(6)💫
صلو علي سيد الخلق وشفيع الامه❤️🔥
💔.........................💔
ذهب فارس بينما لمح ما جعله يُصدم لقد رآي ذلك الشخص مسبقا
' ده الأسد الي اللواء محمد قالنا عليه امبارح'
نطق بها فارس بينما تدارك نفسه وهو يتقدم منه ويقول
فارس؛ اهلا
نيكولاس؛ مرحبا من انت
فارس؛ انت اسمك ايه
نيكولاس؛ ادعي 'احمد'
فارس؛ اهلا يا احمد بس معلش عايز أسألك سؤال هو انت بتتكلم كده ليه
نيكولاس؛ كيف اتحدث
فارس؛ يعني مش بتتكلم بالعاميه زينا
نظر له نيكولاس بشك بينما اكتشف انه ليس رجلا عاديا ظن انه يعمل بالمخابرات او ما شابه وذلك لخبرته فهو كان يري الكثير من رجال الشرطه المتنكرون وكما ان فارس كان يتحدث وهو يدقق في ملامحه وربما يبحث عنه فقال له وهو يحاول ان يتحدث بالذي تعلمه من العاميه
نيكولاس؛ لا انا بتكلم عادي بس انا مدرس عربي وكده فأنت عارف
فارس؛ طيب تمام. مع السلامه
نيكولاس في نفسه>> ماذا كانت تقول تلك السهر يسط اه اه كانت تقول يسطا
نيكولاس؛ سلام يس يسطاا
ابتسم له فارس عندما سمع منه تلك الكلمه كان يبدو
وكانه اول مره يقولها
(لكم ان تتخيلو يا جماعه شكل نيكولاس وهو بيقول ياسطا وربنا ضحك للركب يعني تخيلو واحد اجنبي ويقول ياسطا كميه ضحك 😂😂... نرجع)
💫..........................💫
وقف نيكولاس قليلا يفكر فيما حدث يبدو وكأنه سيُكشف قريبا ولكنه فاق علي صوت الهاتف كان رقم غريب رد ليقول
(نيكولاس) من معي
(مياده) ان انا قالتها بتوتر ليقول هو
(نيكولاس) ماذا حدث مياده لماذا تتصلين بي
(مياده) سهر تعبانا جدا وجالها ديق تنفس وأخذتها للمستشفي وانا مش عارفه اعمل ايه الدكاتره عمالين يدخلو ويطلعو وانا مش عارفه اعمل ايه
ملقتش غيرك علشان لو اهلي او أهلها عرفو مش هتخلص
كانت تتحدث مياده ببكاء وهي تري حال صديقتها والأطباء يجرون في كل مكان ويضعون لها مسك الأكسجين وهي واقفه كأنها شلت من الموقف الذي أمامها
نيكولاس بتوتر كبيير وهو يقول
(نيكولاس)ماذا. في اي مستشفي انتم الأن
مياده؛ في مستشفي٠٠٠٠٠٠٠٠٠٠
اقفل نيكولاس الخط وذهب سريعا الي المشفي كان لا يشعر بشيء سوي دموعه التي تغرق وجهه اول مره في حياته يبكي ويشعر بالقلق علي احد كاليوم
💭..........................💭
(مياده)
كنا جايين من الدرس عادي وبعدها اتعصبت عليها بسبب احمد الي مبقتش تحكي غير عليه كل ما اكلمها تقولي احمد احمد احمد زهقت منها وزعقت فيها وقولتلها بصوت عالي
(احمد احمد احمد هو انتي مبتزهقيش هو انتي مفكره انو هيحبك او بيحبك بطلي عبط ده واحد فاقد الذاكره وهيمشي اول لما ترجعله الذاكره. وبعدين يا سهر انتي بتوهمي نفسك بجد انا وانتي عارفين انه مشهور وغني وانه عمره ما هيبص لواحده فقيره بمجرد ما هترجعله الذاكره وبصراحه انا كنت غلطانه اني مدتتهوش جواز السفر والبطاقة والفون الي كانو في الأمنات. وسمعت كلامك انك أعجبتي بيه وعايزا تقدي شويه وقت معاه بس بصراحه كده كفايه انا هروح ارجعله حاجته ويروح لأهله بقي)
قولتلها الكلام ده وسبتها ومشيت شويه وببص ورايه تاني لقيتها بتعيط واتخنقت وانا عارفه انها بيجلها ديق تنفس لما بتعيط وبتزعل جامد اخدتها للمستشفي بسرعه ومعرفتش اتصرف
لقيت الدكاتره بيسحبوها علي الترولي وفجأه قطعو هدومها وركبولها ماسك أكسجين وفي دكاتره داخلين وطالعين انا معرفتش اتصرف خصوصا ان حالتها صعبه اخذت تلفون سهر ورنيت علي احمد لأنها كانت مسجله رقمه عندها ولقيت ان هو الوحيد الي يقدر يساعدني دلوقتي وميعرفش اهلي ولا أهلها
بعد شويه جه ووشه باين عليه دموع بجد صعب عليا راحلي وقالي بسرعه
نيكولاس؛ هي فين ايه الي حصل علشان تتعب كده
مياده؛ مش عارفه يمكن من تعب الدروس
ظل واقفا في توتر كبير ولا يشعر بشيء سوي انه يريد الدخول لها خرج الدكتور فسأله بخوف
نيكولاس؛ ماذا حدث لها؟! كيف حالتها الآن! أخبرني الآن
الدكتور؛ مفيش حاجه يا استاذ هي بس جالها ديق تنفس وكويس انكو جبتوها في الوقت ده والا كانت ممكن تروح فيها
مياده؛ الحمد اله يا رب. شكرا يا دكتور
نيكولاس؛ هل يمكنني الدخول لها
الدكتور؛ مفيش مشكله انتو كمان تقدرو تاخدوها بس
بعد ما تخلص المحلول
مياده؛ شكرا يا دكتور جدااا
❤️🩹...........❤️🩹
دخلت مياده ونيكولاس علي سهر ولكنه قام يصرخ عن من فعل بملابسها هكذا وازداد في صراخه عندما علم ان من اسعفها كان أطباء رجال خرج هو حتي لا يصرخ عليها أكثر فقالت مياده
مياده؛ ايه ده مجنون ده ولا ايه
تقدمت من سهر التي كانت جالسه في صمت فقالت مياده بحزن
مياده؛ انا اسفه علي الكلام الي قولته والله ما كنت اقصد بس كنت عايزه افوقك بس
والله انا بسحب كلامي شكله بيحبك اوييي دنتي مشوفتيهوش وهو هيموت من القلق عليكي والا دموعه اللي مكنتش بتقف
ابتسمت سهر وأومأت براسها
ولكنها أزالت ماسك الأكسجين سريعا عندما لمحت نيكولاس يقف ويتحدث مع فتاه جميله جداا
سهر وهي تزيح الماسك؛ اطلعي شوفيه بيخوني الواطي وربنا منا سايباه
ضحكت مياده بصوت عالي؛ ههههههه يابنتي حرام عليكي انتي بتموتي البسي الماسك يا ماما
وبعدين ايه بيخونك دي هو بقي جوزك خلاص
سهر؛ مليش دعوه اطلعي نديه بسرعهه
مياده؛ يابنتي اهدي بقي ممكن يكون بيطمن علي حالك
سهر؛ كويسه والله كويسه بس اطلعيلو
مياده؛ اتلمي يا سهر واهدي وبعدين الواد كان بيعيط علشانك وانتي بتقولي ييخوني يا شيخه حرام عليكي
تمددت سهر علي السرير مره اخري وهي تغلي من الغيره مرت ثانيه اثنتان ثلاث فقالت سهر
سهر؛ لا انا مش قادره اطلعي نديييه
مياده؛ خلاص خلاص متزفته
ذهبت مياده وجدتهم يتحدثون الانجليزيه اخذت تستمع لهم وهي تضع يديها فوق فمها فذهبت سريعا الي غرفه سهر واستعجلتها حتي يذهبو تحت تفاجأ سهر من وجهه صديقتها
💬............................💬
في اليوم الثاني كانت الفتاتان ذاهبتان الي مدرستهم
تحت تأفف سهر وسخريتها من الاساتذه فكان الوضع كالتالي
الاستاذ؛ سهر قومي قولي بيت الشعر الي اخذناه
سهر؛ والله يا استاذ نسيت احفظه
الاستاذ؛ انتي هتفضلي كل حصه تقولي كده خليكي واقفه طول الحصه
سهر؛ ماشيي يا مستر
وقفت وهي تتمتم بغيظ
امشي وانت عامل زي البرص الجعان كده والنعمه راجل اهبل مراته تقوم تنكد عليه ويجي يطلعه علينا
سمعتها مياده فقالت
مياده؛ يا بنتي انتي مبتبطليش تنمر كده انا مش عارفه انتي لما تتجوزي هتخلفي واحد شكله ايه
سهر؛ ملكيش دعوه انتي واسكتي خاااالص
الاستاذ؛ سههههررر بتتكلمي ليه
سهر؛ بص يا استاذ والله انا تعبانه ومش ناقصه صداع وانا عارفه انت هتقولي ايه فوفر الكلام وانا خارجه أقف بره الفصل
استاذه؛ انتي مش محترمه اطلعي بره
سهر؛ اديني طالعه براسك الي عامله زي البطيخه دي
تركته ووقفت سهر أمام باب الفصل كعادتها وهي تدعي علي ذلك الاستاذ
🏵......🏵
بعد الانتهاء من المدرسه كانت سهر ومياده عائدون من المدرسه دخلو المنزل ولكن تفاجأت مياده من الذي كان يجلس بمنزلهم
مياده؛ انننتت
بقلمي/ ندي محمد
اهلاااااا تتوقعو مياده سمعت ايه ومين الي شافته تابعو الحلقه الجايه وانتو هتعرفو بجد الأحداث ناااار لأننا خلاص في آخر اربع بارتات يلا باااي معادنا بإذن الله غداا👋👋
أنت تقرأ
اوقعتيني بعشقك❤️🔥
Humorهو من المافيا الامريكيه وهي فتاه فقيره تسكن احد القري المصريه فتري كيف سيتقابلو وهل سيقعو بالحب من اول نظره. تابعو القصه بجد هتعجبكم وكمان الفكره هتكون جديده جداا
