يا غلطة ظلم باكت لذة العشرين

بارت١

السلام عليكم
*********

#بقلم_ الكاتبه سانسا
***************

كل أنسان فينا لابد أن يصبح تعرض لبعض ألظلم
سواء من القريب أو البعيد

وجديد من الأشخاص يحبون ألظلم ويعرفون أنهم
يظلمون العديد من ألأشخاص
حولهم وخصوصآ أقرب ألناس أليهم لاكن ظلم ألغريب
يصبح أهون من ظلم القريب على الأقل يبقى غريب 
لايعرفك ولايدري ماهي حالتك أو شخصيتك فيظلمك
وانته مقهور

أما القريب فربما يصبح أصعب نوعيات الظلم على
الاطلاق
 
فأعلم ان بين الحاجات الكثيره التي تكسر الأنسان
هوه ان يكون بك بعض الكسور والجروح من أقرب الناس أليك

***********************

_ولاكن يأتي العوض ربي بعد الصبر عظيمآ كالغيوم
المحمله بالمطر المليئه بالخيرات فالله لن يترك
قلب حزين ألا ويعوضه خيرآ ويجازيه جبرآ
عظيم
فما أعظم العوض بعد الصبر:

_عوض الله جميل فوق توقعات الصابرين
_ كلما كان الصبر طويل كان العوض جميل
_ يأتيك العوض زاحفآ بعد صبرك
_ كل الذين صبروا عوضهم الله خيرآ
_العوض جميل سيأتيك بعد صبرك فلم يكن
أبدآ في الكون مستحيل
_ حين يأتيك العوض ستنسى كل ليالي الصبر
_ عوضني يا الله عن كل ما ألم قلبي وأحزاني

********************************

الكاتبه: سانسا: راح نتعرف عل بطلة القصه

_اني اسمي ضحى عمري 16سنه عايشه بل بصرة
مواصفاتي
حالي حال أي أبنيه اني كولش بيضه
وعيوني
أكبار ولونهن نرجسيه على جوزيات
 وشعري
طويل واصل نهاية ظهري ولونه بني على جوزي
 وشفايفي
منفوخات من الله وعندي خدود وجناتي عاليه ومن اضحك عندي غمازه وحده بخدي الأيمن
وانا مو سمينه ولا ضعيفه وزني 60 طولي حلو بحلاته
وجسمي كلش حساس اذا احد لزمني قوي أو يضربني
يبين الأثر
عندي عائلتي كولش احبها
ماما ربت بيت عايشين الحمدلله ربي يحفظهم وعندي اربع اخوان واخت وحده
انا اكبر وحده من اخواني عايشه بل بصرة منطقه اسمه القرنه يعني بل عشاير

وانا ماكملت دراسه بصف 2متوسط بابا بطلني من المدرسه لأن امي حامل وكلش تعبت وبابا
بطلني من المدرسه بس جان حلمي اكمل دراسه
بس ماما
كلش تعبانه والعشاير ميقبلون الأبنيه تكمل دراسه يكولون لبنيه حتى لوكملت دراسه هيه اول
وتالي ابيت زوجها
فميقبلون البنات اتكمل
بابا كولش عصبي ميتفاهم هو يشتغل
عقيد بل داخليه وكولش اخاف منه ارجف رجف
شنو الي يكولي عليه اكوله صار حتى لو ماريده بس مجبوره اوافق
بس لان متشدد كلش امي كولش حنينه وطيبه
اعتبرها صديقتي
اني من النوع كولش احب اكتب اشعار
امي واخواني جانو وناستي
امي تجمعنه بليل وتقرالنه قصص
طبعآ من يروح بابا للدوام يبات عنده واجبات
امي كلش متدينه ملتزمه ابصلاتها
وانا عمري 8 سنوات علمتني على الصلاة وصيام
صرت كل ما أشوف امي تصلي
اصلي يمها وأباوع الأمي من ترفع اديها وتدعي
الله يهدي ابويه ويحنن قلبه علينه
صرت كولش احب الصلاة ملتزمه بيها
وأقره دأئمآ قرءان
جان ابويه حته من يجي مجاز 3ايام دائمآ
طالع ويه أصدقاءه بل دوام وميكعد يمنه ابد
مثل باقي عمامي
وخوالي يكعدون ويه عائلتهم ولايسولف
اباوع على عمامي أشلون يعاملون بناتهم
ويشاقونهن
واني كلش أنقهر وأبصراحه اغار ليش ابويه
مو مثل اخوانه
ابويه عند 5اخوان وهو ال6 ابويه يصير الوصطاني بأخوانه
وعنده 3خوات أبد مايحسسنه بحنيتهن علينه وبابا
جان مانعني من التلفزيون ميخليني اباوع
بس من يروح الدوام اباوع على تلفزيون
جنت احب ممثل هندي اسمه شاروخان كولش احبه واتمنه ازوج شخص
مثله مثل شخصيته وحافظه كل أفلامه
واني احب الشتاء أكثر من الصيف
من تمطر الدنيه بل شته اصعد فوك السطح وفديوم مطرت وينزل عليه المطر
واتبلل وافتر بل سطح احس ابشعور كلش حلو
كولش احب هيج أجواء
وبيوم مطرت الدنيا وجانت الدنيا العصر وصعدت بل سطح وامي اتصيح عليه بنيتي لاتتمرضين دخلي جوه انزلي
وانا اكوللها ماما كلش حلو احب هيج جو
احس قطرات المطر تحييني ونزلت جوه لان
كلش بردت
وماما شافتني من نزلت ورزلتني كالتلي
ليش هيج امبلله روحج بل مطر انتي متبطلين اله تتمرضين وترتاحين امشي دخلي
للحمام وهسه اجيب ملابسج قبل ليجي ابوج
ليشوفج وياكل كلبنه
واتمسكنت وكتلها ماشي ماما وبستها من خدها حيل وطبيت الحمام سبحت
وماما جابتلي الملابس وبدلت
لبست اتراك لون وردي
وطلعت اركض كبل عل صوبه
اريد احضنها من البرد بس اخاف احترك هههه
ونشفت شعري
وأجتي ماما مشطتلي وضفرته وكملت
ودخل بابا علينه
اجه من الدوام اتفاجأنه ابنزوله هوه دائمآ ينزل الظهر وسلمنه عليه اني واخواني وماما
بس احس دخلنه إنذار هههه بل بيت لازم نمشي عل قوانين وراح بابا ابغرفته وماما كالت
صوتكم ابوكم تعبان
وكتلها حافضين الدرس ماما روحي على بابا
وراحت ورا للغرفه
وكعدت يم اخواني اعلمهم عل احرف العربيه
وره اشويه اجه بابا سابح امبدل لابس دشداشه ومتعطر وكعد يمنه ويلعب ابموبايله
اني واخواني ماطلعنه
ولا صوت بس النفس يصعد وينزل
وره اشويه بابا كال الماما اني طالع لتسوون عشه
ارجع اجيب عشه ويايا
وطلع بابا وردت روحنه
وكلنه اني واخواني ردت روحنه ابصوت واحد
وماما ضحكت  كتلها عبالك ملك الموت يريد ياخذ ارواحنا 
وكالت ماما ولج لتحجين هيج هذا ابوج
هم الله يساعده تعبان من دوامه
وكتلها ماما حافضين الموضوع
ومشه الوقت واجه بابا جايب ويا عشه دجاج شوي وتمن سفري
واني حضرت الزلايط وكملت وصبيت الأكل
وكعدنه ناكل طبعآ ماكو كلام ويه الأكل
وكملنه شلت المواعين غسلتهن كملت وصبيت جاي وكملنه
وكلمن راح الغرفته
وماما وبابا راحو نامو واني بقيت احوس اريد اباوع تلفزيون
بس بابا موجود مااكدر لو بابا ماموجود جان هسه اباوع التلفزيون
افلام هندي وارقص هندي للساعه 5 الفجر اسهر مانام اباوع افلام يعني
شلون بيه هسه ضليت افكر لحد مانمت
وحسيت على ماما اتكعد بيه
كالت كومي يمه خل انروح وكمت حتى ماكتلها وين ابسرعه وخرت البطانيه
كمت كبل للحمام غسلت وفركت اسناني ورحت اسوي ريوك
وكملت وصحت الماما واتريكنه سويه وكتلها ماما
وين انروح
كالت اريد اروح ابيت خالج ابو أدم
واني كتلها ماما روحي انتي واني وديني ابيت عمي وكالت ماما لايمه امشي ويايا احسن
وكتلها ماشي عادي ماما
واني هم اروح يم ساره
وكمت عزلت المطبخ ورحت بدلت ابسرعه لبست دشداشه رياضيه مريحه بل لبس
لون وردي لان كلش احبه ولبست الشيله لون اسود
لان الدشداشه وردي بسود
ولبست عبايه راس
لان بابا ميقبل وكملت وحضرت باقي اخوتي
وطلعنه رحنه البيت خالو ابو أدم
وصلنه ابسرعه لان قريبين علينه بشويه
ومنطقتنه
كلها عمامي وخوالي قريبين
يعني منطقه بس ألنه 
وخالي يصير شيخ عشيره
واحنه حالتنه كولش زينه وعندي بنات عمي وخالي صديقاتي من الطفوله
 ومن بابا يروح الدوام اروح ابقه يم بنات عمي
بدون علم بابا لأن ميقبل اطلع من البيت
ماما تقبل اروح يمهن للصبح ارجع قبل بابا للبيت
عندي خالي
ابو أدم عايش بل بصرة شويه بعيد عنه عند 3 اولاد
هو متوفي بس كولش احبه وحنين وقلبه طيب
ابنه الجبير أدم يداوم بل حشد جان دائمآ يجي هوة واخوانه المنطقتنه ويزورون الأقارب
ويجي علينه على ماما يسلم عليها
بس اني دائمآ ألاحظ نضراته عليه كم مره اكول
يمكن صدفه
ووصلنه البيت خالو ابو أدم ودكينه الجرص وطلعنه أدم وسلم على ماما
وباوعت عليه وسلمت كلت اشلونك أدم وكال الحمدلله اتفضلو ودخلنه وسلمنه على مرة خالي
وكعدنه اشويه واخواني طلعو يلعبون بره وكلت الماما راح اصعد يم ساره
وكالتلي روحي وصعدت ودخلت للغرفه
لكيتها نايمه وكعدتها على كيفي وفزت
مني كالت شنو حلمانه بيه من الصبح جايه عليه
وكتلها كومي لج فوك ماجيت عليج
كومي يله ننزل وسلمت عليه
وكالتلي هسه انزل بس اغسل
واني كتلها ماشي راح انزل قبلج
وطلعت من الغرفه واتلاكيت
ويه أدم عل درج
خل اعرفكم عليه
طبعآ أدم هوه أبن خالي هوه طويل وجسمه رشيق جسمه امعضل وبارز بي العضلات
مع انو هوه ضعيف وحنطاوي على بياض خفيف
بس هو وسيم وشعره ثخين وعالي
دائمآ نازل على عيونه
وعيونه لونهن اسود و كلش عصبي
بس بنفس الوكت كولش حباب يغار هواي
ودائمآ اشوف ملامحه معصب 
هو طويل ووزنه تقريبآ 80 شعره اسود ودائمآ حزين بس رغم حزنه دائمآ يضحك
واتلاكينه عل درج وكال اشلونج ضحى شخبارج
كتله تمام الحمدلله وانته شخبارك
كال من شفتج احس صرت زين
واني مافهمت شنو معنى كلامه وكتله اممم
ونزلت الدرج ورحت يم ماما كعدت ونزلت ساره
سلمت على ماما وكالت مرت خالو كومي ابنيتي سوي ريوك وكامت ساره
وكالتلها ماما لاعيني تسلمين هستونه اتريكنه
وكامت ساره للمطبخ وكلت الماما اروح وياها
وكالت روحي ونزعت العبايه
ورحت للمطبخ وسوت جاي ساره وكعدنه انسولف واشويه دخل أدم
جايب صمون وكيمر وكاهي ونطاهن الساره ويباوع عليه دنكت اني
وساره كالت طلعي جبن أنكور من الثلاجه ومشيت طلعت الجبن وكالت ساره خل اشوف ماما وين حاطه الهيل حتى احط ويا الجاي وراحت
واني شلت الكاهي قسمته بل مواعين وخليت الحليب مال كيمر سوه
وادم بعده بل مطبخ جان يباوع ابتليفونه واجه اتقرب وكال اني اول مره اشوف كمر ياكل كيمر وغمزلي وراح انصدمت من كلامه
وكلت بين نفسي اشبي هذا شو كلامه غريب ويايا
واجتي ساره وحطت الهيل وشويه اخذت الصينيه الريوك وكعدو يتريكون
واني وماما ما اكلنه بس ماما شربت جاي
وأدم حلف اله ماما تاكل وسوالها هوه حط كيمر بل صمونه وكام انطاها الماما واخذتها ماما
ورجع هم سوه لفه وكام اجى عليه وانطاني الفه
وكلي ابهمس هاج ضوكي كيمرنه بس اني اشوكت
اضوك الكيمر الحقيقي
واحس كلبي وكف من كلامه احس فهمت قصده بس اريد اثولها واخذت الصمونه منه بس ايدي
ترجف بس ما اكلتها وخلصو
وماما خلصتها سوالف ويه مرة خالي ومشه
الوقت وصارت الساعه ب ١١ الظهر
وماما كالت يلله
ومرة خالو كالت ابقو للغده وماما بل بدايه ماقبلت
وبعدين وافقت
وضلينه وطبعا لان بابا بل دوام
والتهينه ابكعدتنه وسوالف ماما
وكمت ويه ساره
انسوي غده طبعآ اني اساعدها سوينه تمن وباميه
اني بس اسوط الجدر 🤭
وبعدين كملت وسويت الزلايط والطرشي
وصبينه الغده واني كل فكري أدم طالع
وخاله كالت الساره صيحي الأخوج
وساره صعدت فوك راحتله
ونزلت ونزل ابوراها وكعدو واني كعدت ابصف ماما
وساره يم امها وأدم يم اخوتي وصاير مقابيلي
كل ما ارفع راسي الكه يباوعلي
حتى ما ارتاحين ابكعدتي ابسرعه كمت وخلصو همه وشلت المواعين
وياا ساره وكملنه واخذنه الجاي وكعدنه
نشرب وخلصنه واتحضرنه نرجع للبيت
وكال أدم اني اوصلكم وسلمنه وطلعنه
بل طريق نمشي ويسولف ويه امي ويباوع عليه
ومن يشوفني اني اباوع عليه يغير نضره
ابغير اتجاه
لحد ماوصلنه البيتنه وماما كالتله يدخل
وهوه ماقبل
اني دخلت البيت ورحت الغرفتي بدلت ونزلت لكيت ماما ابغرفتها أتريد اتنام
وكالتلي راح انام انتبهي على اخوانج اذا نامو بعد احسن
وكتلها ماشي وطلعت من غرفتها ورحت عليهم بدلو ونامو بفراشهم
وطلعت من غرفتهم ورحت الغرفتي اني نعسانه لان مانمت البارحه احوس ادور هندي هههه
ونمت ماحسيت اله على أعياط بابا

حساب التيك توك للواتباد : asio621

لتنسون تابعوني

وصوتو وعلقو

حتئ تصعد الروايه

للحكايه بقيه

لتحكمون ع الروايه من بدايتها

لتنسون التصويت⭐ والتعليقات🌹

اتركو أثرآ جميلآ