لاح شعاع عشقها بآفاق الفضاء

الفصل الثالث والعشرون

يا صدمتي في أكثر الناس ويا خيبة ظنوني

يا ضيق صدري لا ذكرت إني عليهم ما كذبت

يا طعنة خلتني انسى من سبايبها طعوني

يا جرح ماله طب حتى لو أقول اليوم طبت

البارحة والله يكون بعون أحاسيسي وعوني

يعقد حاجبه من طريقة كلامه اللي واضحة فيها العصبية يوجه نظره لمحمد اللي مشتت نظره لأنها أول بناته و مدللته و زوجة عِناد اللي كان واضح من عينه حبه لها يبتسم يقول: أنت متأكد أنه ولد عمي؟. يناظره بتعقيدة يخليه يفهم بدون ما يتكلم يكمل هاني بعد تنهيدة ضيق يقول: والله آخر شخص توقعته يسوي هالشي بدون حتى شوري يكون بلال متزقع مني أصدق هالشي بسرعة؟ لا طبعاً يولدي نكرت كثير لو ما الله ثم بدر اللي تحرى لي عن الموضوع أكثر ويا كثر ضيقتي يكسرني اللي ربيته. رفع راسه محمد من نبرة هاني اللي واضحة منها الشيق ينظر لعينه اللي تناظر عِناد بلمعة يشتت نظره لأن هاني عرفه من صغره يعتبره مثل سعد أبوه ينطق هاني بضيقة إلى محمد: سامحني يا محمد لكني والله ما عرفت بالأمر إلا من رجعت بلال ولدي حاولت قد ما أقدر أني أنكر لكن إصابته بكتفه توضح كل اللي قلتوه شوفو اللي تقدرون تسووه أنتهت مهمة "أتش" اللي خططتوها. ينطق عِناد بالشي اللي كسر هاني أكثر من كسره بقوله: هذا جزء صغير من اللي سواه يا هاني ولد عمك يقول أنه كلف ناس تقتل جدتها قبل سنتين. يرفع راسه ويناظره بصدمة ترتجف يده وقلبه يعصر قلبه يقول: لا تقولها هذي لا تقولها والله أنكسر أكثر. يردف عِناد بخفوت: الولد أعترف لحفيدتها يا هاني. يناظره بلمعه ممتلئة عيونه بالدموع يناظر محمد اللي كان يناظره بنفس اللمعة يقوم وهو يردد تردد سمعوه: يا كسرتي فيك يا ولدي يا كسرتي فيك يا بلال. يشتت نظره ينطق بدون ما يناظرهم يقول: الولد خذيت له بيت أعطيكم العنوان وسوو اللي تبوه لكني خارج الأمر ما أقدر أشوف ولدي ينحبس ما أقدر أشوف نظرته لي. يطلع بدون سماع أي كلام توصلهم رسالة عنوان بلال يبدون المراقبة من عساكر ماهرين بالتخفي.

<سيارة عِناد>

وقف السيارة قدام بيتهم ينتظرها بعد خروجه بعجلة من المركز ينتظرها وهو يناظر هاتفه بعشوائية يرفع راسه على فتحها للباب يقول لها بترحيب يخجلها: يا مرحبا بك يا حرم عِناد. تنزل راسها بخجل من مفاجأته لها بكلامه اللي قاله بدون مقدمات تشتت نظرها عنه ويضحك بخفة يشةف تشتتها وتوسع عيونها من اللي قاله يمسح على أنفه بسبابته يحرك السيارة متوجهين لمدرسة تعليم السياقة تحت إستمماعه لأحاديثها بإبتسامة لأنها ما سكتت من حماسها يوقف السيارة ويوجه كلامه لها: يلا وصلنا. تنزل يمد يده لها وتمسكها بإبتسامة تمشي معه للداخل تدخل لغرفة فحص النظر وبعدها تتوجه لقص الرخصة للتعلم يكملون وتوقف توريه الأوراق والدفتر بسعادة يبتسم لها يخليها ذراعه يمشي معها للسيارة يوقف جنب السيارة بسبب حضنها له وقولها: شكراً شكراً أخيراً. يبتسم يبادلها الحضن وبعدها يركب معها السيارة يحرك للرجوع يسألها وهو يسوق: لقيتي لك مدربة؟ ولا تبيني أدور لك؟. تناظره بتعقيدة تنفي برأسها تقول: بحصل بروحي ما يحتاج على كلٍ مدربة صديقتي يمدحوها كثير بكلمها وبشوف لو عندها مجال. يهز راسه بإيجاب بخبر العنود تدور لك بعد إحتياطاً تمام؟. تهز راسها بإبتسامة تسند راسها وتغط لأنها تعبت من التحدث بكثرة يبتسم وهو يناظرها يهز راسه بقلة حيلة يوقف سيارته بمواقف بيت أبوه وينزل يتوجه لبابها يحملها يمشي فيها لغرفتهم وهي متمسكة بحضنه تحت إبتسامة زينب و أحمد السعيدة يقبل راسها ويناظرون ولدهم.