قدر مراهقة 2

الجزء 07

#قدر_مراهقة2
#ميرال_مجد
#بقلم_فريال
الجزء 07
جيت رايحة من نيتي كنت ناوية نمدلها طريحة كلام خالتي وزادت عليا رنيم صاي راح نطرطق يسموني نربيها ليلة الهاملة الخامجة من راجل لراجل ام رجاجيل الفايحة، شدتني رنيم من يدي هي تجبد وانا نجبد قالتلي خلي لعرس يفوت ونتفيها مش ليوم مجاياش تفزدي عرس خوك ومتخافيش انا تاني نعاونك فيها ديجا قلقتني هي وخواتاتها كانو يدورو على وائل وتعرفيني انا اخربيلي في عيني ومتخربيليش في زوجي الحبيبي _ ايه وانا نقول وش بيها تحرش فيا ولحكاية ظهرت بلي عينهم في راجلك وحابة تبعثيني انا نتفهم ونربح لعيب وانت تقعدي مليحة قدامهم _ لا والله والو انا بغيتك تفيقي وترجعي لراجلك قبل مايطيرو بيه واذا على بنات عماماتك رايحة نعفسهم بيك ولا بلا بيك عياتني كرشي شوي برك ولا راني نڨز وحدي _ اقعدي برك انا نجيبلك حقك وحقي متخافيش وذوك طيري قودي من قدامي اني بديت نتنارفا لانعود نبدا بيك كلبة _ زيك مكانش خرية _ متنسايش راني لوستك واللوسة سوسة ردي بالك مني _ ومتنسايش بلي انا مرت خوك وبكلمة مني ندورو عليك _ ديريها وتشوفي _ مانديرها مانوصل روحي للمشاكل مع لفعى زيك منقدرلكش وانا قليلة صحة _ ايه قليلة صحة قدامي وفليل متعبيش من الخدمة _ اي هذيك الخدمة سبيسال وساهلة خلاص متعبنيش مش كيما المشاكل والعركات يتعبو وانا نفضل نخلي جهدي لراجلي خير _ اتلمي شوي راني نشوف فيك تحليتي في العريض وين راحت الحشمة والحياء عيب راني اخت راجلك مجاياش تحكي معايا بطريقة هذي _ ايه صح عندك الحق عيب نحكي معاك هكا وانت صغيرة متعرفي والو القط ياكل عشاك _ ايا قودي من قدامي روحي جيبي لجين متخليهاش وحدها ولا اقعدي معاها _ وانت علاه متقعديش معاها _ مشغولة رايحة نتعرالهم _ اها لا احبسي عيب مجاياش تتعرايلهم راهم مخلطين خلي كي يروحو ويبقاو غير النسا واتعراي وريلهم لاطاي الي مهبلة ولد عمي وخلاتو ميشوفش في غيرك (بعد مارجعت لدارنا سجلت فلاصال تاع سبور لانو كانت كرشي خارجة من الولادة وزيد كنت حابة نضيع وقت ايا خدمت لاطاي مليح). خرجت لعندهم لقيتهم يشطحو مايتعبو مايعياو نهار كامل يردحو وفليل تاني، رحت قعدت وحدي زي لغولة منحبش نتحكك بيهم راني على شعرة في اي لحظة نهجم عليهم نريشهم ويتخرب العرس، جات اسيل لعندي ولحقت من وراها بنت خالتي (عندي بزاف ومنبقاش نذكر الاسامي بزاف تتخلطلكم) قالولي نوضي تشطحي_منشطحش ومكلاه تحاولوني اني قلقانة غير فوتوني _ شبيك غير الخير _ وش من خير يجي من عماماتك _ وش زادو دارولك _ شتي الخرية لكبيرة قالك بغات تزوج بنتها _ ايه وانت وش دخلك فيها تتزوج ولا تقعد _ ياووو بغات تزوجها براجلي وهي تربيلي بنتي _ وشنو _ ايه كيما راني نقولك ولوكان منربيهاش منيش ميرال بنت سلمى نوريلهم بنت الهاملة كيفاه مدايرة خرايبهم كامل نحطهم.
#فريال