تحت سيادة القانون

صدمة

كمل كلامه ورجع وكف كبالي وكال بصوت ناصي
- هسه اني استاذ لو سيدي؟
بنظرات استفاهم باوعت عليه
- مثل ما تريد سيدي
جاوبته وبتعدت عنه اخذت اسراء و رحنه للطبابة حتى نكتشف المكان
حسيت ان اكو شي خطأ ديصير ويايه
حسيت بالخوف و ان المكان خطر عليه
بس شنو الي بيدي اسوي
دخلت للطبابة وجانوا اكو ٥ شباب
ممرض و صيادلة ٣ و مسعف
رحبوا بينه  و نطونه شوية معلومات عن العمل و الوضع نمشي بيها نفسنا
بقيت اني ويا اسراء بكل خطوة هي ويايه
استراحينه   وكعدنا ننظم سجلات نطاهن النه وسام
بعد دقايق جا و كعد يمنا
اكو بحلكه حجي بس كأن خايف يكول
- باعي اني  شفت المشاحنه الي صارت ويا الضابط عيسى
نصيحة مني ابتعدي كل البعد عنه هذا واحد يدور مشاكل ف ديري بالج منه .

استغربت هو شكو وهو منو حتى يسوي مشاكل اذا ماكو مشكلة
رد وسام
- اني من باب الاحتياط اي شي يصير وياكم بلغوني اني اخوكم هنا
- شكراً ان شاء الله ماكو شي

بهاي الاثناء دخلوا علينه جنود و ضابط وياهم دخلو كلهم سوا للطبابة
رحب بيهم وسام وكأن يعرفهم حق المعرفة
بس هنا كانت الصدمة
الي واكف كدامي شخص اعرفه كلش زين
توترت و ما عرفت شنو اسوي كلبي يرجف و كل جسمي انتفض
هذا هو اني متأكدة انو هو نفس الي بالي ومن صدمته هو هم تيقنت ان هذا رشاد حبيبي السابق
هدئت نفسي وحاولت اسيطر على مشاعري
هو دخل بدون ما يخلي الباقين ينتبهون عبرني وكعد ع السدية
جا وسام وكعد يمه
- سيدي شلون صارت ايدك
جاوبه رشاد وهو مركز نظراته عليه
-الحمد لله، بس اريد تغير ضمادي .
-تدلل ، هسه الكادر الجديد يضمدلك جرحك.
كاله هالكلام و اشر عليه وسام
سألته للتأكيد
-اني؟
-اي نور تعاي
اقترب منه شوية بتردد
انتبه عليه وسام و كال
-تعاي شبيج خايفة
رديت بأتسامة طفيفة
-ليش حتى اخاف.
اقترت من رشاد و شفت جرحه وراها جتي اسراء الفضولية و وكفت يمي
سألني رشاد بأستفزاز
- ليش ايدج ترجف شنو ما تعرفين تضمدين؟
رديت عليه
- بلي اعرف.
رحت اخذت من دولاب العلاج شاش و قطن و معقم حتى اعقم الجرح
فليت الضماد القديم و الجرح جان بعده ما طايب بس ابد ما حجيت وهو نظراته دتاكلني اكل
فجأة تلاكت نظراته و سرحت بعيونه شوية
لزم ايدي حيل
-ترا دتأذيني !
انتبهت ان اني التعقيم فرغته على ايده كلها
اعتذرت برتباك و طلبت من اسراء تكمل الضماد لان حرفياً ارجف و ما اكدر اكمل واني بهذا القرب منه