لهيب عشقك محرم ( كاملة)

Part 29

🍂كاتبة :: Samira rd

وقفت حتى هي تابعاه طالعو لفوق بخطوات بطيئة هو امامها وهي وراه كتعبر فيه بعينيها .. تواني وكانت وسط بيت مختالف على لبيوتة لاخرين كانو فيه طابلوات ولكن خاويين قليل لي مرسوم فيها شي حاجة ديال طبيعة

مهاب: [ خاشي يديه فجيابو كيشوف في جوديا لي كانت مبتاسمة وكتشوف في طابلوات ] كل مرة كتصدميني بحاجة

جوديا :[ عضت على شفايفها مبتاسمة غمزاتو ونطقت ] محدي هنا مزال انزيد نصدمك

مهاب :[ تفحص بعينيه لبيت نطق بهدوء] كولشي كاين هنا رسمي حتى تشبعي

اومات راسها بإيجاب هو التافت خارج من لبيت ساد وراه لباب .. كان كولشي كايين كيف قال ليها .. جمعت كمايمها وبدات فرسم  عاقدة حواجبها عاطية كل تركيزها في لوحة لي امامها دازو ساعات وهي ما ملتش تا واحد ما جا برزطها كان لبيت فيه شرجم واحد ولكن مسدود ماباينش واش لحال ضلام .. من بعد ساعات وهي كترسم رجعت خطوات لور كتشوف في رسمة لي امامها بابتسامة رضى واخا مدة هادي ما رسمت ولكن مزال عاقلة على ادق تفاصيل ومايمكنش تنساهم .. عضت على شفايفها بإعجاب

جوديا :[ بابتسامة ] كيف تخيلتك

التافتت ناحية صوت لباب لي تحل كتشوف غيث داخل بابتسامة على وجهو متبت عينيه على جوديا وكيف كتشوف فيه ومبتاسمة سد لباب وتوجه عندها وقف امامها

غيث :[ دوز يدو على شعرها بحنان نطق] مبروك عليك لقبول

جوديا: [ بابتسامة شكر مبورشة من يدو لي فوق شعرها] الله يبارك فيك

غيث :[ خشا يديه فجيابو نطق من بعد ما سكت تواني وهو متبت عينيه عليها] كنت عارفك اتنجحي فهاد لامتحان واتقبلي

جوديا: [ ابتاسمت ليه بخجل امامو كتجيها لهيبة التافتت ناحية لوحة ونطقت بهدوء] شوف

غيث: [ التافت ناحية لوحة شاف فيها بدهول ورجع شاف في جوديا ] نتي لي رسمتيها؟

اومات راسها بإيجاب وهي كتشوف دهشة في وجهو.. مامتيقش بلي كتعرف ترسم بهاد دقة وكأنها حقيقية

غيث :[ بدا يصفق بيدو نطق بدهشة ] تبارك الله عليك [ رفع حاجبو مبتاسم ] ولكن علاش رسمتي مهاب بضبط وبهاد تغوبيشة

جوديا :[ هزت كتافها ونطقت كضحك]هو لي طاح لي فبالي.. بهاد تغوبيشة ديالو

غيث: [ التافت ناحيتها بابتسامة] مابقاش كيف قبل؟

جوديا :[ نفات براسها بابتسامة] لا ماعرفت شكون سحر ليه [ عقدت حواجبها ونطقت بتساءل] شحال فساعة

غيث :[ شاف في ساعة لي في معصمو ونطق ] 10:30 ..

ااومات راسها بإيجاب والتافتت ناحية لوحة كانت راسمة مهاب وتخنزيرة لي كتشوف ديما فوجهو.. ماعرفتش كفاش طاح عليها هو بضبط ترسمو وتفنن في رسمتو.. بقاو تواني تم وخرجو طافية ضو وسادة لباب.. نزلو لتحت ديريكت لصالة لي كانو مجموعين كاملين من بينهم مهاب لي غير شافتو التافتت ناحية غيث كضحك وهو مبادلها لابتسامة.