« អូនសម្លាញ់ អូនមកធ្វើអីនៅទីនេះ? »
រាងស្តើងងាកទៅមើលមុខគេហើយធ្វើដូចជាទើបតែបានឃើញ ទាំងដែលនាងបានឃើញគេតាំងពីដំបូង
« អូ បងសម្លាញ់ បងមកទីនេះដែរហ្អេស៎ ?បងមកតាំងពីពេលណា ហេតុអីក៏អូនមិនឃើញចឹង »
« បងមកយូរហើយ តែមិនទាន់បានទិញអីទេព្រោះហាងគេបិទ »
« អរ ចា៎ ហិហិ » នាងសើចស្ញេញទាំងបង្ខំ សើចទាំងគ្មានចេញពីចិត្តសូម្បីមួយញ៉ិប
« ហើយចុះអូនមកធ្វើអី ហើយហេតុអីក៏បានជាអូនមកអង្គុយនៅទីនេះ? »
« អរ គឺ... គឺ.... អូន.. អូនជ្រុះ..ជ្រុះ... ជ្រុះម្ជុលខ្ទាស់ »
រាងស្តើងរកនឹកអិអាក់មិនដឹងថាជ្រុះអី ព្រោះក្រវិលក៏នៅជាប់នឹងត្រចៀក ខ្សែក ខ្សែដៃ ហើយចិញ្ចៀនក៏នៅ ទាល់តម្រិះហើយក៏ចេះតែឆ្លើយទៅ មែនមុខដូចម៉ាក់នាងពីក្រមុំទេ ឮហើយJakeធ្វើមុខឆ្ងល់តិចៗ រាងស្តើងក៏ប្រញ៉ាប់បកស្រាយ
« គឺអញ្ចេះទេ គឺសម្លៀកបំពាក់អូនមានបញ្ហាតិចតួច ហេតុនេះហើយអូនចង់ប្រើម្ជុលខ្ទាស់ តែពេលអូនកំពុងរៀបចំខ្ទាស់ ម្ចុលក៏ជ្រុះបាត់ អូនខ្លាចថាមានមនុស្សដើរមកមុតដៃមុតជើង ជាពិសេសគឺក្មេងៗ បើមុតទៅពិតជាពិបាកខ្លាំងហើយ ហេតុនេះទើបអូនព្យាយាមរកក្រែងល៎រកឃើញ »
នាងនិយាយហើយថែមទាំងសម្តែងទឹកមុខបែបយល់ដល់ទុក្ខលំបាកអ្នកដទៃ ធ្វើឱ្យJakeមានការយល់ចិត្តនាងយ៉ាងលើសលប់ គេគ្មានអ្វីត្រូវសង្ស័យទេ ព្រោះធម្មតានាងតែងតែជាមនុស្សស្រីមានចិត្តល្អនិងមេត្តាអ្នកដទៃបែបនេះតែរហូតហ្នឹង
< យូ ហាណា អ៉ើយ យូ ហាណា យើងមិននឹកស្មានថាឯងពូកែកុហកបាន Smooth បែបនេះទេ ចេះរកនឹកឃើញណ៎ បើមានពានសម្រាប់មនុស្សពូកែរៀបរឿងកុហកគេ យើងពិតជាបើកឱ្យឯងហើយ > រាងស្តើងធ្វើមុខជ្រឹមៗសរសើរដៀលខ្លួនឯងនៅក្នុងចិត្ត មិនសរសើរដៀលមិនបាន ព្រោះនាងពិតជាពូកែមែន មិនត្រឹមតែកុហកយករួចខ្លួនបានទេ ថែមទាំងក្លាយជាមនុស្សចិត្តធម៌ថែមទៀត នេះបានហៅថាបោកបានជោគជ័យពិតមែន
« ចឹងចាំបងជួយរកអូនចុះណា »
រាងស្តើងបើកភ្នែកបន្តិចហើយប្រញ៉ាប់និយាយកាត់
« មិនអីទេ គឺថា ប្រហែលជាវាជាប់តាមកង់ឡានទៅបាត់ហើយ ព្រោះអូនរកយូរហើយ តែរកមិនឃើញទេ »
YOU ARE READING
My two boyfriends ( Completed )
Romanceរឿងរ៉ាវផ្តើមចេញពីស្រីក្រមុំវ័យ18ឆ្នាំម្នាក់ដែលសម្រេចចិត្តទាក់ទងមនុស្សប្រុសកម្លោះពីរនាក់ក្នុងពេលតែមួយ ហើយពីដំបូងៗគ្រប់យ៉ាងគឺដំណើរការទៅដោយរលូន តែបន្ទាប់ពី3ខែក្រោយមករទេះភ្លើងក៏បានបុកគ្នា🫣 « គឺវាពិតជារឿងចៃដន្យពិតមែន អូនមិនដឹងទេថាJakeជាមិត្តរបស់បង ហើ...
