قدر مراهقة 2

الجزء 15

#قدر_مراهقة2
#ميرال_مجد
#بقلم_فريال
الجزء 15
لحقت ال18وانا مزالني برا فوت نهاري كامل في الماناج نلعب مع لولاد صغار بردت جني زدت خلطتها بالماكلة حتى قريب نتفلق ماهتميت بحتى واحد ماقولت نروح يكونو تقلقو عليا ولا يزعفو ولا يحوسو عادي خليتهم المهم راحتي انا. زدت لعبت شوي وروحت شريت شعر لبنات وقعدت فواحد الجاردة تهبل بعيدة على دارنا مشية نص ساعة منيش موالفة نجي من جيهة هذي تبان جديدة مام ديار الي فيها يهبلو وجدد عجبوني بعاد على الحس والتخلاط هذاك والهرج على عكس دارنا جاية في السونتر فيل تشتاقي تقعدي في هدوء. انا قاعدة لقيت مرجوحة رحت ركبت فيها وبقيت نلعب تقول طفلة صغيرة راح تقولو عيب ومجاياش راكي متزوجة وببنتك وزيد خارجة من داركم بلا ماتخبري حتى عبد وقاعدة تلعبي باردة القلب لدرجة هذي راح نقولكم لايهمني لمرة وحدة خممت في نفسي ورميت كلش من ورايا خلي نلعب ونضحك من بعد تخلى بعد. انا نلعب ونضحك كان مقابلني واحد راجل هاز طفل بقى يشوف معايا ويغمزلي انا صبعتلو شفتو كي تبسم وجا جاي لجيهتي وقف قدامي قالي علبالك لوكان جات وحدة خلاف ودارتلي لجاست الي درتيهالي انت ذوك راني كسرتلو صباعو ويدو كامل باش ميزيدش يصبع خلاص _ وانا لوكان جيت قدام دارنا كنت راح نضربك ونحلك راسك باش متزيدش تغمز لبنات ناس ولا نقولك نعميك خير باش تتهنى من هذيك العين الي راهي عاجباتك كل دقيقة تعوجها _ انت لسانك طويل بزاف مخفتيش مني _ علاه نخاف منك شكون انت عزرين ولا وش _ راح تعبيني بزاف بصح عادي كلش يهون على جال مولات العينين الخوضر _ ايا طبق تشو قود منا لانفزدلك خليقتك كبير وجايح حلاب _ كثرتي على ماوصاوك مخفتيش نشدك هنا ندير فيك راي واحد مايجيب خبرك هنا ولايفكك _ ايييب راني نرجف خفتك راح نموت قود منا قبل مايجي راجلي مش حابة لمشاكل _ راجلك انت متزوجة تتمسخري بيا مزال بيبي صغير _ ناناك الي صغيرة ياتقود منا يانعيطلو يجي يكسرلك راسك يوريلك التحلاب كيفاه _ اسمعيني مليح انا منحبش نضيع وقتي ولا نحكي مع لبنات موالف بيهم هوما يجريو ورايا وليوم جيت لعندك لانو عجبتيني ومش ناوي نوض منا حتى ندي نيمرو تاعك لهذا مكلاه تعبيني وتضيعيلي وقتي _ ويااااعبد ربي انت متفهمش وش عندك في راسك حمار ميت ولا بغل متربع فيه انا نقولك متزوجة وانت تقول نيمرو ومش متحرك منا لدرجة هذي مرخس روحك معندكش كرامة اني نقولك اخطيني مش حابة قود منا شبيكم هذا ماوليتو تراطيو والو لا لمتزوجة لا لعزبة لاوالو _ حبيتي تخليني نصدق بلي انت متزوجة وحدة قدك نتاجها مزالو يقراو وهي متزوجة _ ايه وحدة قدي متزوجة وعندها طفلة تاني وهيا قود منا غبر.
#فريال