ئـاوازی شـیـعـرەکـان

دایـڪ

دایە گیان هۆکاری بوونم
تۆ تاجی زێڕینی منی

چ جۆرێکی لە دروستکراوەکانی خودا
تۆ دەست ڕەنگینی منی

خاوەنی خۆشترین بۆن
تۆ بۆنی بەهەشتی

ئەی هۆکاری جوانی ژیان
تۆ وەک گوڵ و سەوزایی دەشتی

باوەشی تۆ ئەوەندە خۆشە
وای کرد بڵێم ئارامکەرترینە باوەشت

ڕووخسارت هێندە ناوازە
جوانترینە ڕووخساری گەشت

پێیەکانت بهێنە با ماچیان کەم
با لە پێناو تۆدا بمرم

هەرگیز لێم ون نەبی
من شێت و دیوانەم کە لێت دوورم

تۆ ئەو دەرمانەی
پێویستی وەک دەمار و خوێن

من کە تۆم هەبێت ئیتر
لام گرینگ نییە دەوروبەرم دەڕۆن یان دێن

کە بانگت دەکەم دایکە
وادەزانم هەمووی هی منە دونیا

تۆ ئەو گەوهەرەی کە هەیت
لە بوون و نەبوونیا

کاتێک نەخۆش دەکەوین
شەو تا بەیانی بە خەبەری

هێندە میهرەبانیت
ناهێڵی بیچێژین بێ نەفەری

گەر بۆت بکرێ
خۆت لە پێناومان دەکەیتە قوربانی

دایکە گیان
تۆ ئاسوودەیی ڕۆح و گیانی

خاوەن دڵێکی
کە گەورەیە زیاتر لە زەریای ئەتڵەس

بەخوا دایە گیان
کەس نابێ بە تۆ کەس!

کە تۆمان هەبێ
لە دار و بەردیش بێ منەتین

کە وجوودت هەبێ
کەس ناتوانێ پێمان بڵێ بێ کەسین

ئەگەر تۆ بڕۆی
هەموو دونیاشم هەبێ

دایە گیان وەک ئەوە وایە
کە هیچم نەبێ🖤!

(پـێــنــووس زێــڕیــن)

سەلام پێشتر چەن دێڕەکی کەمی ئەو شعرەم لۆ برادەرەک نووسی کە داوای کردبوو ئیتر بڕیارم دا تەواوی کەم و بێم لێرە دانێم ئەوجا هیوادارم بە دری هەموو لایەک بێ هەمووشتان دەتانن ببەن لۆخۆتان لۆ داکتان بنێرن یان لۆیان بخیننەوە چاوی داکی هەموو لایەک ماچ دەکەم و دایکەکان جێیان لەسەر سەرمە و ڕێز و حورمەت و خۆشەویستیم لۆتان هەیە جارێ ئامانەتی خوای بن ڕۆژ باش🤍✨🫶🏻