"أثر الهناء حلم يا حمد"

البارت الرابع والخمسين

ساره:تكفى يا صقر بسلم على عمي واشوف البنات اكيد ما بعد سافرو الديره وش اسوي بروحي في الفندق!
تقدم صقر وباسها في جبهتها:ساره! تراي للحين تعبان وحيلي بالأرض خليني اعزي الناس واجي ادخلي واقفلي عليتس لين اجي زين؟ يلا لاتخليني اعيد كلامي وانتي تعرفين ..بأمان الله
جلست ساره بخجل وهدوء واول ماطلع صقر تحسست مكان بوسته بيدها وهي مبتسمه اما صقر طلع وهو مبتسم من حركته إللي مايدري كيف طلعت منه وأول ماركب السياره أستوعب حجم الكذبة اللي كل مالها تكبر، العزاء وين واللي يقصده وين!
صقر:كذا ولا كذا بتطلقها وترميها لاتهتم ياصقر وكمل -رفع جواله يتصل على رايد-
رايد رد وهو يتروش وصوت الاغاني بالجناح كامل:هلااااا يابو ضاري هلا يا اخو المعرس
صقر تنهد وقال:انا جاهز وينك فيه؟واقصر الاغاني اللي عندك عشان اسمعك
رايد:تعال الفندق انا اتسبح الحين شوي واجهز
صقر:وراك ماحجزت في فندقنا
رايد:فندقكم؟من انتو؟
صقر قرر ينهي الموضوع قبل يحقق رايد:يلا يلا جايك مهب وقت سوالف -قفل صقر وناظر المرتبه على يمينه وكأنه فاقد ساره من الحين-

-بالاحساء-
كانت رغد جالسة مع اهلها وقلبها مشغول بعذبه لا هي في دنيا اهلها ولاهي معهم أبد ، ماقدرت تتحمل الوضع وقامت ورفعت جوالها واتصلت على جوال ام متعب
الجوال كان على طاولة المطبخ وهيا تزين الشاهي عند الفرن
هيا: خااااله جوالتس يدق ... الهنوووف! بدور! وين العالم !! -قربت من الجوال وشافت اسم رغد- اثاريتس انتي! غريبه داقه على خالتي شالطاري!
هيا:الو!
رغد زادت دقات قلبها بخوف بس قررت تساعد عذبه وتنهي اللي يصير:هيا؟
هيا جمدت من نبرة رغد:رغد شفيتس!
دخل فلاح الحوش بعد ما دلوه البزارين على مكان رغد وسمعها وهي تكلم هيا وسحب الجوال وقفل : ماتفهمين!!!! ليش تتصلين على هيا!!
رغد بكت:عذوووب مسكييينه تكفى روح لا تصيير صمنديقه
فلاح:لا ! انا مني فايده واعرف وش اسوي ، رغد انا اخترتس وحافظت عليتس لاتسوين شيء من وراي ولاتتدخلين سمعتي!
رغد:وعذبه!
فلاح بضيق:شبلاها عذبه! بتعرس وتتوفق وتسلى عن حمد -قرب فلاح من رغد حضنها على جنب صار راسها على كتفه وذراعه محاوطتها ، طلعت أم رغد تناديهم للقهوه بس شافت منظرهم وقررت تتركهم ظنًا منها أنهم بحالة رومانسية والحقيقة أن رغد كانت تبكي على حال عذبه وضايق صدرها-
هيا ناظرت الجوال: علامها ذي! -التفت بسرعه لصوت الشاهي وهو يفور على الفرن- يوووووهه ما صار بي حيل اغسلك مره ثانييه
مزون دخلت:من تكلمين بسم الله
هيا:الفرن ماغيره
مزون: يارب يجي سيف بسرعه وبالسلامه وتسولفين مع احد يسوى قبل تنجنين
هيا: يازقننننن طاررييه حبيّب امه، والله بنجن يا مزون متعب من الصبح ما شفته ورغد من شوي دقت وقفلت وذا ما مداني التهي عنه الا وحاس المطبخ كله
مزون:اكيد تبي تبارك برمضان
هيا:وشهو!!! جاء رمضان واهلي مابعد جو! لايكون عرفو متى!!!
مزون:لا لا بس الليلة بيقولون او بكره مدري والله  الا غريبه ما جاء خالي فايز للحين ! هقيتهم قدامنا
هيا:والله مدري ابطو هالمره
مزون:مردهم يجون لاتنسين زواج حمد وعذبه 
هيا ابتسمت: من الحين بدور لي خياط يزين لي فستان بالحمل لازم اكشخخخ بعرس الكناري ذولا
مزون:ههههههههههههههههههههههههههههههههه صدقيني حممماسنا كلننا متى تجي عذبوه بس ... عسى زان شاهيك؟تبي نتقهوووى تراي مانمت من الصبح ابي احلل يومي معكم وبعدها اعطيها نووووووومه على سرير سوير
هيا:زان زان بجيب نعناع من الحوش واجي اقعد معكم شوي واروح انا معد صارت تفيدني نومة الارض بسهر معكم للوقت اللي تبون ثم انوم بغرفتي
مزون:ما بتنرفز معليك انا احب الحب والحياه وادعمك هههههههههههههههههههههههههههههه
هيا:ما مثلتس يالهنوف انشهد ههههههههههههههههههههههههههههههههههههههههههههههههه
دخلت الهنوف: هياااا! ربي وربتس الله! هذا كله وقت تزينين فيه شاهي! امشششششششي
هيا ناظرت مزون:عرفتي ليه اقول ما مثلها؟
مزون:وعرفتي ليه احب بيت خالي؟
الهنوف ناظرتهم:شتقولون انتم! المهم خذو شاهيكم وامشو بنسمر عند وضحى وسلمى وفوز عندهم
بدور جاتهم وهي تجفف الكيرلي:جهزتو؟
مزون:عذاري عندهم؟قولو اي تكفون ابي جدول  ابي اضحك
هيا:هههههههههههههههههههههههههههههههههههههههههههههههههههههههه اخبره طبع هنوفوه
الهنوف ربتت على كتف مزون:لزمتس العرق هاه؟ ههههههههههههههههههههههههههههههههه وانتي امشطي شعرتس واجهزي يلا
بدور:جاهز!
الهنوف:يا مصروعه بتطلعين بالهواء وهو مابعد جف!!!
بدور شمقت:ااااهههه اههه وبس انقلعي بعدين ماهو من بعد بيتهم هذا هي تسمعني
مزون:امي من صوب والهنوف من صوب
هيا:انا بروح اجهز مزون صبي الشاهي بثلاجه وحطي نعناع من الحوش واطلعو قبلي يلا يلا خلو المجاكر اذا رجعنا
الهنوف: يلا على قولتس وانا بمشط شعرها -سحبت بدور وطلعو للصاله وبقت مزون في المطبخ لحالها وطلعت للحوش تاخذ النعناع وسمعت دندنه في السطح اللي قبال بيتهم وابتسمت وهي اللي تحس انها اشتاااااقت للدندنه هذي ونزلت عند حوض النعناع تبي تلتهي فيه عشان تسمع صوت منصوراللي كان يغني وهو مبتسم-
منصور كان متكي براسه على عوده ومبتسم ويدندن:
يواحشنا وش اخبارك علينا ليش ما تسال
تبينا نوصل لدارك خلاص ابشر ولا تزعل
ضحك منصور بنص الأغنية وقال: ولكن لا تفلقنا -سمع ضحكة مزون عند النعناع وكمل-
حبيبي طول غيابك علامك صرت ناسينا
ابد ماكانت اطباعك تجي لا شفتنا رحنا
كفايه صد يا قاسي تعال نعيش حاضرنا
اشوفك صرت متناسي تمر وما تناظرنا
ضحكت مزون ورفعت راسها تناظر السطح المظلم ماتشوف فيه الا زول منصور المتربع والعود في حضنه،اخذت النعناع ودخلت والخجل كاسيها :الله الله بطييييير
دخلت هيا:خلصتي؟ وش مضحكتس؟ههههههههههههههههههههههههههههههههههههههههههههههههههههههههه الحين وش ادعي لتس به ماعندتس سيوف
مزون صحت على نفسها:لاتدعين ولاشيء امشي نطلع للبنات
هيا:مشييينا الله يكمّلتس بالعقل .. يلا يا الهنوووف وبدور حنا طالعين
دلال وهي جالسه مع امها بالحوش تحت النخله وسامرين على لمبه وحده شغاله فوق باب البيت: وين على الله بعبيكم طالعين!
الهنوف:وضحى مرسله صلوح تقول تعالو السمره خالهم طالع لعزبته وطفشانات
دلال:وانتم معهم ماتقولون عندنا ام!
مزون:صرنا بالديره يمه يعني امنا امي منيره خلاص انتي امنا بالرياض وامي منيره سمحت لنا نروح
دلال ناظرت امها: يمه سمحتي لهم صدق!
الجده منيره:اي وش عليتس! يطلعون ويسوون اللي يبون ومرو الدكان اخذو غريضات بعد مير الهنوف لاتدخلللله
الهنوف:لا والله هذي بحق يا منور! عقلي وثقلي بكفه وعقولهم وشخصياتهم بكفه وعقلي يرجح علاهم بعد ميييير على ماقيل حظ الملايح بالارض طايح
بدور ضحكت:وحظ القبايح بالسماء...هذي مو غلط؟
مزون:الا يا الحماره اسسكككتتي
هيا:اهبببب هذا وهي وحيده نسفتنا كلنا
الكل:ههههههههههههههههههههههههههههههههههههههههههههههههههههههههههههههههههه
الهنوف غمزت:تربية سيف الطايل
دلال ضحكت: يلا ولاتبطون عند الخلق لابد خالهم يجي لا يجي وانتم قدامه سمعتو!!! وباقي وراكم ترتيب شناطكم نبي نستقر قبل رمضان
مزون اشرت على خشمها وهي راييييقه: ازهليييي يمه وعد مانطول
بدور ارسلت بوسه بالسماء:بااااي تيته
الجده منيره صدت: يافرررقى
هيا والهنوف اللي تعودو:ههههههههههههههههههههههههههههههههههههههههههههههههههه
طلعو البنات بعد ما اخذو فلوس من جدتهم ومرو بقالة الديرة البسيطة ومعهم ثلاجة الشاهي وشافو ركان جالس عند عتبة البقاله ومعه مشعل والعيال
الهنوف:يووووه والله لايكسر رجلي ان دخلتها وش جابه هنيا
بدور:وش هالتعقيد! وش بنسوي داخل يعني كلها بقاله
هيا: ركون
فز ركان واستغرب الصوت والدلع لأسمه توقعها ساره وجاهم يركض ووجهه مستغرب بس عرف الهنوف وحمّر وجهه: هنوووف!!! وش تسوين بنص الشارع قدام الدكان!!!!
هيا: ركان شفت متعب اليوم؟
ركان ناظر هيا بعدين صد:هيا؟
هيا:ايه
ركان:كان مع ابوي بالعزبه والحين سامر مع سرور وطردنا يقول سمرة كبار
هيا دق قلبها لأن متعب مايطرد اخوانه اببببببدًا وحست أن فيه شيء دام من الصبح غايب
الهنوف:اسمع بعطيك فلوس وجب لنا اللي نبي من الدكان ولا والله والله يا ركان لاقول لابوي عن الحمَام وانك مهاوشنا اليوم
ركان: الله يسامح سعود اللي علمتس، جيبي واخذي اللي معتس وتفرقو واذلفو بسرعه قبل احد يشوفكم تبينهم يقولون بنات الطايل بين العمال بالمحلات!!!! اخلصصصصي اشوففف
الهنوف عطته الفلوس وعلمته وش الاغراض وراحو لبيت حمدان
مزون:مالت على مشعل قاعد ولا قال شيء اهخخخ لو يستلمه خالي سيف اسبوع
الهنوف: ما شيب راس ابوي غير اخوانتس
بدور:لالااالا من جينا من الاجازه الاولى وهو بس يهاوشنا ويفرض شخصيته المراهق خلووووه لاتخربونه ونتعب من جديد
هيا:اقطعو حسكم بندخل الحين -التفتت هيا عليهم- اياني واياكم احد يتلاسن مع عذاري فهمتو!!! فكونا شرها ونجي محترمين ونطلع محترمين سمعتي يا الهنووف!
الهنوف: ماغابت سوير .. زين يمه منيره مابنقول شيء مير طقي الباب يفتحون ولا انتظرو انتظرو -اخذت حصى ورمتها داخل بيتهم وجات سلمى تركض-
سلمى : جيييييييت جيييييت يا هنننوف والله لا تكسرين شيء غير مايدفعه غيرتس
مزون وبدور وهيا ناظرو الهنوف
هيا:شلون عرفت انه انتي؟
الهنوف:لي بصمتي بكل مكان ... افتتتتحححححييييي
مزون سدت فم الهنوف: اصصصصصص
فتحت سلمى وهي تضحك وقلطو البنات