الأخ المتحرش

الأخ المتحرش ،،الجزء 19

كان لواقع كلام باسل مع أخته ناديه كأن سكين ذبحتها خافت مما قد يحصل لها عندما يعود فهي لم تتعود أن يتكلم معها بهذه الطريقه كأنه علم اشياء من أسرارها حيث اكيد ميسم أخبرته ما تعرفه عنها كان عليها أن تقلب الموضوع كله و تجعل من نفسها الفتاة البريئه المسكينه التي بسبب طيبة قلبها سوف يتم تهمتها وحتى تبعد عن نفسها التهم سوف تكشف كل اسرار زوجة اخيها عديمة الشرف
حيث اخذت امها و اجلستها مع ابيها وكانت تمثل انها منزعجه من شئ
الام اشبيج ليش مو طبيعيه صاير شي
ليش هيجي وجهج ميتفسر
الاب بنتي احد زاعجج هاذي مو طبيعتج تجمعيني ويه امج
ناديه و هي حانيه راسها و بصوت خفيف مجنت اتصور باني راح اضطر احجي هذا الحجي بس مرت اخويه خلتني
راح اضطر افضح أهوايه شغلات

الاب بنتي معقوله ميسم اتكون امسويه شي وياج تره هي ابنيه مؤدبه
الام ابو باسل ارجوك انت متعرف هاي البنيه مصيبه خلي بنتك اتفهمنا
ناديه شوفوا ميسم تعرف أهوايه شباب جانوا يجون خصيصا يم المدرسه حتى تطلع وياهم
بس اني ما حبيت افضحها لكن حاليا اليوم اضطريت صار لازم احجي
امها شنو يعني مو شريفه
الاب معقوله مرت اخوج حبابه
ناديه اي و سحبت نفس طويل هي جانت اسوء طالبه بلصف و حتى ماكو ولا طالبه تحجي وياها لان ايخافن على سمعتهن من عدها الي تمشي وياها معناها الوحده اتضيع احترامها ابين الطالبات من اخويه اتزوجها كلت بلكت اتصير ادميه و تحترم نفسها لكن الي واضح هي ما كو امل تحافض على شرف اخويه و اخويه الغبي صاير مثل
المحبس الي بأصبعها
و اني سكوتي على فضايحها واضح راح ايجيبلي مصايب على راسي
الاب ليش انت امسويه شي
الام انت اشلون تشك ابنتك تدري اني امربيتها احسن تربيه بس مرت ابنك اذا انطخت و بمجرد كلمه على بنتي
أني اكيد راح افضحها كدام كل العالم
ناديه نزلت دمعتين حتى
اثبت جذبها و يصدكوها
اعرف انتو تعرفوني بس لازم لا اتخلون اخويه ايصدك حجي مرته تره اني بعد ما اتحمل استهتارها و من حست باني راح اكول لاخويه ما اعرف شنو كالتله لان اشو هددني
امها بدت اتصيح بصوت عالي لك هاي منو حتي تزعج بنتي و تريد تتهمها بس ترجع الا اسحلها من شعر راسها ويه باسل و اطردهم من البيت
سمع ربيع صوت أمه و اجاهم يركض خير شكو بهليل
ناديه حبيبي تتذكر من رحنا على عرس اخت فاروق شفت اشلون ميسم جانت اشو لابسه حجاب و من شافت زوج اختها مباشر نزعت الحجاب و اضح حتى زوج اختها فاروق ما خلص من تفاهاتها
ابوها بس هي متلبس حجاب
ربيع اي صح بس حاول ايكمل حجي لكن
أمه ها يعني كلكم تدرون و احنا
مثل الاطرش بلزفه
خلص خلو الباقي عليه مرت باسل راح اربيها لان اهلها ما ربوها
حاول الاب و ربيع التحدث و لاكن الام لم تدع لهم أي مجال سحبت بنتها
تعاي حبيبتي و لا تنقهرين خلي القهر الهم مو الج صارت ناديه كدام امها سحبت نفس طويل و ابتسمت ابتسامه خبيثه
وبقى الاب و ربيع فقط ينظران عليهن
أما ما حدث مع ميسم حيث وعدت باسل بأنها سوف تزوجه من التي يحبها
و تفاجئت انها تورطت بوعد لن تقدر ان تبتعد عنه
ربما هذا قدرها الاسود كانا يقفان حيث عادت للوراء و طخت بلكرويته و جلست عليها
و وضعت كفوف يديها حيث غطت وجهها
باسل شنو راح تسحبين وعدج اعتقد عرفتي باني اريدج
وهذي الليله صار لازم اتنامين وياي و تكون ليلة عرسنا
ميسم وخرت ايدها ارجوك لاتذكر هذا الكلام اذا سهل يطلع من خلال حبالك الصوتيه اني كلش صعبه على اذني تستقبل هيجي طلب صعب
باسل و شلون بالنسبه لوعدج
ميسم وعدتك بأن ازوجك مو اخليك تملكني بأن تاخذ الي ايسموها حقوقك عفوا اتأدي واجباتك اتريد نبقى اصدقاء عادي لاكن مستحيل اصير الي ابالك
باسل انت ليش هيجي قاسيه
ميسم الي راح اكوله الك مصار فد يوم كلته لاحد يعني سري و انت راح تسمعه
باسل احجي هذا فخر الي
ميسم اريدك تتخيل انك اتعيش ابيت ماكو بيه تلفزيون او راديو او جرائد
و متحاول اتصادق احد يناقشك عن الي ايصير بمحيطك
شنو هم معقوله ايصير عندك حلم و امل اتريد توصل اله اتأكد راح تكره حتى اتشوف نفسك بلمرايه و تكره اي واحد ايصجم او ايحاول يتقرب منك و هذا تعبيرعن نفسي عندك جواب
باسل سوائلج من صدك صعب احنا حتى منعرف من اتصير الحرب شنو الاحداث
ميسم مستحيل لان اكيد راح تطلع
و تعرف أهوايه تفاصيل يمكن أصح من الي يطلع بلتلفزيون
شوف اني عشت هذا الواقع و الشي الاصعب اهلي وضعهم المادي ممتاز بس مينطون للبنات و هذا ايخلي الطالبات ممكن يتنمر عليه و اني مستحيل اخلي احد يلكه عندي نقطة ضعف ايذلني بيها اني أذل العالم عادي
لان الضربه الي متكسر ظهرك اتقويه
و هذا اساس عقلي
باسل زين مو اختج هم جانت عايشه بنفس وضعج اشو عادي اتزوجت
و عايشه احلى عيشه
ميسم لا اختى وحده مسكينه لغت شخصيتها و عاشت بظلم يعني الي اتحملته محد يتحمله و جانت اتصادق بنات وياها بلصف يمكن حتى
تعترض و تنفه عن انزعاجها كدام احد من صديقاتها على مصايبها
بينما اني لا ما انطيت مجال لاحد ايكول عني خطيه و حبيت اكون مصيبه براس كلمن يتجرء ينطخ بيه الله انطاني شخصيه اكدر افرضها على كلمن ايحاول يوكف بطريقي و اكون طيبه وي الطيبين لهذا اعتنيت بوالدك
باسل و اني شنو مشكلتج وياي
ميسم ما كو مشكله لاكن انت الك يمي اشياء ما اريدك اتفكر بيها لان اني ليش ما صادقت اي ابنيه لان اكو بعضهن ايكونن معجبات بلشباب و هذا استهتار و اني ما احب اكون قريبه من هذني البنات و عمري ما حسيت باني ناقصني شي مع اني ما عندي أبسط الأشياء لكن هذا زادني اصرار ان اكون نفسي و اقوي شخصيتي و ادرس الى درجه اني حفظت كل الكتب و الأهم جان اسلوبي بلدرسه ايخليني عندي ثقه باني ما راح احتاج بحياتي الى اي احد و مستحيل احد ايذلني لان صرف عليه و يحاول ياخذ ثمن الفلوس الي اخذتها منه
و جنت اتمنى ما تتعرف عليه بس اخلص السادس و اشتغل بس سوء حظي خلاك اتشوفني بعد ما اتطمنت باني رتبت كل اموري بحيث راح ابقى الزوجه الوهميه و تدري اعرف بأن شكلي جذب انظار اهويه الي لاكن ابد ما حاولت اسمع تصجيم احد و من اكو احد يتجرء ابدء اقرء قرأن او اتعوذ من الشيطان حتى ما اسمع شي و حتى اخوك اتصدك ما سمعت الي صار لاكن صرخت اخويه عليه شكت اذني و التفتت لان اني احب ايكون عندي عقل الملائكه و ما اريد شهوة الحيوان ليش اتخلون الشيطان يحكمكم
فهمني انتو الرجال ابد ما عدكم خجل اشلون تتقبلون تتعرون كدام احد ما عدكم حياء ابدأ
ممكن اكون بزوجه بس بدون حقوق لان هاي الفقره ملغيه من قاموسي
باسل انتي زوجتي و هذا حقج
ميسم شوف انت الحجي وياك ميفيد روح البيتكم
و خلص لازم توصلني ورقة طلاكي و ما اريد بعد تجيني و لا اتفكر
بان ارجع وياك الا اذا وعدتني بأن نبقى مثل ما جنا واحد ميعرف الثاني
باسل بس اشلون راح اتعوفين مدرستج باجر مو عندج دوام
ميسم هم زين ذكرتني بس الشي المهم الي لازم تعرفه اني خلص ما عندي دوام
باسل ليش ماخذه اجازه
ميسم لا خلصت اخذت شهادتي يعني طلعت إعفاء
باسل ها مبروك صار لازم نحتفل
ميسم لا شكرا ما اريد يله روح خلصت مناقشتنا
هسه راح اطلب من فاروق ايوصلك للباب و لازم تعرف عندك خيارين اما الطلاك
او نرجع مثل ما جنا
باسل عاد انتي و صليني للباب بس اريد حضن اخوي
ميسم لاتحلم خليك صاحي
وبكون أن البيت جبير ماكو احد حس او سمع مناقشتهم اجاه فاروق ووصله للباب وودعه
دخلت الغرفه الي حظروها الها و جانت مي تنتظرها واكفه يم الشباك التفتت
مي ايبين راح بس بعد سيارته ما مشت
ميسم هذا مراح ايعوفني بحالي
جان عندي امل هو ايحب وحده لكن حضي الاكشر طلع ايحبني و جان ايدور عليه الله يأخذه
فاروق وصل ميسم لازم تعرفين يمكن ماراح يرجع لبيته وراح أيبات بلسياره بالشارع ما كدرتي عليه هذي المره
شنو رائيج انرتب زواج من حيدر
ميسم اني ما اتزوج شنو فرق
باسل او حيدر بكل الحالات راح اكون زوجه
بقت ميسم وحدها متمدده على السرير تحاول ايجاد حل و لكن تفكيرها توقف خلص عندما يذهب تسكن مع ابن عمها حيث تتخلص منه
حل الصباح لاحضت ميسم أن باسل مازال أمام المنزل
بينما ابو و ام ميسم خرجوا في الصباح و اتجهوا للمشفى لرؤيه كريم عند وصولهم كان احد الحراس في الباب
الام ها ابني بشرني اشلون صار ابني كريم اتحسن
الحارس يمعودين بليل ارتفعت حرارته
و خبلنا بس ايصيح ايريد وحده اسمها ميسم متكولولنا منو هاي شنو زوجته اشكد ايحبها
الاب استغفر ربك ابني هاي أخته بس هو كلش ايعزها
فتح الباب أبوه و حاول يدخل لاكن كريم صرخ بيه لا تدخل اذا ميسم مو وياكم
الاب ابني رجلها ما خلاها تجي
كريم كله بسببكم لكم اشلون اتبقوها ابيت غريب
منو هذا الكلب ابن الكلب حتى ميسمحلها تجي اتشوفوني
و انتو منو سمحلكم اتزوجوها هي مالتي مو مالته
اذا لمسها والله العظيم اقتله
أمه ابني هذا زوجها انت دتسمع الي ديطلع من لسانك حرام عليك هيجي تتحلف على الرجال
كريم شوفوا اطلعوا و انسوا عدكم ولد اني هم راح انسى عندي أهل
لان اني ما عندي غير ميسم اما انتو اني اكرهكم
أبوه بس فهمني انت امخبل اكو واحد يتعلق بهاية القوه بأخته
عادي عزها لان هاي ممكن توكف وياك بلمستقبل ببعض الحالات بس لاتتعلق بيها لهاي الدرجه ابني هاي مجرد اخت
دمعت عيون كريم
و حس على روحه و محب يفضح نفسه

لابس هي جانت اتحب الكل وتعتني بيه وذكائها ينحب
أمه هي بحياتها ما حبت غير نفسها اشلون شفتها حبت الكل بس من طيبة كلبك اتحس العالم كله مثلك
كريم انت تكرهيها و تشوفيها بعين الكره يله روحو ما اريد اشوفكم بعد و انسو عدكم ولد اسمه كريم اني ميت بالنسبه الكم
صرخ اطلعو بسرعه من كدامي

بينما باسل جالس بالسياره تذكر كلام جارة صديقه عن أخته ناديه
نظر الى الساعه عرف بأن أخته بهذا الوقت تكون قد ذهبت إلى المدرسه حيث يمكنه أن يفتش غرفتها ربما يجد شئء يثبت انها فاسقه ومع من اخطأت