قدر مراهقة 2

الجزء 02

#قدر_مراهقة2
#ميرال_مجد
#بقلم_فريال
الجزء 02
6شهر مهمش فترة صغيرة لا بالعكس فترة طويلة بزاف نص عام 180يوم 4,320 ساعة 259,200دقيقة 15,552,000ثانية البعض يبالهم عادي ويفوتو بالخف وميحسوش بيهم بصح انا فاتو عليا زي السم كنت كل دقيقة نتفكر فيها حياتي الي تخربت وتقلبت 180درجة مكنتش متوقعة انو يجي نهار وين نتزوج بانسان كرهتو والسبب انو هو اغت. صبني لاني طيحتلو واهنت رجولتو وقولتلو كلام مينقالش بصح هذا مهوش مبرر للغلطة الي دارها وبمساعدة بنت عمو الي هي رنيم صديقتي ورفيقتي الي زي ختي نحكيلها كلش وهي تاني بصح في لحظة راح كلش هي تزوجت بلي تحبو وراهي عايشة حياتها وذوك راهي تتوحم وراجلها بجنبها معيشها زي الاميرات منيش غايرة منها ولا حاقدة لا والله نبغيها من قلبي ونتمنالها غير الخير ومندمتش كي سكت ومحكيتش لدارنا على وش صرالنا لانو لوحكيت ذوك هي مهيش مع خويا ولزوج يكونو يتعذبو وممكن حتى واحد من خاوتي يدخلو للحبس ومجد لقبر وبابا وماما يموتو من قهرهم لانو كلام ناس ميرحمش ويذبح وختي اسيل تاني تبقى بلا زواج بسبابي ويقولو عليها ق*** زي ختها وانا نبقى معلقة وحاصلة بالبيبي وراح يولد بدون اب ويعيطولو وليد حرام، ذوك ختي اسيل ولدت وجابت توأم ذكورة يهبلو يهبلو يتاكلو انا نرفدهم مينذاك بصح منطولش بزاف نحس بلي راني نغلط وموش من حقي نرفدهم لاني انسانة شريرة ورميت بنتي وخليتها بعيدة عليا باش منآذيهاش انعم هيه خايفة على بنتي مني انا ومن افعالي والافكار الي يجيوني. لحق عرس خليل مع اسراء تاني فات بالطبع والشان وكعاد عندهم نفس لافامي دارو عرس مشترك. ناس كامل زاهية وفرحانة وترقص غير انا لابسة غوب طويلة فلكحل جاية سامبل خلاص وحتى طرف لحم مني مابانش شعري طلقتو وخليتو على طبيعتو درت مكياج خفيف (راح تقولو من وكتاه وعلاش لبستي هكا وهذا عرس خوك ولازم تعدلي وتزوقي وعلاش حازنة وياك انت قررتي تبعدي وخيرتي لفراق اتحملي نتيجة افعالك، راح نقولكم صح خيرت لفراق بصح مزالني مرتو ومش حابة حتى واحد يشوف جسمي من بعدو هو واصلا حرام عليا نتعرا خصوصا كعاد ولاد خالاتي وخوالي يدخلو وتاني حتى ولاد عمومي وعماتي كعاد نفس لافامي خلطوهم وصاي)، قاعدة نتفرج فيهم الي يشطح والي يزغرت ويضحك ويتصور ويلعب مع ولادو غير انا قاعدة وحدي حتى نحس بعبد قعد قدامي كي درت لقيتها رنيم قالتلي لوكتاه تبقاي هكا تعذبي في روحك وتعذبيه معاك _ شكون قالك راني نتعذب _ وجهك بين كلش ووضحو مكلاه تخبي _ ماني نخبي والو _ احساسي يقولي بلي ورا قرارك هذا كاين بزاف صوالح راكي مخبيتهم يعياو ويبانو _ مايبان والو انت برك راكي تتخيلي واحساسك غالط على حساب الشوفة الوحم حرقلك مخك ربي يعين وائل عليك _ انا تحرق مخي من الوحم وانت من واش تحرق مخك _ راني لباس عليا ومكلاه تحاولي تفهمي بزاف الهاي بروحك خيرتلك تعرفي لساني خاطيني نعود كشما نقولك وتبداي تهرنني فوق راسي وانا عيانة مش ناقصني حس وعياط _ معليش براحتك اقعدي وحدك زي لغولة _ راني قاعدة مشكيتلكش.
#فريال