ركبت سيارتها و نزلت راسها تفتح السيارة لكن التفتت لما سمعت صوت احد يدق الشباك ناظرت فيه و فتحت الشباك باستغراب ، المندوب : طلبيتك و صلت
اعطاها باقة الورد الي باللون الاحمر و نطقت : ما طلبت ورد !
المندوب : معرف يمكن جاتك هديه
هزت راسها عذاري و مشى المندوب ناظرت بالورد باستغراب ، بلعت ريقها و مدت يدها تاخذ الكرت بهدوء ، كان مكتوب على الكرت : اكيد فهمتيني غلط لو تبيني اوضح لك تعالي في ##### " باسل "
شدت على الكرت بغضب و طلعت من السيارة اخذت الورد و رمته بالشارع ، طلع فارس من البيت يناظر في الورد و في عذاري الي ركبت سيارتها و حركت ، قرب من الورد و شد إنتباهه الكرت الي طايح جنب الورد ، انحنى ياخذ الكرت و فتحه يقرأ الكلام ، شد على يده و حط الكرت في جيبه ، مشى لسيارته يركبها و يحرك للمكان الي كتبه باسل .
'
وقفت سيارتها قدام المكان و تنهدت تطلع من السيارة بهدوء كان المكان مرعب و خالي من الناس ، مشت بهدوء تلتفت حولها تدور عليه التفتت من سمعته خلفها ينطق : توقعت ما بتجي
ناظر فيها و نطق : انا للحين اخجل من الي شفتيه بس صدقيني مو انا الي حضنتها هي بدون سابق انذار حضنتني !
ضحكت عذاري بسخرية و نطقت : تحسبني جايه احاسبك على الي صار ؟
باسل : اجل ؟
عذاري : جايه اقولك ابعد عني و عن حياتي اتركني لوحدي قلت لك خلاص كرهتك ما ابيك !!
باسل : لهدرجه تكرهيني !
ما ردت عذاري و طلع باسل سلاحه و وجهه لـ جبينه
طارت عيونها بصدمه و نطقت : باسل وش قاعد تسوي !
باسل بسخريه : تخافين من موتي لهدرجه !
و قف فارس سيارته و ركض من شاف باسل معه سلاح
نطقت عذاري بخوف : تمام خلينا نتكلم .. اترك
نطق فارس خلفهم : وش قاعد يصير ؟
التفتت عذاري له و ضحك باسل ينزل السلاح ، وقف فارس امام باسل و رجع عذاري خلفه يحميها ، ناظرت عذاري بـ ظهره العريض و نطق فارس : وش تبي انت !!
ضحك باسل و مشى بهدوء يتركهم ، التفت فارس لـ عذاري و نطق بغضب : وش تسوين معه !
عذاري : كيف عرفت مكاني
فارس : الكرت
بلعت ريقها و نطق فارس : لا تسوي فيني كذا !
عذاري باستغراب : وش سويت ؟
صرخ فارس يكرر كلمته و نطقت عذاري بنفس النبرة: وش سويتت !!
تنهد فارس و نطق : اسمعي ، ما اتحمل !
عذاري : وش الي ما تتحمله !
صرخ فارس : ما اتحمل !!
صرخت عذاري : انطق وش الي ما تتحمله !
رص فارس على اسنانه يحاول يتمالك نفسه و مايقول لها بس ما قدر ... ما قدر يسكت مشاعره تجاهها و نطق : ما اقدر اتحمل اشوفك معه !
سكتت عذاري باستغراب و كمل فارس : ما ابيك لا معه ولا مع غيره ، كل ما اشوفك مع أي رجل ، قلبي يولع من الغيره ، و مهما حاولت افهمك ما تفهمي !!
سكتت عذاري بصدمه تسمع كلامه و نطق : اي عذاري انا احبك و اعشقك
سكتت من شافت حالة فارس و جنونه فيها و نطقت بتوتر : صدقني ما اناسبك
مسك كتفها و نطق و هو يناظر في عيونها : بتناسبيني
غمضت عيونها و هزت راسها : انت ما تعرفني !
سكت فارس و كملت عذاري : دايم تسأل مين انا ... و اعتقد جاء الوقت الي اقولك عليه مين انا !
سكت فارس يسمعها و نزلت الدمعه من عيون عذاري : انا مستحيل بنفع معك و اعرف بعد كلامي ذا بتتركني
شد فارس على كتفها : مستحيل اتركك
نطقت عذاري : انا رئيسة عصابة
سكت فارس بصدمه و كملت : انت اخترت العايله الغلط لانه كل عايلتي في عصابات عمي الي انت تشوفه طيب ... عنده عصابه و مايرحم أي احد ..
حط فارس يده على ثغرها يسكتها و نطقت : لا تكملي .... ليه ما قلتي من اول ، ليه خليتيني اتعلق فيك !
بكت عذاري و نطقت : ما كنت اعرف انك تحبني ، عشان كذا اقولك ما نصلح لبعض !
سكت فارس يناظر فيها و مشت عذاري تتركه نطق فارس بصوت عالي : مهما سويتي مستحيل بتركك
غمضت عيونها تسمعه و مشت لسيارتها ، نزلت راسها تبكي و رفعته من شافت فارس يركب سيارته و يحرك .
