هو الحجاب مهم بجد؟
لازم ألبسه يعني ؟! الجو حر وأنا لسه صغيرة ليه أخنق نفسي بالحجاب ؟؟
***
1️⃣ تلبسي الحجاب لأن ربك اللي بتحبيه أمرك بيه وقال: "وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ"
أمر مباشر صريح بلبس الحجاب
فأول حاجة بتخسريها لو مالبستيش الحجاب ....محبة ربنا لأن أكتر عبادة ربنا يحبك تعمليها هي اللي فرضها عليكي واللي منها الحجاب
2️⃣ تلبسي الحجاب كمان عشان لما تقابلي نبيك ﷺ اللي وصى عليكي في آخر لحظات قبل موته فتقابليه يوم القيامة وتقوليله أنا كنت أد المسؤولية أنا التزمت بحجابي في وقت كان صعب عليا وكنت غريبة في وسط اصحابي عملا بوصيتك "فلا تسودوا وجهي"
3️⃣ تلبسي الحجاب عشان كل خطوة تمشيها في الشارع تكون في ميزان حسناتك
أصلك ساعدتي شباب كتييير يغضوا بصرهم عنك ....كل دوووول في عداد حسناتك
مش بس كده ..
ده كمان بنات كتيييير اتشجعوا ولبسوا الحجاب زيك كلهم وكل بنت قلدتهم في ميزانك
وبنات تانية كانت عاوزه تقلعه وثبتت لما اتحجبتي
خدي كل الكلام ده بقى واعكسيه لو مش لابسه حجاب أو لابسه وعاوزه تخلعيه
يلا لو لسه مالبستيش الحجاب خدي قرارك💪
ولو لابساه ظبطيه كده وافرحي بالكنز اللي معاكي ❤
أنت تقرأ
༺ أَلَا بِذِكۡرِ ٱللَّهِ تَطۡمَئِنُّ ٱلۡقُلُوبُ ༻
No Ficción﴿ ٱلَّذِينَ ءَامَنُواْ وَتَطۡمَئِنُّ قُلُوبُهُم بِذِكۡرِ ٱللَّهِۗ أَلَا بِذِكۡرِ ٱللَّهِ تَطۡمَئِنُّ ٱلۡقُلُوبُ ﴾ الاستغفار يدفع، ينفع، يرفع، يشفع - فإذا مَرَرتُم مِن هُنا فَاستغفِرا لكم ولاخوانكم واهليكم والمومنين كان لكم أجرهم جميعا بإذن الله و...
