အပိုင်း ၂၄၈
ဟွမ်ဖူရှုန်းက ဖူလင်ကနေ ညတွင်းချင်းထွက်သွားကာ ဟွမ်ဖူတု၏ ကြင်ယာတော် ကျင်းလင်လင်နှင့်အတူ သုန်းပြည်နယ်သို့ အမြန်ဒုန်းစိုင်းသွားလေ၏။
သည်ကိစ္စက အလွန်တရာမှ အရေးကြီးပြီး ဟွမ်ဖူကျွင်းနှင့် မျက်နှာချင်းဆိုင် ဆွေးနွေးမှဖြစ်မည်ပင်။
ကျင်းလန်လန်ကတော့ ရက်ပေါင်းများစွာ မအိပ်ခဲ့ရတာကြာပြီဖြစ်သည်။ သည်နေ့ကျမှ သူမရုတ်တရက်ကြီးအမြင်ပွင့်ကာ သေးတယ်လည်းပြောမရ ကြီးတယ်လည်းပြောမရသော အသေးစိတ်အချက်အလက်တွေကို သတိရလာသည်။
သူမသည်လည်း အလွန်ပျာယာခတ်နေကာ တစ်ကိုယ်လုံးက ပို၍ ပို၍ ရှိုက်ငိုလာတော့သည်။
"တူမတော် ဒီကိစ္စက အရမ်းအရေးကြီးတယ်။ မင်းရှင်းရှင်းလင်းလင်းမှတ်မိမှဖြစ်မယ်"
ဟွမ်ဖူရှုန်းက တိုက်တွန်းလိုက်၏။
ကျင်းလန်လန်မှာ ပိုတွေးလေ ဟွမ်ဖူတု၏ အသံက သူမနားထဲမှာ ပဲ့တင်ထပ်လာသယောင်ပိုခံစားလာရလေပင်။သူမစိတ်ထဲမှာ ထိုသူက မယုံကြည်နိုင်ဖြစ်နေသည့်လေသံနှင့်အတူ အသံကိုလျှော့ရင်း အနည်းငယ်ပင့်သက်ရှိုက်နေတာတောင် ကြားယောင်လာမိ၏။
"မွေးစားဦးရီးတော်...ကျွန်မအရမ်းရှင်းလင်းသွားပြီ! ခုချိန်မှာ ကျွန်မပိုတွေးလေ တစ်ခုခုကမှားနေသလို ပိုခံစားလာရလေပဲ။ လန်ကျွင်းက ဘာလို့ 'ဆယ်ပုံ သုံးပုံ' လို့ အစမရှိအဆုံးမရှိထပြောရတာလဲ။ သူသေချာပေါက် ကျွန်မကိုပြောနေတာမဟုတ်ဘူး။ မဟုတ်မှလွဲရော သူရုတ်တရက်တစ်ခုခုကိုကြားလိုက်ရလို့ တစ်ယောက်ယောက်ကိုပြောပြနေတာလား"
ဟွမ်ဖူရှုန်းက မျက်မှောင်ကြုတ်ရင်း
"တုအာ မင်းကိုဆက်သွယ်တုန်းက သူက တော်ဝင်နန်းတော်မှာမလား"
"ဟုတ်ပါတယ်"
ကျင်းလန်လန်က အတော်လေးသေချာနေသည်။
"လန်ကျွင်းပြောတာက ဧကရာဇ်နဲ့တွေ့ပြီး သွားတော့မလို့တဲ့"
"ဒါဆို သူက တော်ဝင်နန်းတော်ကနေ တစ်ခုခုကိုကြားပြီး ဒီကမ္ဘာကြီးကနေ ပျောက်ကွယ်သွားရတယ်ပေါ့! တူမတော် ငါ ခန့်မှန်းတာသာမမှားရင် ဒါက တုအာသေဆုံးမှုရဲ့ အကြောင်းရင်းပဲ!"
ESTÁS LEYENDO
ဗီလိန်ကြီးပေါင်ပဲဖက်ပါရစေ (ဘာသာပြန်)
Romanceစာရေးသူ : ချင်းဟွားရန် အမျိုးအစား : Adventure, comedy, romance ,xuanhuan, psychological I own nothing.Just translating. Both unicode and zawgyi. #Not BL ပုံလေးက My treasure for you ဆီက လက်ဆောင်ရတာပါ။ vibeက novel နဲ့တစ်ထပ်တည်းနော်။ တအားတွေ သဘောကျ❤️
