قدر مراهقة 2

الجزء 17

#قدر_مراهقة2
#ميرال_مجد
#بقلم_فريال
الجزء 17
كملتي الالة ولا مزالك حابة تضحكي _ لا كملت بصح والله عجبني شكلو كيفاه خاف منك وهرب ظهر خويف لاعبها راجل وهو من زوج كلمات هرب يجري رجال اخر زمن فيهم غير لفم _ وش راكي ديري هنا وحدك _ ااا انا وش دخلك فيا _ شوفي راني شاد روحي بالسيف عليك جاوبيني وش راكي ديري هنا وحدك وفي الوقت هذا _ جيت نلعب كرهت من دار برك واصلا كنت مروحة _ شوفي ذوك نعيط لوائل نلقاك تكذبي نقسمك على زوج وتعرفيني كي نترون مليح امالا اتقي شري واعتارفي خيرتلك وش راكي ديري هنا _ هربت من دار _ وشنو هربتي من دار ربحت هذا ماخصك غير لهريبة من دار ودرتيها _ لا مش هربت هكاك صراو مشاكل وانا مكنتش قادرة نزيد نقعد في دار ايا خرجت وجيت للماناج قعدت نلعب معنديش وين نروح _ كنتي تجي ليا _ منقدرش نجي ليك _ علاش _ هكا وخلاص متحوسش تفهم وذوك روح اخطيني _ منخطيكش وهيا امشي قدامي _ وين _ نوصلك لداركم _ مندخلش لدار الي تحاوزت منها _ هيا تروحي لدارنا _ هذا ماخص نضرب سوايع باش نلحق ليها _ راهي غير هنا على دورة _ علاه تكذب هي في **** نطولو باش نوصلو _ عندي دار خلاف هنا _ تكذب _ هذا ماخصني نزيد نكذب عليك هيا نوضي من لرض تباني مهبولة، وقفت نفضت قشي من تراب وجيت ماشية حكمني قالي مكلاه تحاولي تهربي نقسمك هنا على زوج _ خليني نروح _ وين تروحي نوصلك _ وصلني لاي اوتال هنا نبات ليلة حتى نشوف وين نروح _ تشوفي فيا عطاي قدامك حتى تقوليلي نبات في الاوتال وانا نسكت منقول والو امشي قدامي تشو تباتي في دارك ومكلاه تناقشيني ولا تعاكسيني تعرفي نتيجة بلا مانقولك نوصلو ونحكيو ونتفاهمو على كلش تبالي غلطت كي خليتك على راحتك شهور قولت بلاك ترتاحي كي تبعي طبيبة وتتبدل نفسيتك كي ماتشوفينيش بصح راني نشوف فيك فزدتي طول وليتي تتصرفي من راسك لدرجة تخرجي من دار وتهملي ماتقولي لحتى واحد وحتى وائل هذاك حسابو من بعد كيفاه ميخبرنيش بلي خرجتي من دار موالف يحكيلي كلش ليوم ضربو الجن لزرق حلوف _ شكون قالك بلي انا نروح لطبيبة _ علبالي بكل صغيرة وكبيرة عليك وين تروحي ووش ديري كلش عارفو كنت مخليك على راحتك بصح هذا مايعنيش بلي سمحت فيك ونسيتك ذوك امشي قدامي نوصلو لدار ونحكيو على كلس ليلة يتحطو نقاط على الحروف لوكتاه وانا عايش في شور وانت في شور تاني. مشا هو وانا لحقتو اصلا ماعندي حتى حل نقعد في دارو خير مانقعد في الاوتال ونتجرجر تاني بصح نقولو ميقربليش هو في شور وانا في شور تاني لا داعي للاختلاط نقعد عندو يومين حتى يجيو يطلبو مني سماح وانا نشوف اذا نقبل نسامحهم ونرجع معاهم ولا لا ولازم تاني نحطلهم شروط مش ارواح برك واطلب سماح من ميرال لازمك تنفذلها طلباتها وتوافق على شروطها تاني، خفت غير من مجد كي قالي ليلة يتحطو النقاط على الحروف صعيبة بزاف ومنيش حابة نواجهو ونحكيلو السبب الي مخليني كارهة ومبعدة عليه.
#فريال