الكسر والعوض (الحاقدين)

البارت لـ 38

السلام عليكم
تفاعلللوو بلا زحمه
——————————————

حـره - رحنا للبيت عم محمد تعشينا يمهم وهاي رجعنا بـ 12تقريباً مشي ماجاب السياره كاض ايدي ونمشي تعبت وكفت وحجيت
- بس اوكف شويه تعبت رجليه يوجعني

محمد - شبيهن شوو

يريد يكض رجلي رجعت ليوره
- عمي كعد الوادم منانه شتكول علينه

ابتسم واتقدم عليه وشالني
- بروح امك نزلني واين اودي وجهي من الفشله

محمد - ههههه تسحتي بلبل

ضل شايلني وصلنا لباب البيت نزلني طبيت للباب لكيتهم نايمين شفت الجهال يم عمتهم نايمين نزعت عباتي وغسلتها صاحني محمد رحتله
- هاا عيني؟

محمد - اريد كهوة

- كهوة حلوة ؟

محمد - مُرّة ، حلاوة وجهچ كُلش كافيّة

- ههه هسه اسويلك

رحت سويت وانطيته ونمنا ..

نرجس - خابرني علي (خطيبها) يريد يجيناا حضرت نفسي وكلت لامي ..

اندك لباب من الكامرات شفته ابن خالتي ضرغام وحده شيريد هذا كلت لحميد راح فتح الباب دخل يمنا سلمت علي كعد يسولف ويضحك وي الولد وديت چاي ومي محمد علساس اليوم يجي بعد مادري .

اجت حره سلمت علي من بعيد وراحت هو ضل يدحج وراها للحضه راح بالي لبعيد بعدين استغفرت ربي شني هل تفكير طب محمد مجرد شافه احتقن وجهه سلم علينه اجى علي فد فرحت من كال يريد يحدد موعد العرس ..

11/1 يعني بعد اسبوعين راح علي واني اسمع الاغاني خلود تغني حره شافت ماكوو احد بصاله شدت الشال ع خصرها وتهزز وكله ردح عيني طبن للغرفه يركصن ضليت واكفه اختار اغاني حلووة سديت الباب لحد يطب .

سكتن اشويه اجى حسين لابس دشداشه ولاف الغتره صليت ع محمد (اللهم صلي على محمد وال محمد) يخبل اريد ابني يطلع هيج حلوو مثلوو .

شويه وشغلت خلود يونس العبودي وطلعت لصاله وتغني فررحانهه عبالك هيه راح تزوج ههههه ..

اجى محمد صاح بيها سكتت شويه ولليل اجن بنات عمي يمنا صارت صدك حفله بليل نزلت حره ع الدرج تهز والبنات وياهاا هههه ...

حلت شعرها وضلت تهز بي هساع اليشوفها مايكول رگاصه ههه . ركصت شويه وانوب كعدت المفروض من باجر ابدي احضر لعرسي ..