قضية لا تموت
البارت ٢٣
زينب العبودي
قدم الورقة وخله القلم عليها،سحبتها ووقريتها نقل السيدة نسرين...... ابتسمت كتله:
-وأخيرًا ،على بالي الموضوع بس مردت الح بالسؤال،ومن جهة دائماً مشغول بالموظفين.
وقعت على الورقة وكتله:
-أباشر من هسه بالقسم لو شنو الاجراء
سكت ثواني وهو يباوع عليه بدون ميبدر منه صوت،بعدها كال:
-يوقع المدير ويصدر الأمر وبعدها تباشرين بالقسم الجديد
-تمام،شكرًا أستاذ مجاهد
-تدللين ست نسرين
حسيت قلبي وجعني،تأقلمت ويه البنات وحبيت الشغل وياهم، عندي خوف أباشر بغير مكان
طلعت من يمه ورحت كعدت بمكاني يمكن جانت واضحة ملامحي تدل على الحزن والاكتئاب
سألتني رسل
-بيج شي نسرين، صار شي شو طلعتي منا طبيعية ورجعتي لونج مخطوف
كبل باوعت عليه هديل وسألتني الثانية
هديل :صحيح كلام رسل صار شي ،أستاذ مجاهد غثج بشي
نسرين:لا مابيه أي شي
هديل:لعد
نسرين:مابيه شي بس فجأة حسيت نفسي دخت يمكن الضغط
هديل:شربي عصير برتقال
ردت إلهام بنيه موجوده بالقسم"عندي عصير برتقال "
كامت وطلعته من الثلاجة وانطتنيا
حسيت بحزن أكثر ،ممستعده اتأقلم ويه غير بنات ،تندمت لإن مطلبت من مجاهد يبقيني بالقسم،وبنفس الوقت ناقضت نفسي ،مااكدر اطلب من مجاهد بالذات هذا الطلب،"، اخاف يحسبها بغير حساب،لذلك مضطرة أسكت
طلعت من الدوام طول الوقت أفكر بنقلتي الغير قسم ، وخوفي خاف ما أرتاح وهو هم عبالك مستعجل بنقلتي وميرغب وجودي
بقيت بيومها مشدوده أعصابي وذهني مستمر بالتفكير
بليل اتصلت بعواطف هم افتقدتها لان مو عادتها متتصل وهم أريد احجيلها ألي صار بس مردت عليه
بقه بالي يمها دزيتلها رسالة فتحتها بس مردت
زاد خوفي وقلقي عليها رجعت كتبتلها
-عواطف حبي شنو السالفة ليش متردين بالي يمج
هم فتحت الرسالة ومردت رجعت اتصلت هم ماكو رد
كتبتلها:
-بيج شي والله، سامعه شي ، غاثتج بشي ردي عليه لإن بالي يمج
مفتحت أخر رسالة قلقي يزداد بس الوقت متأخر مااكدر اروحلها
حاولت أنام وابعد ذهني عن التفكير لإن عندي كعده الساعه خمسة الصبح مكدرت إلى ان صار وقت اجهز
نفسي للدوام
طلعت وأني عيوني تحركني بسبب عدم النوم مجنت متفائله بهذا الصباح،هم عواطف وهم نقلتي .
بقيت مشتوله بالشارع وأني أنتظر اخر سيارة اصعدها حتى أوصل للدائرة،صدفة مر من يمي موظف أشوفه دائمًا يم مجاهد وكفلي ترددت بالبداية اصعد بس كلت خاف متجي سيارة بسهولة
وصلت للدوام كتبت أسمي ووقعت وأول مدخلت كبل اخذت مكان أسمهان وخليت راسي على الميز
أنت تقرأ
قضية لا تموت
Fiksi Umumكاتب للروايات تسرق فتاة عقله بغموضها وقضيتها وحكايتها تشوش العقل ! قالت لهُ لا تتجاوب معي إهمل رسائلي لأنني سأحولك لشخص مريض لا يثق حتى في نفسهُ وانتم كذلك أيها المتابعين إن دخلتهم وتعمقتم بسطور هذهِ الرواية ستجعل منكم شخص لا يثق حتى ف...
