|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أرينا: عيني عالباب وكل شوية اگول راح يدخل ويجي يحضني ويحسسني بوجودة اعرفة ما يعوفني اني وريدة وهو گال ما يگدر يعيش بدون وريدة اعرفة ما يعوفني مستحيل هالشي
بقيت انتظر وانتظر وعيني ما رفعتها من الباب وحاضنة نفسي مثل الشخص الخايف
فززني من تأملي صوت آسر وهو يگول
_أرينا يا روحي لا تعذبيني گومي ادخلي جوة الدنيا صارت باردة والساعة صارت ب 1 وانتي على نفس الگعدة
_لا لا ما اگوم اخاف آدم يرجع وما يلگيني منتظرتة
_أرينا
_ما اگوم هسة راح يرجع
_شوكت تتقبلين الحقيقة
_الحقيقة الوحيدة آدم يحبني ومستحيل يعوفني
_ليش هيج ناوية تسوين وتعذبيني ارينا يا عيوني أنتِ اگعدي من هالحلم آدم صارلة سنة من اتوفى و أنتِ بعينج شفتي جثتة كافي تعذبينا واحنا نشوف هذا حالج اذا مو لخاطرنا لخاطر امي وابوية ما تشوفينهم شصاير وياهم بسبب وضعج وخوفهم عليج لخاطر جهالج
نزلت راسي بين رجلي وگلت بغصة
_ما اگدر ما اگدر لهسة ما مصدگة آدم ما يروح ويعوفني اعرفة يحبني مستحيل يعوفني ويروح اعرفة راح يرجع وشي اكيد يزعل اذا ما لگاني منتظرتة
حضني وصار يمسد على ظهري ويگول
_أرينا ارجعيلنة مثل قبل ولا تخلين الحزن يجرج الة الموت حق وكل واحد يموت بيومة والكاتبة الله يصير حرام عليج جاي تعذبين وتموتين نفسج عالبطئ آدم صح جان شخص زين وماكو مثلة ومستحيل بيوم ننساه بس غلط الواحد يربط مصيرة وحياتة بشخص ثاني أنتِ جاي بس تعذبين نفسج بنفسج التفتي لاطفالج الي نسيتيهم وصارو بعيدين منج الله انطانة نعمة النسيان علمود الواحد ينسى هيج ذكريات ادمر الواحد وتنهي من الوجود يكون بس جسد وروحة ميتة حاولي واحنا وياج ونساندج
_الكلام سهل بس والله صعبة صعبة... حجيتها ودفنت وجهي بـصدرة منفجرة بالبجي
من بعد مواسات وكلام هواي ومحاولات دخل آسر جوة واني رجعت عيوني لباب نفس المشهد يتكرر مثل كل يوم من اليوم الراح بيه آدم وعافني بذاك اليوم
رجعت بذاكرتي ليورة قبل سنة وثلاث اشهر لليوم الي جان اسوء يوم بحياتي من راح آدم وعافني وحدي ولسبب واحد بس لان راد ياخذ حق اهلة غدروا واخذو مني بنفس اليوم الرجع بيه حق اخوه وابوه
