هو شاب قدر له أن يحمل عار أبيه على عاتقيه وهو يردد من يعيش في خوف وظلم لن يكون حراً أبداً هل يخضع أيوب لقدره أم له رأي آخر
( أحداث قصة حقيقية 100٪ لكن لا تخلو من خيال الكاتب وتستحق دعمكم )
( لا أحلل بنشر الرواية بأي برنامج كاملة )
اتمنالكم قرآءة ممتعة + لا تنسون التصويت والتعليق بين الفقرات حبايبي ❣️
والمتابعة الحساب ☺️🌼
بقلم غزل حسين 🖋️📖
ياسر ٠ ٠ آنة أَدرِي گاضي العُمر بيكُم بَلياكُم بَس أَحلى يظَل لون أبقى وياكُم والگلب بس يحِن وما يرضى ينساكُم بِـ أَزمة تَناقض عِشت أشتاگ بِـ بموال و بِغيرها أَهواچ لأمي ساهرة يمة أنه الغريب بلاية حضنج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لبنى : طلعت من الغرفة على هوسة هاي كل يوم نفس الرنة وسرى وأمي يتعاركون كل وحدة تريد حجايتها تمشي وامي ماشاء الله أبد ما تحب تمشي كلمتها بس بقى تتعارك ويا جارتنا واتكللها لا تنامين ويا رجلج وسرى عنيدة كلش يبووووه انفضحنا هاي شبيكم
سرى : بعصبية أني بعد ما أتحمل امج شوفيلي صورة حل وياها عجيبة هالمرة أني بحياتي ما شايفه هيج شو كلكم طبعكم عسل وتخبلون الا امج
أم لبنى : أي وأني اموته روحي عليج يمة يمة منج ذبيتي كل الصوج بية
لبنى : شكو يمة شصاير الي يشوفكم ما يكول صارلكم أيام سوا عبالك من سنين عايشات ابيت وأحد لو ضرير شلون وياكم بس بقى تتكافشن
ام لبنى : بس كتلها يمة أحنا ما عدنا بنات تطلع للسطح كل ساع هي تخبلت وسوتها هوسة وحدة ما تستحي
سرى : يصير امج اتكولي منو ضاحك عليج وتردين تبلين بنتي ترى أني كله الا شرفي كمت ابجي وتركتهم دخلت للغرفة واعصابي طافرة شوكت اخلص وأرجع لأهلي على أقل محد يتحكم بية ولا يعايرني ولا يهيني تستاهلين والله أكثر من هيج أنتي وصلتي نفسج لهاي المرحلة بطيشج وقلة عقلج
لبنى : فتحت عيوني يمة شنو هالحجي مو عيب ترى والله خزيتيني وتالي وياج هاي أمانة حارث شكوله أني
أم لبنى : يمة اخوج شاب بالبيت ما يصير هي تبقى يمنا لبنى : شنو هالحجي ترى والله اشگ هدومي من وراج هو وين إيهاب يشوفها شو بغرفته 24 ساعة
أم لبنى : اوووي كفر الواحد يحجيله كلمة بهذا البيت
لبنى : عافتني وطلعت تحضر عشة وهي ادردم هالفترة امي متغيرة بشكل الا لسانها بعده طويل هههههههه خلي اكوم اشوف الخبلة المفروض تعودت على اطباعنا
