كاتبة :: Samira rd
عقدت حواجبها وهزت عينيها فيه وهي كتشوفو عاطيها بلاستيكة وجلس فالفوتاي لي امامهت
جوديا :[ بتساءل ] شنو هادشي؟
مهاب: [ مفيكسي عينيه عليها نطق ببرود ] بوماضة لحريق
جوديا: [ التافتت ليه نضراتها كتوحيي لدهشة ] لعجب كيف جرا وطرا ؟
حلت بوماضة باغا ديرها فيدها ولكن كانت معنكشة تنهد وجلس جنبها واخدها من عندها.. عطاتو يدها متبتة عينيها عليه وهي كتشوفو مركز مع لحرقة
جوديا : [ رسمات ابتسامة على شفايفها نطقت بنبرة هادئة] نهار حرقتيني ماداويتينيش علاش؟
مُهاب : [ هز راسو فيها عينيه مفكسيين على عينيها نطق بنفس نبرة ] ماداويتكش بغيتك تحسي بعدابي وتعرفي قداش ماكيرحمش[ نزل عينو ليدها] هاد لحرقة مابغيتهاش تنسيك فحرقتي
جوديا: [ عضت على شفايفها نازلة عندو نطقت بصوت هامس] عارف بلي انت بسيكوباطي؟
مهاب: [ ميل راسو ناحيتها حتى حس بسخونية انفاسها فوق خدو ] بسيكوباطي وخليت فيك امارة فلحمك لي تخليك تفكريني طول حياتك
تقادات فجلستها جارة يدها من عندو مخنزرة فيه وقفت دايزة من حداه خارجة من صالون
جوديا : [ كتمتم بينها وبين نفسها ]وانا انخلي ليك امارة فقلبك لي اتحرقك كتر من لحمي..
دخلت لبيتها ناعسة حدا اروى.. ضواو طفاو في دار وكل واحد ناعس فبيتو .. صوت لكلاب هو لي كيتمسع فسقيل ليل .. كانت ناعسة وكتسمع بكا اروى عقدت حواجبها وهي كتستاعد تفيق حلت عينيها التافتت ناحية اروى كتشوفها كيف حمرا بالبكا وسعت عينيها بخوف هازاها
جوديا :[ بصوت مرعوب نطقت ] مالك اماما شنو ضارك
قاست حرارتها لقاتها سخونة.. قلب جوديا بدا يضرب بخوف عمرها قابلات دراري صغار فاش كيكونو مراض سرطت ريقها هزتها معنقاها لبست صندالتها وخرجت من لبيت وقفت امام بيت مهاب.. بدات طرق لباب تواني قليلة وتفتح لباب من طرف مهاب لي كان مزال شاد فيه نعاس وعلامة لاستغراب على ملامحو
مهاب: [ رفع حاجبو بتساءل] شنو واقع؟
جوديا: [ متبتة عينيها عليه نطقت بخوف ] اروى طلعت ليها سخانة وماعرفتش شنو بيها
حول عينو ناحية اروى لي كانت حاطة راسها فوق كتف جوديا بشرتها حمرة كيف ماطيشة نص عيونها مفتوحين بسرعة خادها من عندها كيقلب فيها حس بالخوف حتى من سخونية.. وماكاين حتى طبيب فهاد لوقت .. بسرعة نزلو مشا هو لصالون وهي مشات لكوزينة .. جابت بانيو صغير فيه لما بارد ومعاه فوطة وسطو.. مشات لصالون كان منعسها فوق لفوتاي مشات جنبو جالسة فوق الارض .. عصرت لفوطة وحطتها فوق راس اروى بقات دقائق وهي غير كتفزگ لفوطة وتحطها فوق راس اروى .. مهاب طول هاد لوقت وهو غير كيشوف فيها وفحنيتها مع بنتو ماكانش كيشوف شي واحد خايف على بنتو قدو هو وغيثة ودبا تزادت حتى جودية.. التافتت ناحيتو بعيونها لمعسلة
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
