بقلمي / حبيبه محمد
__________________________________
المجهول بغضب : بتشربي مخدرات يا زباله
ليان بخوف و تلجلج : و و و وعد
وعد بغضب : اه وعد يروح امك اخرتها تشربي مخدرات يا ليان تعالي
و شدتها خارج الملهي و ركبتها العربيه و ركبت هي كمان و ساقت بسرعه عاليه
و كل ده و ليان بتبكي وقفت وعد العربيه و
قالت بهدوء : طب انتي بتعيطي لي دلوقتي
ليان بخوف و برائه : خايفه منك انتي مش هتزعقيلي او تقولي لليث صح
بصتلها وعد شويه و ابتسمت علي برائتها
" بطلي عياط "
و اتجهت إلى الاسكندريه
و بعد ساعتين وصلوا وصلو اسكندريه و قعدوا علي البحر و بعد شويه من السكوت
وعد بهدوء و حنان : احكي
بصت لها ليان باستغراب
وعد : احكي لي تشربي مخدرات و لي تروحي في الطريق ده و انتي عارفه نهايته
ليان بحزن : عشان انسي بابا و ماما و انسي الكل
وعد : لي
ليان بحزن : عشان محدش بيحبني بسبب ماما مع انها مش بتعملهم حاجه هي ممكن
بارده شويه معاهم ممكن عشان اتجوزت
بابا معرفش
و بابا اللي انا دلوقتي عرفت لي مكنش بيحبنا
و مكنش مهتم بينا كان بسبب أن قلبه لسه
متعلق بمراته الأولي و نسي ولاده و مراته اللي
اهملهم
طب تعرفي أنه مكنش بياخدني انا و ليث في حضنه غير كل كام شهر مره طب تعرفي أنه اخر مره خدني في حضنه كان لما جبت مجموع يدخلني هندسه يعني لما كنت في تالته ثانوي
و ماما اللي بسبب الإهمال من بابا بقي كل وقتها في النادي و الجمعيات و الندوات و نسيت عيالها و الوحيد اللي كان بيحبني و بيهتم بيا كان ليث تعرفي اني لما كنت بحلم ب كابوس كنت بروحله و استخبي
في حضنه و مكنتش بروح لماما و لسه لحد انهارده لما معرفش انام أو احلم ب كابوس اروح انام معاه و غير كل ده البنات مش بيحبوني و و اللي وجعني منهم أنهم لما كنت بحاول اقرب منهم كانوا بيبعدوني عنهم و اخر مره قالولي ابعدي عنا احنا بنكرهك و مش بنحبك و مش عايزينك معايا
انا عمري ما فكرت اشرب مخدرات بس
صحابي هم اللي قالولي أنه هينسيني
عشان كدا شربت مخدرات كنت عايزه انسي
وعد : تعرفي انتي علي الاقل كان عندك اب
بس انا عشت عمري كله من غير اب
ليان بسخرية : انهي اب ده اللي ميعرفش عني حاجه صح
وعد بحزن دفين : علي الاقل لما كنتي بتقعي في مشكله كان بيبقي جمبك و معاكي
و علي الأقل مكنش حد بيقولك انتي بنت حرام و كان ابوكي معروف
أنت تقرأ
وعد بالانتقام / بقلمي : حبيبة محمد ✨
Mystery / Thrillerعدد الفصول : 36 فصل هي من أُتهمت اُمها بالخيانه / هي من عاشت بدون اب/هي من بَنت نفسها بنفسها / هي من زلزلت اسواق الاقتصاد/هي تكون وعد سليم الجارحي/هي تكون رعد الاقتصاد / هي تكون وعد بالانتقام بقلمي / حبيبة محمد ✨ عدد الفصول : 36 فصل جميع حقوق الطبع...
