السلام عليكم~~>
روايه جديده
ان شالله تعجبكم
في احد مقابر الرياض
يجلس صالح عند قبر ابوه
صالح بنبره حزن: يبه تدري عماني امس جايبين الشرطه لبيتك عشان ياخذون الورث تدري انهم قتلو امي تدري انهم ضربوني تدري انهم مافكرو ولا واحد ب المئه انهم ياخذوني ماقالو ذا اهله ميتين حرام
تدري انهم كلمو ميتم تدري انهم بيودوني لهناك يخلوني بدون اي صله قرابه بيتركوني
تعاملهم تغير عقب ما مت ليتني مت قبلك يبه جدي الي كان يقول اني حفيده المفضل امس حرقني هاه شوف ( فصخ بلوزته من جهه كتفه ورقبته موجود فيها حرق قوي) يبه حرقني بدم بارد كله من فواز قال اني ضربته يبه تعبت وربي ليه ما تاخذني
سكت صالح وجلس يبكي بصمت ما درا عن الي كان يراقبه من اول ويبكي على حال ولد صديقه
ببيت الجد
الجد بغضب: اسمع زين انت وياه البزر هذا ما يقعد ببيت مشعل( ابو صالح) مايستحق البيت لا هو ولا اخوانه مايكفيهم الفلوس الي تجيهم
ما يكمل اسبوع الا البيت بسمي تفهمون
حمد: تبشر يبه والامور هاذي خلها علي اجيب البيت و املاكه كلها لك بطقه اصبع
زايد: يبه انت تدري انهم ورثو من ابوهم 10 مليون
مزون:يبه حرام عليك الولد ضعيف ماله احد تكفى تراه حلالهم وانت حرام عليك يعني قاتل امه وتاخذ املاكهم وحلالهم
سطام بغضب: مزون امسكي لسانتس لا اقصه لتس وش الي حرام ما حرام ذا حلال اخوي حلالنا
مزون بعصبيه: وانت من انت تقصه لي وبعدين زي ماهو اخوك هو ابوهم ولهم الحق ياخذون ورثه
حمد: طالت وتشمخت اقول ورب البيت ان ماسكتي ل انطلتس نطل الكلاب
الجد بغضب: قومي لعنك الله انقلعي انا مدري وش مجلستس عندي انقلعي
راحت مزون ل جناحها
اما الباقي يخططون على بيت مشعل و املاكه
<< ل المعلوميه بيت مشعل بنفس الحي الي. ابوه واخوانه فيه
صالح :17سنه هيبه ورزانه بس هادى مايحتك بحد غير اخوانه
خالد: 21 اخذ هيبه ابوه و رزانته يشهدون له راعين المجالس و الشيوخ حنون مع اخوانه
محمد:25 هيبه ورزانه و الكل ياخاف منه. لكن حنون
............
حمد: 38 خبيث وبس يدوج ب اليالي ويشبك بنات
سطام: 43 اخبث من حمد بس انه مع عياله و عيال اخوانه حنون ما عادا عيال مشعل
زايد:23 هادى ماله دخل ب المشاكل ملازم المسجد
الجد: ذا عاد حتى الشيطان مايجي ربع خبثه ونجاسته
مزون: حنونه وتحب عيال مشعل لكن اهلها يمنعونها
الجده: ذي الشيطان براسه
مزن:18 خبثها من خبث حمد
نرجع ل الماضي
ببيت مشعل
العيد
مشعل : حي الله ابوي تو ما نور البيت
الجد: الله يبقيك. . منور ب اهله
حنان زوجه مشعل. تبوس راسه: حي الله عمي كل عام وانت بخير
الجد: الله يحييك. وانتي بصحه وسلامه
الا وين عيالك يا مشعل
خالد بهيبه: هنا ياجدي
الجد فز: حي الله ذا الحس
خالد: الله يحييك
محمد: كل عام وانت بخير يا الغالي
الجد: وانت بصحه وسلامه
صالح بنبره هادئه: من العايدين
الجد : يا هلا بولدي من الفايزين يا حبيب جدك
دخلت حنان بحكم ان عمان اولادها بيجون
حمد: يا مرحبا ب شوشو
مشعل: يا هلا ومسهلا
قام يسلم على اخوانه و اولاده نفس الشي
الجد: تقهو
مد الفنجال ل صالح
اخذ صالح القهوه وبدا يصب ل الريجيل و محمد يمد لهم التمر و خالد يبخرهم بحكم انهم العيد وبدايه كل عيد تبدا ببيت مشعل
احد الشيوخ بمزح: الا يا مشعل منت ناوي تشاركني بشغلك
مشعل بمزح: ماتجوزلك شغلتي
الشيخ بمزح: وليه ما تجوز شايفني كبير ما امشي ترا اقدر اشتغل
مشعل: لا ابد بس ماتترك العصا هههههه
