قدر مراهقة 2

الجزء 16

#قدر_مراهقة2
#ميرال_مجد
#بقلم_فريال
الجزء 16
وش كاين لهنا شكون انت وبأي صفة واقف قدام مرتي متحشمش، قالهلو بنبرة تاع عياط انا وتخلعت منو شكون من غيرو مجد ايه تلفت ليه لقيتو هاز لجين بيد وليد لوخرا حاكم دبدوب يجي قدها هكاك وهي هازة شعر بالون في يدها وتضحك عاجبها لحال ايما قلبي على بنتي وشحال تهبل هي وباباها نسيت الراجل الي قدامي وكان قاعد يقلق فيا ونسيت بلي خارجة من دارنا بلا مانقولهم ولايشوفوني ونسيت بلي الشمس قريب تغرب وانا وحدي برا وفي بلاصة منعرفهاش اول مرة نشوفها وقاعدة غير نشوف في مجد ونكحل ونشلل عينيا عجبني ودالي عقلي مفهمتش اذا انا طايحة فيه عليها راني نشوف فيه اجمل واحد في الجاردا هذي ولا هو صح يهبل واي وحدة طيح فيه مفهمتش علاه كنت رافضاتو من قبل لوكان قبلت بيه ذوك رانا مع بعض بلا حتى مشكل عايشين في سعادة مع بنتنا ويمكن حتى نكونو بزوج ولاد. انا كنت متوقعة مجد يدخل فيه بدماغ يكسرلو خشمو ولا ينفخلو راسو بصح هو مادار والو جا وقف قدامو وحكى معاه بكل هدوء عكس وش مخبي، قالو وش خصك وعلاه راك واقف قدام مرتي غير الخير كشما خصك _ ماخصني والو ونظن صرا سوء تفاهم كنت حاطها عزبة عليها جيت تالي مندناش ليها اطلاقا، نطقت انا وقولتلو ياك قولتلك بلي متزوجة وانت زي البق لاصق مابغيت تبعد عليا _ اسمحيلي ختي مكنتش متوقع بلي متزوجة غلطة ومتتعاودش _ منسمحش ذوك بسبابك انت راح يضربني راجلي ويطلقني ونبقى هجالة وش يقولو عليا ناس طلقها راجلها كي لقاها واقفة مع واحد في جاردا راحت حياتي وضاعت وكيلك ربي ضيعتني ويتمت بنتي ويماها حية ذوك من وراك ندخل لسبيطار اذا متعرفش راجلي راهو خريج حبوس قاتل زوج رجال وخرج بالمعريفة ونظن انت الثالث وانا من وراك، بعد ماقولت كلامي الراجل شاف في مجد الي مشوكي من كلامي وكيفاه كنت نمثل وبعدها غبر عطا الريح لرجليه وطار وانا طحت فلرض نضحك زي لمهبولة بالصوت عيت نسكت المسكين صدقني كان لاعبها راجل وجاي يعرض في كتافو بعد ماقولتلو زوج كلمات هرب ياخي كلب ياخي خليه يتربى هكا عمرو ولايخمم يدنى لاي طفلة سواءا متزوجة ولا عزبة ولا مطلقة يولي يشوف نسا يهرب زي ماهرب ذوك بنات ناس مش لعبة بين يديهم يتبلاو فيهم ومن بعد كي يحكيو ويدافعو على رواحهم يرجعوهم ميساووش لانو بكل بساطة المجتمع ذكوري وواقف مع راجل ظالم ام مظلوم كي يشوفو مرا واقفة مع راجل ديراكت يقولو عليها قحبة ومتسواش ميحوسوش يفهمو حتى شكون هي ووش يعنيلها راجل هذاك بلاك خوها ولا راجلها والو ديراكت يطلقو الحكم والي هو لمرا رخيسة ومتسواش.
#فريال