🍂كاتبة :: Samira rd
ورَأيته فأَورَقت من سُرور القَلب أفنَاني".
الفصل :: 1
وقفت بحماس سابقاه وهو كيضحك عليها خرجت وعاود غمضت عيونها من لبرد لمجهد لي كاين بسرعة طلعت لطموبيل وتبعها
جوديا: [ كتنفخ فيديها باش يسخنوو] ناري لبرد كيجمد
مهاب: [ ديمارا طموبيل نطق بهدوء] خودي بلاستيكة لي لور
داكشي لي دارت هزت بلاستيكة لي كان لور حاطاها فوق رجليها حالاها كان طاگية دصوف سخونة فلون ابيض .. مع ليگات فنفس لون التافتت ناحيتو كتشوف فيه كفاش فكر ليها وخاف عليها من لبرد
مهاب: [ كيشوف امامو ] ماتشوفيش فيا هكا
جوديا [ ابتاسمت وهي كتلبس فليگات ] عندك دوق
مهاب: [ التافت ليها غمازها ورجع شاف قدامو ] فيك حتى نتي
عضت على شفايفها مهبطة راسها وخدودها توردو مامولفاش بالغزل وشي واحد يتغزل بيها .. بطريقة زوينة كتسمع لغزل ولكن غزل مهاب حلاوتو خاصة.. رجعت بلاستيكة لور حست بيديها وراسها سخنو
جودي:ا [ كتفحص بعينيها ناس لي كانو شي غادي وشي جاي وشي كيلعب] مانمشيوش لريسطو نمشيو لشي بلاصة شعبية
مهاب: [ عقد حواجبو والتافت ناحيتها] علاش؟
جوديا [ دوزت لسانها على شفايفها مبتاسمة] بغيت لحريرة وشفنج
مهاب: [ اوما براسو ] واخا الالة
مادازش بزاف دالوقت وكانو جالسين فقهوة عائلية شعبية كانو بزاف دالعائلات جالسين فالقهوة .. امام جوديا ومهاب زلافات دياول لحريرة جوج طباسل فيهم شفنج والمسمن مع براد اتاي
مهاب: [ عقد حواجبو وهو كيشوف في جوديا كتاكل ومامسوقاش] هادشي مزيت غادي يضرك فالمعدة
جوديا :[ نفات براسها مادة ليه بيدها شفنج ناحية فمو ] لا ماتخافش مولفة [ دخلت ليه دغمة في فمو وكملت حديثها كتبتاسم] كنت ديما كنفطر بي طبسيل ديال شفنج وبراد اتاي قبل ما نمشي لخدمة
بقاو ساعات وهوما كياكلو مرة توكلو ومرة يوكلها ومامسوقينش لناس لي كانو كيشوفو فيهم كيبانو بحالا ماشي مغاربة... مصت شفايفها وهي كتمسح فيدها فالزيف
جوديا: [ حطت زيف كتشوف انحاءها ] حمد الله شبعت
مهاب: [ حط يدو فوق يدها وعيونو متبتهم عليها] بصحتك
جوديا :[ حطت يدها فوق يدو مبتاسمة] شكرا على هاد لخرجة
مهاب :[ عقد حواجبو كيضحك] شكرا قالتها جوديا هي شي يهودي سلم..
صغرت عينيها كتشوف فيه هزت كتافها بطفولية قالبة شفايفها ضحك عليها.. عيط مهاب على سيد مخلصو ووقف وقفت حتى هي قادت ليگات وشد مهاب يدها.. متاجهين ناحية طموبيل طلعو وكسيرا لوجهتهم دازت ساعة وكان بلاصا طموبيل فموقف سيارات نزل ونزلت شد فيها
.. وتمشاو كانت بلاصة مزينة بالاضواء حيت قرب راس لعام كانو قهاوي صغار وديور جنب بعضياتهم مزينين بالاضواء بلون ابيض اصفر برتقالي وحمر .. كانو دراري صغار وكبار كيلعبو بثلج..
ثلج خفيف كيطيح مخلي لجو يكون زوين .. كيتمشاو ومبتاسمة وهي كتشوف فهاد لجو
جوديا :[ هزت راسها في مهاب ] ديكور زوين
مهاب :[ التافت ناحيتها اوما براسو نطق بنبرة رجولية هادئة] قرب راس لعام داكشي علاش
جوديا :[ طلقت من يدو واقفة امامو حاطة يديها على جنابها مبتاسمة ] صورني هنا
ابتاسم خشا يديه فجيبو جابد تيليفونو كيصور فيها وهو كيضحك.. من تعابير وجهها لي كتبدلهم فكل تانية باش يصورها.. بنص عين شاف شي دراري كانو غادين ووقفو جنبهم كيشوفو في جوديا وهي كضحك مع مهاب .. التافتت ناحيتهم كيشوفو فواحد فيهم عاض على شفايفو وعيونو على جوديا ...
خشا تيليفون فجيبو التافت ناحيتهم عاقد حواجبو وعيونو معميين جوديا كانت رافعة حاجبها باستغراب .. بدون سابق انذار كان دخل فيه براس حتى رجع دري بخطوات لور دايخ مزال ما استوعب دقة لولة حتى شنق عليه من لكول هاز يدو على شكل لكمة عطاها ليه لحنك وناس كيتفرجو..
مهاب: [ نطق بغضب تحت سنانو] بوكيمون اولد ل**بة انا [ هز يدو مرة اخرى نزل عليه لحنك نطق معصب ] هادي حيت حطيتي عينك على شي حاجة خاصة بصقر...
كانت جوديا كتشوف فيه خاشية يديها فجيابها ناس تجمعو على مهاب لي كان كيضرب في دري مرجعو شرويطة غير رجال لي كيفكو فيهم .. اما جوديا كانت مبردة وهي كتشوف فيهم.. شافت نضرات داك دري ليها داكشي علاش بغاتها فيه ...ابتاسمت وميلت راسها وهي كتشوف مهاب جاي عندها معصب وعرقان وجهو مزير وحمر وقف امامها
جوديا: [ نطقت حابسة ابتسامتها رافعة حاجبها] شنو دار حتى يستاهل هاد ضرب ؟
مهاب :[ زفر بغضب قالب وجهو] شاف فيك
جوديا: [ عضت على شفايفها كضحك توجهت امامو واقفة حاطة يديها على صدرو ] ماتعصبش مايتساهلش
مهاب: [ نزل عينو جيهتها عاقد حواجبو كاتم غضبو] انبدا ندم حيت كنخرجك ويشوفوك ؟
جوديا: [ ميقت فيه كضحك لوات يديها على ضهرو حاطة راسها على صدرو نطقت بغرور] شنو دنبي الى كنت زوينة وكولشي كيشوف فيا؟
مهاب :[ بادلها لعناق ومزال نضرات دري لجوديا بين عينيه تنهد كيبتاسم على غرورها ونطق ] شحال كيعجبني هاد لغرور ديالك [ ضحك باستهزاء] كيبان ليا بصح ماغاديش نسا هاد تسافيرة
جوديا :[ ضحكت بخفوت مبعدة منو خاشية يديها فدراعو ] يله ناكلو شي حاجة
مهاب: [ خشا يديه فجيابو كيتمشاو ] ندخلو لهاد لقهوة
بخطوات بطيئة تمشاو اتجاه لقهوة.... كان بدا يضلام لحال وتلج ماحبسش .. قهوة كانت عائلية دخلو لداخل فبلاصة بعيدة على ناس شوية وجلسو جا عندهم سرباي خادو طاجين والموناضة.. دقائق قليلة وكان كولشي فوق طبلة
جوديا :[ غمضت عيونها وهي كتبنن] الله بنين هادشي
مهاب :[ حتى هو كياكل نطق بغرور] ولكن مايكونش بحال كيف طيبت
جودي:ا [ غمضت عينيها وهي كضحك ] صراحة بنين واخا مخليتنيش ناكلو على خاطري..يتبع
أنت تقرأ
لهيب عشقك محرم ( كاملة)
Historical Fiction°°لــهــيــب عــشــقــك مُــحــرم..°° كاتبة :: Samira rd صنف : درامي .. هوسي .. مافيا .. رومنسية .. غموض .. كره .. دنب.... ♠️ورَأيـتـه فـأَورَقــت مــن سُــرور الــقَــلــب أفــنَــاني".♠️ ____.______.______._____ ....ف...
