يا غلطة ظلم باكت لذة العشرين

بارت ١١

السلام عليكم
*********

# بقلم/ الكاتبه - سانسا
****************

ضحى: وضليت أبغرفتي ابجي ماأمصدكه
أشلون هيج صار أشلون ازوج عمو همام
وعادت بيه الذكريات واني اذكر من جان
عمري عشر سنوات ورحت العرس عمو همام
جنت أصغيره وبيومها ركصت ويه الأطفال لبعمري
وركصت لمن تعبت واني لابسه بدله ورديه
وشعري سرح وأركص ويباوع عليه عمو همام
أشكد جان فرحان أبزواجه وزوجته ورغد
طالعه أبدلت العرس كولش حلوه
و هيه هم فرحانه وباوعت عليهم وابتسم
وشافني وجاني عمو همام كلي

همام-شنو هاي ضحاوي صايره أتخبلين
ضحى: عمو اني اصلآ من زمان حلوه
بس محد يشوفني
والعب ابشعري ابغرور طفولي
واسوي حركات وضحك عمو كال
همام- اي والله أتخبلين واني اشهد على
جمالج تعاي خلي نكص صوره اني وياج
ورغد
ضحى:واتقرب وأجه يمي وكصينه صوره
واني اذكر كل هذا وأكول الجنت اركص
أبعرسه هسه راح اتزوجه أشلون بيه اني
شسوي والله معتبرته عمي ليش هيج  بابا
ودموعي ماوكفن ميت حسبه أبالي ليش

مو اكبر مني أشلون أخذه واني جنت احلم
بفارس أحلامي يجيني على حصانه الأبيض
ونزوج اني وياه هيج بلحضه ضاعت كل أحلامي
بس أرفض أواجه بابا وأكله ماريده مايكد يجبرني
مثل ماجبرني ابطل من المدرسه هذا زواج مو يوم
وليله ونمت ودمعتي على خدي تعبت من التفكير وكعدت الصبح الساعه 9 وأباوع بلمرايه عيوني
منفوخات من البجي ورحت غسلت ورحت المطبخ
بس امي موجوده كتلها صباح الخير ماما كالت

ماما- صباح النور بنتي ضحاوي

ضحى: اعرف بماما كولش مقهوره بس ماتكدر

على بابا كتلها ماما انا ماريد عمو همام كلتلي

ماما- حته اني بنتي بس ابوج أموافق ومحدد

الخطوبه حته ماأخذ رئيي أبشي من يمه متفق
على كولشي

ضحى: كتلها والله انتحر وماأخذه

ماما- يمه اسم الله عليج حبيبتي لاتكولين
هذا الحجي

وأحنه نسوالف دخل بابا وكال

بابا- شنو ضحئ فكرتي بل موضوع

ضحى: كلت ابكلبي ضحى صيري قويه هاي
حياتج مولعبه أمحي الخوف من كلبج اول
مره أبحياتي اكول البابا لا كتله لا بابا ما اموافقه
كلي

بابا- اول شي حته لو ماوافقتي اني أموافق
مو أبكيفج اني أعرف مصلحتج خوش وبلا
كلام زايد والخميس خطوبتج

ضحى: وباوع الماما وكللها

بابا- اتجهزي انتي وبنتج مو أتفشلوني

ضحى: وطلع بابا من المطبخ وباوعت الماما وتكلي

ماما- مابيدي شي اسويه ارضي بقسمتج