لهيب عشقك محرم ( كاملة)

Part 44

❤️‍🔥كاتبة :: Samira rd

لن تستطيعي ان تمحي دوري من ذاكرتك "انا بطل الرواية "

الفصل التاني: شفاه ممنوعة

صوفيا [ ميقت فيها] اوى لاواه بنت وحدة لي عندي وبغيت نفرح بيها

جوديا [ اومات براسها بإيجاب] صافي اماما غير بقاي على خاطرك [ نطقت بتعب ] عرفتي اماما عيانة بغيت غير نحط راسي على لمخدة

صوفيا [ اومات راسها بإيجاب مبتاسمة ] هاهو بيت على ليمن اكبيدتي فاش تفيقي اتلقايني وجدت ليك لعشا

جوديا [ ابتاسمت هازة يدها بايساها ] لهلا يخطيك احبيبتي

وقفت جوديا تمشات ناحية لبيت لي قالت ليها صوفيا حالاه.. كان بيت عادي فيه ناموسية ماريو وكوافوز حمام لداخل بحوايجها تلاحت فوق لفراش ناعسة

• دازت تلاتة سوايع وهي ناعسة جات عندها صوفيا باش تفيقها ولكن لقاتها ناعسة ومابغاتش تفيقها وتخسر نعاسها .. بدات تحل فعويناتها كتستاعد تفيق كانت عيانة ومدگدگة وكأنها واكلة لعصا .. تكسلت مزيان تقادت فجلستها كتحك فعينيها..

حيدت لغطا وقفت متاجهة لحمام غسلت وجهها وخرجت حلت لباب واستنشقت ريحة بنينة ابتاسمت وتوجهت لكوزينة.. كتشوف ماماها واقفة امام لبوطاجي كتقاد في شلاضة تمشات ناحيتها واقفة وراها حطت يدها على كرشها هاراها حتى قفزت صوفيا بخوف

جوديا [ كضحك وكتشوف شنو كدير ] زين دالعالم شنو كديري

صوفيا [ حاطة يدها على قلبها بخوف ] يابنتي كنتي تسكتي ليا قلبي [ ابتاسمت ناسية والتافتت ناحية طباسل كتقاد ] كنقاد ليك شلاضة الكبيدة

جوديا [ نطقت بهدوء ] نعاونك فشي حاجة

صوفيا [ نفات براسها ] لا غير سيري تجلسي

اومات جوديا راسها بإيجاب وتوجهت ناحية صالون جالسة فوق سداري شعلت تلفازة كتفرج او بالاصح تلفازة كتفرج في جوديا.. ماكانتش فهاد لعالم كل تفكيرها فلقطة لي قال ليها مهاب فكل مرة كتفكر بلي قربت تزوج بيها خدودها كيتوردو وكتشدها ضحكة مخلطة مع لفرحة احساس اول مرة تجربو .. قاطع تفكيرها ماماها لي حطت طبسيل فوق طابلة.. كانت مطيبة دجاج محمر بالفريت.. بغات تنوض تعاونها ولكن وقفتها صوفيا

• جالسين امام طابلة كياكلو من بعد ما سماو الله كانت جوديا كتاكل وتبنن اول مرة فحياتها تاكل طياب ماماها

جوديا [ كتاكل وتبنن نطقت ] الله يعطيك صحة اماما لماكلة مايمكنش شحال بنينة

صوفيا [ بابتسامة كتشوف فيها فرحانة] بصحتك اكبيدتي..

كانت صوفيا طول لجلسة وهي كتشوف في جوديا.. كانت ندمانة على تعاملها معاها لقديم واخا ما كانش بخاطرها.. فرحت وحست بتأنيب ضمير من بعد هادشي كامل نسات شنو دارت ليها وسامحتها ابتاسمت بفرحة ورضى كملو ماكلتهم فجو عائلي مابين لام وبنتها جمعت جوديا طابلة وجلست حدا ماماها حاطة راسها فوق رجليها