#عشق_أهل_الانبار_ج١ .....
#البارت_الأول
___________
رائد ، كاعد بالهمر وبايدي جهاز المناداء اجت بالي أغني غنية قائد حلمي ، جذاب ابن جذاب الي كالك انسى جرح الكول يطيب يرجعلي نفسه توني قدمت الجهاز على حلكي
شفت عمي ابو فياض المسؤول علينا بلعت ريجي بخوف منه ورجعت الجهاز المكانه بسرعة باوعلي بجمود خفت من نظراته هو جدأ جاد بشغلة
...
ومايقبل على الوساطة ويشوفنا كلنا مثل بعض ماكو هذا ابن اقاربي وهذا ابن اخوي وهذا ابن عمي ماكو كلها نفس المستوى عنده وأني منا ابو مشاكل
وكلها تعرفني كل مرة يطكني بعقاب معدل ويلوك
بوجهي الحلو على كوله محمدنا..
خله ومشى وراه محمد وعمر يمشون وأني ردت روحي شوي خفت لا يطكني بعقاب ويخليني بالحبس مدة جم يوم لو يحلق شعري صفر ومايخليني انزل
للبيت مدة أيام كلشي ولا العقاب .
رائد : الوو هلأ تاج راسي هلأ بالغالية ام الغالي شلونج سهودة
ام صدام : الوو هلأ يمة زينة الحمدلله أنت شلونك
رائد : اخخخ يمة مو زين
ام صدام : ليش شبيك ؟! صاير وياك ؟! ولك ...
احجي رائد منو وياك
رائد : يمة قلبي يوجعني ههههه
ام صدام : من طيح الله حظك اخذتلي قلبي شوف شعبالي صاير وياك ..ولك مجوز من سوالفك وتالي وياك!
رائد : رحم الله والديج هههه
ام صدام : ولك جوز من سوالفك
رائد : وهسة شكايل نزلتي بي هي النزلة
ام صدام : لا يمة خطية كلشي ماكلت تحجي بوجع
وتعب وتكول كلشي مامسوي !
رائد : اشاقه
ام صدام. : وتشاقه بهيج موضوع طايح الحظ مو
تدري بي ماتحمل وبسرعة انهبط
رائد : بعد ماعيدها
ام صدام : اكسر راسك بس تنعاد افتهمت
رائد : اي فهمت .. هسة وين ماوين
ام صدام : وين بالبيت
رائد : ابوي وين ؟
ام صدام : طلع هو وعمك ابو نزار
رائد : هاا وين ؟
ام صدام : بفصل
رائد : اممم الجهال العيال شلونهم
ام صدام : كلها زينة شوكت تنزل ؟
رائد : بعد اربع ايام
ام صدام : طولت هالمرة ؟
رائد : عدنا انذار يمة
بقيت احجي وي امي فوك ربع ساعة وراها اجه قاسم نزلت من الهمر ورحت يمه وكفت مبين قلقان ومتوتر ماعرف شبي وشنو سالفته وعليش هالتوتر والقلق !؟
رائد : خيرك ؟
قاسم : من ودي مانزل للبيت
رائد : شسالفة ؟
قاسم : اخواتي وامي ...
رائد : شبيهم ؟
قاسم : يردون مني اتزوج سيرين
رائد : watt ٫ وات ؟ ماذا
قاسم : هي مال ، watt , وات يا رائد !
رائد : I'm... sorry ٫ ايام سوري ، أنا أسف ...
بس صدمة جانت الي وعلي !..شلون يردونك
تزوج المقرفة سيرين ؟!!
قاسم : هذا حظي
رائد : حظك جيبه الي اعدله بقلم وچاكوك .. شنو هي تايهة يردون يزوجوك بكيفهم وبمزاجهم لا ونوب منو
سيرين تسس الافعى الفتاكة ...
رائد : مكايلك لا تحب امك بالعكس حبها كل يوم اكثر واكثر بس مال تزوجك سيري التس لا ماقبل أني شخصيا مو أنت .. تهي بهي انوب سيرين التس تصير مريتك
قاسم : عمي مقابل بيها
رائد : غصباً ماعليك ماتقبل بيها افتهمت
قاسم : شبيك انفعلت !
رائد : من حقي انفعل تدري بي محبها واموت منها
قاسم : اي يلا افردها مراح ازوجها ...
وتعال خل ناكل شي شياتين
رائد : امم يلا
قاسم ،جنت ضايج كلش من طلب امي واخواتي مني هم مايدرون بي اضوج من سيرين وماحبها ورائد كذالك يضوج منها ومن عمتنة لان نعرفهن شنو !
مرت الايام بسرعة واليوم عدنا نزول للبيت اهووو هم راح اشوف شكولات سيرين الزفرة شراح يخلصني منها ياربي
اكره هالانسانة كره مو طبيعي
نزلت للبيت وي رائد هو راح لبيتهم وأني البيتي
بيتنا بصف بيته بس بيناتنه الحايط
رجعت للبيت والحمدالله مجانت سيرين بيت أهلي سلمت على اهلي وعدل لغرفتي سبحت وطلعت تمددت بفراشي
اشرب جكاير وفجأة اجت بالي مسك
من تلاغت هي ورائد هذاك اليوم علمود طلعة مسك بنية طايشة ومتسرعة وماعدها ذرة خجل من احد ابتسمت تلقائي نفسي من رائد انزعج منها ونزع الشحاطة
وهفها بيها بوقتها رادت تطلع بره كدام الزلم
الغربة على عناد رائد .
ياربي بقت بالي طابعة هي الطبعة شلون اطلعها من بالي مادري بقيت ابتسم تلقائي نفسي مامنتبه ماحسيت
على صوت أمي تباوعلي
ام نزار : هاا يمة تتبسم للهوى خيرك عشكان ؟!
كعدت بفراشي اباوعلها واضحك ...
وين اكو
ام نزار : شنو وين كل هذا الجمال شايله وتكول وين اكو ألف بنية تتمناك هم ضابط وهم حلو وهم زنكين
5
ام قاسم : القرد بعين امه غزال
ام نزار : نزول على قلبك قسومي يلا كوم
سلم على عمتك وزوجها
قاسم : شنوو ؟
ام نزار : شبيك مصدوم كوم سلم عيب ماتسلم
قاسم : شنو عيب كوليلهم نايم !
ام نزار : لامايصير كوم عيب مناك عمتك ورجلها
قاسم : رب الكعبة كلما اجي هم هنا الكاهم اي شعدنا
ماتكليلي شعدنا كل اسبوع واسبوعين ...
عدنا الكاهم
ام نزار : اششش اششش كلمة ماريد منك هسة يسمعك ابوك ويضوج هاي هم من قبل لو تريد تكطع صله
الرحم مثل أبليس اللعين
قاسم : استغفر الله ... كايم
#الكاتبه_رَباب
