السلام عليكم
*********
# بقلم/ الكاتبه - سانسا
****************
ضحى: وكعدت الساعه بل 9 الصبح كولش نعسانه
بس بابا موجود مايقبل اتئخر بل نوم
وكعدت رحت غسلت وجهي ورحت للمطبخ
ولكيت بابا وماما كاعدين يتريكون صبحت عليهم وكعدت اتريك سويتلي لفت جبن وابد ماباوعت
ابوجه بابا كام بابا وكال الماما
بابا - اليوم اني معزوم عند صديقي
ماما- ها تمام
ضحى : وراحت وصلته للباب ورجعت المطبخ
وكلتلي
ماما - ها أبنيتي أشلونج هسه
ضحى :كتلها انتي شدكولين ابرئيج زينه
كلتلي
ماما- حبيبتي والله همام خوش زلمه امعدل وخلوق
تره والعمر مجرد رقم بعد هاي قسمتج بنتي
وأرضي بيها
ضحى :كتلها اي ماما اعرف قسمتي بعد غصبآ
عني أرضه هوه اني بيدي شي
لو اكدر أعارض بابا
عافتني وراحت أتنضف بلبيت أبد محد يحس
بيه وأبمشاعري يردون بس يخلصون مني
ساعدت ماما كملت البيت وياها وبل غده
وتغدينه وغسلت المواعين ورحت الغرفتي
ولاجني مخطوبه
ولا عشت فرحه الخطوبه ولا عشت دور الخطوبه
ابد ومشت أيام عاديه وهمام
من يوم الخطوبه راح يصيرله أسبوع ابد
ماحجى ويايا الأعرفه المخطوبين لازم يتعرفون
على بعض صح اني ماعندي تليفون بس يكدر
يتصل على ماما او على
اخويه محمد بس مايهمني أتصل او لا
وأبيوم أحنه كاعدين اني واخواني
على التلفزيون أنباوع أفلام كارتون واني
وياهم اباوع وأجت امي كالت
ماما - دكت عليه اخت همام أم حيدر أتريد
تحجي وياج
ضحى : اخذت التليفون وكلت الو كلتلي
ام حيدر - هلا ضحاوي أشلونج
ضحى : كتلها هله عمه الحمد لله انتي اشلونج
كلتلي
ام حيدر - اسفين مادكينه عليج تعرفين ابني حيدر عرسه الأسبوع الجاي ومشغولين والله
ضحى : كتلها لا عادي عمه كلتلي
ام حيدر - ها اي مو همام يريد يخابرج
ضحى : كلت بكلبي توه يله أتذكرني أستاذ همام
كلتلها هاا شيريد هاا اي عادي وخفت وكمت أمتمت وسمعت صوته كلي
همام - الو هلو ضحى أشلونج شخبارج
ضحى :كتله الحمد الله أبخير كال
همام - ماكدرت اخابرج عندي شغل وصعبه
ادك على امج
ضحى : كتله لا عادي
همام - ها يعني مايهمج اذا ماأتصلت عليج
ضحى : كتله لا ميهمني
همام - ها هيج الحجي صار يله يصير خير انشاء الله أكولج انشالله باجر اجي اشوفج
ضحى :كتله ها أبراحتك
أنت تقرأ
يا غلطة ظلم باكت لذة العشرين
Mystery / Thriller_هلي أحن أليكم ثم أتذكر أنكم ظلمتوني فأصمت وجعآ _ماكنت أحسب هلي يرجون لي ألمآ لاكن رموني بسهمآ هد أركاني *********** _هل انته عوضي عن كل أحساس وحش حسيته وكتمته في قلبي _هل أنته عوضي عن كل حاجه صارت عكس ماكنت متوقعه ورضيت بيها _هل انته عوضي عن كل ف...
