج قبل لا..
ما صدكتها اخوي ميصير يموت بذات اليوم الي اني عرفت انه اخوي، اني احتاجه، شلون اكدر أعيش مندونه، اني فاقده اب و هسه افقد اخ.
ركضت و دخلت، شفته مدد على الفراش و يتأوه من الألم ، وكفت يمه و كمت ابجي، شال يدي بضعف و لزم خدي: لا ملاكي لا تبجين.
حضنت أيده.
-ملااك... ديري بالج على نفسج... اني بعد ماكدر..
- لااااا لتكول متكدر انتا اخوي ميصير تموت اني ماكدر بدونك اني احتاجك. ازدادن دموعي.
-ابوي رادج تكونين سعيده... و اني.. اريدج تكونين قويه، لتتاذين حبيبتي، احنه دوم وياج، بجانبج.
أغمض عينيه ببطء، ارتخت يده و ترك يدي.
لااا!!!
مستحيل!!!
مات؟!
متركت المشفه ذيج اليله بقيت اباوع لجثه اخوي حته نمت و كعدت بغرفه ثاني، اثر الدموع و البجي واضح على وجهي. اجت امي و وياها مريه ثانيه لابسين اسود، هذيج المريه ام سيف. اتذكرت صديقتي نهى، دكيت عليها ، نسيتها وره كل الي صار اتمنه ان ما بحبوسه بلغرفه بعدها.
- الو ملاك، شنو صار امس، حلمت ان احد اخذني بعدين كام يسال اسله غريبه بعدين كعدت بغرفه ولد فتح الباب و كلي طلعي.
ما جان الي خلك اجاوب، كافي اني تطمنت عليها. سديت الخط.
اصعب موقف مر علي، دفن سيف ،دخلت للكنيسه و اني لازمه الورد الابيض كعدت على الكراسي المخصصة لأهل الميت، طول الوقت جنت ابجي، لما صار وقت اخر كلمه أتقدمو الكل و كالو اخر كلمه لسيف قبل لأيدفنو، قررت ان اكون اخر وحده تكول الكلمه، لان وقتها محد يكدر يسمعني الكل بره بي روح سيف.
لما خلصو الكل طلبت من القس ان يتركني وحدي.
لما ترك المجلس اتقدمت لسيف شكله مثل الملاك بملابسه البيض، حليت الورد و قلت بصوت عالي: سيييف اخوي حبيبي، صعب علي فراقك و اني توني التقيت بيك، حبيبي ابد ما راح إنساك و أنسا شجاعتك، راح اوعدك ان اكون قويه مثل الي ردته، و راح اكون شجاعه مثلك، اخوي انتضرني بلجنه لآني راح اجيك عنقريب
، تمت مراسيم لدفن كلها.
بعد خمس سنين تزوجت و صار عندي طفلين اثنين سميتهم سيف و شيرين. صح ان اخوي مات بس بعده عايش بقلبي و تحسه اقرب الي من روحي.