انسحبت للاعلى وكل ذا تحت انظار عايض لف على وافي : العشاء يلا
تركي : عنده سهاج اكيد جهز
عايض : قدركم عالي بس اصّريت على الشوي
وافي : خيرك واصل ياعايض ولعيون تركي بناكل منه
تركي : الله يطول بعمرك ، تفضلوا جسار
لف جسار على جاسم على الباب وصادين: يلا
طلعوا كلهم وانتظر تركي خليفه مد له الشماغ ، استغرب من نظرات تركي عليه تلفت حوله : وين جيلان ؟
تركي : إمسكه طلعت تبدل
خليفه : ماله داعي بتتأخر على العشاء جيلان ونعرفها
ناظروا من خطواتها على الدرج ، اخذت جلال احمر يليق مع كامل لبسها الاسود ، نزل عينه على خليفه : تفضل
طلع خليفه وقف تركي يناظرها لثواني : مشينا ؟
جيلان : العشاء ؟
تركي : ايه
مشت قدامه للحديقه سمعت حديث شيخه وسلطانه عنها ناظرت مكان اثنين فاضي على الطاوله ، تقدم تركي باستعجال وجلس جنب خليفه بإبتسامه بادله الابتسامه وجلست جنبه جيلان وجنبها ديالا ونجلاء وبنات شيخه تباعًا
عايض : جيلان سميّ
ابتسمت جيلان من اتجهت نظراتهم لها : سميت
ضحك وافي من ردود جيلان اذا توترت ، عايض : اقصد مدي ايدك
جيلان : تأمر
ابتسم عايض وفقد فرد ماهو موجود : وينه بكرك ؟
وافي : راشد ، تركناه يدير اشغالنا
جسار اصغر عيال وافي : نكفيّ ونوفيّ
سهاج : اكيد فاقدينك المره الاول ماجيت
جسار بإبتسامه : ايه فقدت خويك ابو تميم
سهاج : نواف نلاقيه بكره بإذن الله
لف وافي على عايض باستغراب : مريت على بيت تميم ولا لقيته !
ترك عايض الاكل بتوتر : تميم بالمستشفى
وافي : عسى ماشر ؟
عايض : شر ، نتكلم بعدين
وافي بخوف : عايض حيّ ؟
عايض : الحمدالله ايه والاجراءات بتشوف جيلان وتطمنا
جيلان : بأذن الله
جسار باستغراب : جيلان اخر مره جيناكم كنتي بالثانويه ؟
جيلان : اخر مره تلاقينا قبل سنتين لو تفكر بتعرف
خليفه : ماشاءالله امداك تخلصين جامعه وتدخلين مستشفى ؟
جيلان ؛ اشتغل فيها الاثنين بإذن بابا السنه الماضيه جامعه بس السنه ذي دخلت مستشفى تدريب
خليفه : ماشاءالله
( مكان اول مره نزوره - خارج الرياض )
دخل طلال بخوف احد يشوفه : عيال
فزوا من صوته يعتريهم الخوف من حادثتهم العصر الى الان : احد يدخل كذا !
مصلح بعصبيه : اثنين ماقدروا يضربونهم ! بشَر وش عندك روقنا
طلال بخوف : ماتوفقنا
قام مصلح بغضب : رجال انتوا رجال ! سهم تكلمت معه ؟
طلال : تكلمت مع الورع ولد عمه مالقيته غير بالهوشة من الفجر ندوره
مصلح : الله ياخذكم من بين الرجال أن كنتوا رجال !
طلال : كل اشغالنا خربها فزاع قلت لك نذبحه تقول ابوه اولى !
مصلح : فزاع مابيفيدنا غير انه يضرنا سهم يغليه بالحيل
طلال : احسن خلنا نضربه باللي يحبهم هو مايخوف احد
مصلح : صاحي انت ! ذا فرد عسكري وبتنقلب علينا
طلال : ماتقول عندك واسطات خلهم يغطون عليها
مصلح : لا ، ذا ولد مهيّب مابيفكنا بسهوله شك فيكم ؟
طلال : لا اساساً وفقنا معه
مصلح : بنختفي كم يوم خلكم حول الديار وراقبوه
طلال : ايه قامت الدنيا بالديار جاء عايض
مصلح : اي ؟
طلال : طاحت هوشه بينهم والواضح سهم مايدري عن اللي صاير
مصلح : اكيد مهيّب مايبي تنتشر فضيحته
طلال : تعرف وش صاير بينهم ؟
مصلح : بينهم ثار قتل
طلال : اييي خلينا نربط الخيط يامصلح
مصلح : وش قصدك ؟
طلال بضحكه وهو يجلس قدامه : عايض يشتغل مع سهم !
مصلح : ومهيّب مايحب عايض
طلال : بالضبط نطلع اسم الصقر من السالفه وندخل عايض
مصلح : جعل مسواه الجنه
طلال : الله يرحمه وبناخذ حقه غصب ولا طيب
مصلح : يلا خذ الرخوم ذولا وارسل لي دفعه ثانيه
طلال : ابشر وفهد ولد الخال يسلم عليك
مصلح : الله يسلمه ، تقول لي خطب منهم ؟
طلال ؛ اي بس ناويه شر ماهو حب
مصلح : ولو ! فهد مايخطي خطوه بدوني الا وراه موال
طلال : رفضوه لا تخاف
مصلح : عارف عارف
طلال : يلا لا شفتني ولا شفتك
مصلح : ابد
