محمد : يمه اني طالع البغداد وباجر راجع ان شاء الله
ام محمد : يمه شتسوي هوه يوميه والله دا نحتاجك هنا لتعوفني يمه والله اموت كلبي يكوم يوجعني
محمد: يمه الله عليج لتكولين هيج ولتعترضين والله كلبي صاير نار عليها بس اشوفها وارجع
ام محمد : اروح وياك اخطبها الك كافي اني تعبت يوميه تكول بأجر
محمد : يمه اخاف عليها بس احجي سجاد ينهي عليها بس انطيني مجال بين ما اشوفلي حل وياهم حتى لو اعرف اجيبها وياي اخليها تعيش هنا
ام محمد : مينطونها يمه لا تورط روح
محمد : غصباً ما عليهم هيه حره وين ما تريد تروح تروح مو بكيفهم المهم يلا امشينا
رسل : عشت بيت عمامي من بعد موت امي وابوي عبالي راح يطلعون كفو ويعيشوني احسن عيشه بس مع الأسف لا عيشوني العيشه الي اهلي وصوهم بيها ولا صانو الامانه لج هاي امانه معقوله اكو بشر هيج حسبي الله ونعمه الوكيل
سارة : الله كريم حبيبتي هوه اني بتهم وهيج يعاملوني شحال انتِ الله ويانه نصبر وهوه يحلها
بقينا ساكتين ورا شويه وحجت سارة : راح يجون بيت خالتج اليوم .
باوعت بوجها انتبهت عليه تغيرت ملامحي وكالت جاي محمد وأمه
همست هلا بيهم وطلعت
لاكتني عمه ازهار : هيه شافتني كامت تصيح وتكول شنو هوه يوميه جاي خلي ياخذج ويجفينا شرج حرت شنو احجي وياها خزرتها ومشيت رحت بالحديقه ولمحت سيارة محمد بالباب دك هورن
رحت كرض للبيت ما اريد اشوف احد شلون راح اشوفه واني زعلانه منه خلي يولي
رحت اريد انام وما احس إلى على ضربة اجتي برجلي رفعت راسي هاي عمه ازهار : باوعت بوجهي وكالت كومي بساع سوي ضيافة لو هم تريدني اني اخدم خطارج
بدون ما اجاوب لفيت شالي وطلعت اسلم على خالتي شفت محمد ولا سلمت علي يولي فوك ما مزعلني يريدني اسلم عليه
محمد : اجت سلمت على امي وباوعت عليه انتظرت تطلع مرت عمها واحجي وفعلاً طلعت وعم الصمت امي حجت
ام محمد : يمه رسل اني اعرف شنو الي دتمرين بي واعرف شلون عايشه واعرف شكد مر عليج ضرب واهانه واني ما اتحمل اشوف بنت اختي بهذا الذل كُله اليوم اجيت اخذج وياي والقرار قرارج واني ما اضغط عليج
محمد : اي رسل هسه عوفي الزعل على صفحه واني اريدج بالحلال واذا مقبلو تروحين ويانه اخطبج واروح وغصباً عليهم يرضون لو اسويها كاتل ومكتول
فجأه دخل سجاد وعيونه هوه وجهة المتروس تعابير يصعب تفسيرها واجه على محمد وكال ....
