السﻻم عليكم قصتي اليوم من وحي الخيال ولكن لعلها تكون عبره لشخص ما.....ارجو ان تنال اعجابكم......
ابطال القصه...
احمد & شهد
ليلى ونور صديقات شهد
علي صديق احمد
الراوي للقصه احمد
احمد......
انا طالب مرحله ثانيه كلية الهندسه جامعة بغداد من عائله غنيه انا ابنهم الوحيد يحبونني كثيرآ وقد وفروا لي كل ما حتاجه ولكن شئ وحيد لم يعطوني اياه اﻻ وهو الحب ف والدتي دائمآ مشغوله بحفﻻتها وسهراتها الخاصه ووالدي رجل اعمال غالبآ ما يتواجد في البيت
انا مصاب بأضطرابات نفسيه واعيش على المهدئات واكيد سوف تسألون عن السبب.....
سوف اعود بالزمن سنه لأروي لكم ما حدث......
في السنه اﻻولى لي في الجامعه وعند دخولي للصف الدراسي لمحت فتاة كانت رائعه فعﻵ وجميله بشكل ﻻ يوصف ذات بشره صافيه ومحجبه تضع القليل من مساحيق التجميل غير متصنعه وهادئه جدآ ابتسامتها تبعث الراحه في قلبي وعند رؤيتي لها في كل مره قلبي يزداد خفقانه......نعم انه الحب......ولكن كيف ابوح لها بذالك فهي ﻻ تختلط كثيرآ وتجيب على قدر السؤال
في المقابل انا كنت شاب وسيم ﻻ ينقصني شئ بشهادة المعجبات الواتي حصلت عليهن....هسه تكولون هذا مغرور..... ﻻ اني كاعد احجي الحقيقه....
وفي صباح يومآ ما....دخلت الصف ووجدتها جالسه بمفردها تقربت منها وسألتها.....
شبي الحلو صافن الشاغل بالج يتهنه ..اكدر اكعد وياج
سما..تفضل خويه
طبعآ من سمعت كلمة خويه اعصابي فارت بس يله ميخالف شويه شويه راح تعرف بحبي الها
...اي شبيج ضايجه منو مزعلج
سما..ﻻ مابيه شئ بس شويه تعبانه اليوم
احمد ..تحتاجين شئ تره اني موجود اوصلج للبيت
سما ..ﻻ هسه شويه وارتاح
بقه كلبي يمها وكل شويه اباوع عليها وبعد انتهاء المحاضره اﻻولى درت وجهي عليها شفتها كوه كاعده ووجهه صار اصفر ....
رحت يمها وكتلها سما شبيج امشي خلي اوديج للبيت وجهج حيل تعبان
سما... ﻻ ماريد اروح عدنه محاضره مهمه هسه اغسل وارجع....
احمد..اوكي يله امشي اوصلج للحمامات
وكامت تتأكأ على ايدي بنفس الوقت كنت فرحان ﻻن لمست ايدها وروحي تحترك ﻻن كاعد اشوفها تعبانه وماحس اله سما فقدت الوعي من شفتها هيج روحي راحت حسيت الدنيا صارت ظلمه بسرعه شلتها ورحت بيها ع المستشفى شافها الدكتور ومن طلع كلي لتخاف مابيها شئ...
هبوط بالضغط بسيط ع اﻻغلب هي ما ماكله شئ راح نحطلها مغذي وبما انه انت زوجها دير بالك عليها وخليها تاكل زين ...
ماخﻻني اوضحله انه اني زميلها بس فرحت من كال زوجها...
رحت يمها كعدت حطيت ايدي ع ايدها وبكلبي اكول شوكت تصيرين زوجتي شوكت تعرفين بحبي الج لمست
وجهه جانت بشرتهه ناعمه مثل بشرة اﻻطفال
مﻻمحها جدآ بريئه
واني اتلمس وجهه صحت وباوعتلي سحبت ايدي ع السريع ...
هاااا بشري سما شلون صرتي
سما... الحمد لله تعبتك اليوم وياي
ﻻ تعبج راحه
اووووف همزين ما حست عليه واني اتلمس وجهه
يله سما خلي اوصلج للبيت
وبالطريق....
سما اذا مابيها احراج اكدر اخذ رقم تلفونج حتى اطمن
عليج
سما...اي احمد عادي
واخذت رقم تلفونها وكمت كل شويه اتصل بيها بحجة اسأل عليها ..
وبعد فترة تقربت من سما هواي وصرت صديقها المفضل بس هذا الشئ كان بنظرها اما بنظري فكانت طفلتي وحبيبتي المدللة وقريب انتهاء السنه الدراسيه بالجامعه قررت اعترفلها بحبي وطبعآ اني ما قررت هذا الشئ اﻻ بعد ما حسيت بيها معجبه بيه
وبعد انتهاء المحاضره
سما عندي حجايه وياج ممكن...
سما..اوكي احمد بس قلقتني شكو
سما اني من اللحضه اﻻولى لشفتج بيها حبيتج ويوم عن يوم حبج بكلبي يزيد وبعد ما أتحمل اريد شئ رسمي يصير بيني وبينج طبعآ ماريد الجواب منج هسه تكدرين باجر ترجعيلي خبر براحتج فكري زين.....
سما ...اوكي بس انت فاجأتني انشاء الله باجر راح تسمع قراري
طبعآ اني الليل كله مانايم بس افكر بشنو راح يكون ردها
واجه الصبح بدلت مﻻبسي واستعديت لمواجهة سما ورحت للجامعه
سما ...صباح الخير احمد
عيون احمد.....روح احمد
بشري شنو قرارج
سما....تصدك لو ما معترفلي بحبك جان موتك من زمان واني انتضر هذا الشئ منك اني هم احبك واموت عليك
احمد..انتي صدك تحجين لو تتشاقين لعد شنو هاي مال افكر واشوف وليش محسيت بيج طول هاي الفتره انتي ليش خبيثه
سما..ﻻ احمد بس ما كان عندي جرأه اكلك وردت ادلل عليك
كانت الفرحه تغمرني من كل جهه ما مصدك لصار وبدون وعي حضنت سما بقوه واني اصيح احبج واموت عليج..
سما..احمد هاي شبيك وجعتني وبعدين لتصيح الكل تباوعلنه كافي...
اسف حبيبتي ما قصدت أاذيج بس والله ما مصدك
سما ...اكدر اسألك سؤال انت ليش اختاريتني من دون بنات الجامعه وانت تعرف كلهن يركضن وراك..
اختاريتج ﻵن انتي كلشي بيج حلو وبيج شئ يسحر ماعرف شنو بس اﻵعرفه اني احبج وما حبيت وﻻ راح احب غيرج
سما ...واني هم ماحبيت وﻻ راح احب غيرك ويله كافي خلي نرجع للبيت ﻻن الكل احسهم يباوعون...
يله حبيبتي رجعت للبيت واني مامصدك الي صار امشي واغني كنت هواي فرحان بس ماكنت ادري انه الدنيا مخبئتلي حزن اكبر من فرحتي ..
وبيوم من اﻻيام اجه صديقي علي اليه..... علي كان مو بس صديق الي كان بمثابة اخ اليه كان يوكفلي بكل شده طبعا هو كان يتيم اﻻب واﻻم ﻵن اهله توفوا بحادث وما بقاله بالدنيا احد غيري وجنت ما ارفضله طلب
...
علي...هلو احمد شلونك مشتاقلك هواي
هلو حبيبي شلونك
علي...ابو شهاب عندي شغله وياك واريد اخذ رآيك بيها
احجي حبيبي انت بس أامر
علي ...تسلم ادري بيك متقصر احمد مثل متعرف بعد ما توفوا اهلي ظليت عايش وحدي بس بيني وبينك هذا الوضع بعد ما اتحمله وقررت اتزوج ولكيت بنت الحﻻل بس اريدك تساعدني...
احمد..اي كول واني بالخدمه بس منو هاي سعيدة الحظ
علي..سما زميلتنه بالدوام خوش بنيه وحبابه وانت اكثر واحد تعرفها شنو رآيك بيها
انصدمت ماعرفت شنو اجاوبه تخربطت اوضاعي حسيت الدنيا دارت بيه ....
علي ...شبيك احمد ليش متحجي
احمد...ﻻ علي ما بيه شئ اي خوش بنيه الله يسعدك
يله اني رايح للبيت ﻻن عندي صداع...
علي..اوكي باجر نكمل موضوعنه
طبعآ رجعت للبيت واني متحطمه نفسيتي ماعرف شسوي منو اختار حبيبتي لو صديقي وبعد تفكير طويل قررت اتنازل عن سما ﻵن مستحيل اخسر صديقي الوحيد وقنعت روحي انه مع الزمن راح انساها
خابرت سما ....
الووو سما اسمعيني اني صارت عندي ضروف وماكدر اكمل وياج سامحيني
بدون ما اسمع جوابها سديت التلفون والعبره خانكتني بس جان عندي امل ترفض علي..ﻵن ادري بيها تحبني
بس ما توقعتها راح تنتقم مني وتوافق عليه..
وتحدد يوم عرسهم واني الصدمه ماخذتني جنت اقنع روحي انه راح انساها...
بس ماكدرت وﻻ راح اكدر كمت اشوف صورتها بكل مكان اسمع صوتها بكل زاويه تركت الجامعه حتى ﻻ اشوفها...
ظليت الوم بروحي ليش عفتها بس بنفس الوقت علي كان اخويه وماكدر ارفضله طلب حتى لو هذا الشئ دمرني
كمت اخذ بالمهدئات في سبيل انام وما افكر بيها
الى ان ادمنت على هذا الشئ وصرت عصبي بشكل ﻻيطاق خسرت كل الناس ليحبوني بسبب تصرفاتي
واخيرآ قررت اابدي صفحه جديده واعيش حياتي بعيد عنها
ورجعت للجامعه كنت مرحله ثانيه بس وعدت نفسي ما اتقرب من اي بنيه ﻻن بعد مابيه حيل صدمه ثانيه
وفعﻵ باشرت دوامي
ومرت اﻻيام بسرعه طبعآ كانوا الطﻻب يوصفوني بالمعقد ﻻن ما اكلم وﻻ واحد بيهم...
بس كانت اكو بنيه جدآ جميله دائمآ تباوعلي
بس اني حالف انه ما احب بعد سما وكنت ناوي اتفوق بدراستي واطلع للخارج اكمل هناك .. بس بدأ يصير وياي شئ غريب بدت البنيه تتقربلي اكثر واكثر بحجة الدراسه وبيوم من اﻻيام....
شهد...هلووو احمد شلونك شخبارك
احمد ....الحمدلله زين انتي شلونج افتهمتي الموضوع لشرحته الج البارحه
شهد ...اي تمام عاشت ايدك بس اني اجيتك بموضوع ثاني..
احمد..اي تفضلي
شهد...احمد انت ليش حزين ودائمآ صافن مع انه اني سمعت انت من عائله غنيه واهلك هواي يحبوك اسفه لتدخلي بخصوصياتك بس والله الفضول ذبحني مثلك واحد وسيم وكلشي عنده شنو الممكن يزعله
احمد...اي اعترفي اني حلو طبعآ كلها تكول هيج مو بس انتي..
شهد....اوووف راي ينغر بروحه لتصدك تره اشاقه وياك شنو تريد تضيع الموضوع شو مجاوبتني
احمد...بس شهد هذا ماضي وماريد احجي بي ﻻن راح تنفتحلي جروح قديمه
شهد....جرب يمكن ترتاح وتطلع من الجو العايشه
احمد..اوكي بس موهسه يجي يوم واحجيلج
شهد..انتضرك يله مع السﻻمه
راحت شهد بس ماعرف ليش هاي البنيه ارتاح من احجي وياها وتذكرني بسما بيني وبين نفسي كلت خلي اتجنبها ﻻن ماريد اوكع بحبها
وفعﻵ بديت اتهرب منها بدت هي تحس بهذا الشئ وبيوم كنت جالس بنادي الطﻻب اجت شهد وكعدت يمي.
شهد...احمد شبيك ليش متريد تحجي وياي اني زعلتك بشئ
احمد...ﻻ بالعكس بس.....؟
شهد.....بس شنو ليش تسوي هيج شنو خاف تحبني مثل ماحبيت سما
احمد...لتجيبين اسمها ع السانج وبعدين انتي منين تعرفيها اني تعبان اريد اروح ...
طلعت من الجامعه واني اخفي دموعي حتى محد يشوفني طبعآ عصبت ع شهد بشكل مبالغ بي بس شسوي مو بيدي بس الله يعرف شكد حبيتها لسما وادري مو ذنبها وﻻ ذنبي لصار بس بعد مثل ميكولون قسمه ونصيب....
غبت يومين عن الدوام
بعدها قررت اروح اعتذر من شهد ﻵن كان مالها ذنب ولكيتها كاعده ويه صديقاتها نور وليلى بالنادي....
احمد ...السﻻم عليكم بنات...عفيه شهد عندي حجايه وياج بﻻ زحمه
شهد...اي احمد تفضل...
شهد اني اسف ﻵن عصبت عليج ادري مالج ذنب بس اني مجرد ذكر موضوع سما كدامي تنهار اعصابي وتعالي خلي نكعد بغير مكان واسولفلج عن الصار وياي
بس قبل كلشي انتي منو كلج عن سما....
شهد...اكو بنيه اعرفها كانت صديقة سما وحجتلي عن الصار بيناتكم
وبدأت احجيلها قصتي ومع كل كلمه اكولها احس كلبي ينقبض ويوجعني بدأت شويه شويه تتوتر اعصابي واحتاجيت الى مهدأ ...
سما...احمد لهاي الدرجه انت تحبها شوف نفسك شلون صرت .زين ليش عفتها..
احمد..ماكدر شهد شنو جان موقعي لو ماخذها من علي شلون تردينها تصير زوجتي وصديقي نفسه بيها ..
شهد ...اي كافي لتعصب انسى كلشي واهدأ
ماحسيت اله شهد تمسك بأيدي وتحضني ياربي شنو هذا الشعور لبداخلي ليش احس عندي رغبه بظمها الي ليش كاعد احس وياه بالراحه مثل ماحسيت ويه سما معقوله حبيتها..؟
ومرت اﻻيام تطورت عﻻقتي بشهد وصرنه نطلع سوه هواي بدأت انسى سما ...
وتعلقت بشهد هواي ووعدت نفسي هاي المره انه ماخسر شهد مهما كان السبب...
احمد ....شهد احبج امووووت عليج
شهد...هاااا اي اني هم احبك
طبعا هاي مو اول مره شهد ترتبك من كلمة احبج كنت اجهل السبب بس بدأ الموضوع يخوفني معقوله هي متحبني زين ليش اهتمت بيه
بدأت الشكوك تدور بداخلي وقررت احجي ويه شهد بخصوص هذا الموضوع...
وفعﻵ رحت للجامعه وشفت شهد جالسه ويه صديقتها ليلى رحت حتى احجي وياها واني اقترب منهم سمعت شهد تحجي عني بداخلي كلت فرصه بلكي اعرف شنو بداخلها وقررت اسمع حديثهم عن قرب وياريتني ماسمعت ﻵن كانت هاي الصدمه الثانيه الي ...
ليلى...انتي ليش خليتي يتعلق بيج اذا انتي متحبي مو حرام عليج لسويتي
شهد..اني ما جنت اتصور العﻻقه هيج راح تتطور اني حبيت اساعده واطلعه من الجو العايش بي بس والله ماكنت اعرف هيج راح بصير عفيه ليلى ساعديني شلون اكدر اكوله اني مخطوبه ماعتقد هو بعد يتحمل صدمه ثانيه عفيه ساعديني اني ما انكر اعجابي بي وحبي اله بس بنفس الوقت ماكدر اخون خطيبي وشنو ذنب يوسف
يصير بي هيج...
ليلى...ماعرف شكلج بس انتي ﻻزم تحجين ويه احمد بأسرع وقت والله يكون بعونه ع راح يسمعه
شهد...اووووووف ليلى راح اموت والله خايفه عليه شسوي...
احمد...
طبعآ من سمعت كﻻمهم حسيت الدنيا صارت ظلمه وجسمي صار حار طلعت من الجامعه بسرعه شغلت سيارتي ورحت للبيت اخذت المهدئات ونمت حتى ما افكر بشئ ....
كعدت ثاني يوم الصبح شفت شهد متصله عليه هواي
استرجعت اﻻحداث وبعدني مامستوعب الصار
يعني معقوله جانت تضحك عليه يعني معقوله كﻻمها كان شفقه عليه...
رجعت حالتي تدهورت مثل قبل واكثر وظلت شهد تتصل عليه بس ماريد اسمع صوتها
وبيوم من اﻻيام اندكت الباب راحت امي تفتح الباب.. طلعت من غرفتي حتى اعرف منو اجه شفت شهد واكفه بالباب
شهد....السﻻم عليكم احمد موجود
اي تفظلي موجود بغرفته بس هو كلش تعبان
شهد ....اكدر اروح احجي وياه
اي اكيد....
احمد...دخلت غرفتي وسديت الباب ﻵن ماريد اشوفها
شهد...احمد عفيه افتح الباب وينك كل هاي المده عفيه بس خليني احجي وياك
احمد..روحي شهد ماريد اشوفج بس ليش سويتي هيج اني بشنو اذيتج..
سمعتها تبجي
طار عقلي بس مع هذا جرحتني ..
شهد ...اترجاك افتح الباب
ونفتحت الباب
شتردين اني سمعت الكلام لبينج وبين ليلى وعرفت بخطوبتج بس ليش فهميني ليش .
كلت هذا الكﻻم واني اعصابي منهاره واصيح ...
هي ظلت تبجي وساكته وبنفس الوقت خايفه
تقربت منها ومسكت ايدها...
ليش تبجين حبيبتي اني اسف ﻻن صيحت عليج وخوفتج بس شهد عفيه لتعوفيني ماكدر بلياج تره والله اموت وحضنتها بقوه ...
كامت تبجي اكثر وعافتني وراحت..
ممكن تكون الصدمه الثانيه بحياتي بس صحيح كدرت اطلع من حب سما بس اطلع من حب شهد مستحيل
مرت الايام واني حابس روحي بالغرفه ماعرف شنو اسوي ظلمت الدنيا بعيني.
رجعت للجامعه في سبيل اشغل نفسي ولكن الوضع بده يصعب عليه
أنت تقرأ
كذبه واصبحت حقيقه
De Todoغالبآ ما يبدأ الحب عندنا بكذبه وسرعان ما يتحول الى حقيقه هذه هي قصتي .....تابعوا واعرفوا ما حصل.....
