အကြီးအကဲJeonကလက်ထပ်ပီးနောက်ပြောင်းလဲသွားတယ်( Uni+Zawgyi)

(Chapter-9)ကြေညာခြင်း

                   ကြေညာခြင်း(Unicode )

နောက်တစ်ရက်ရောက်တော့ အကြီးအကဲ Jeonက Park jimin အား virusကာကွယ်ဆေးထိုးရန်ခေါ်ဆောင်သွားသည်။ကမ္ဘာမြေပေါ်သို့သွားရောက်မည့် မည်သူမဆို ကာကွယ်ဆေးထိုးကြရလေသည်။

ကာကွယ်ဆေးမှာ zombie virusကူးစက်ထားသူမှ ကိုက်လိုက်လျှင် zombie ဖြစ်မသွားစေရန်ကာကွယ်ပေးသည်။သို့‌သော် ထိုကိုက်ခံရသည့် အစိတ်အပိုင်းပုတ်သွားတတ်သည်။ကာကွယ်ဆေးမှာ ကူးစက်မခံရစေရန်ကာရုံမျှသာဖြစ်ပြီး ထိုကူးစက်ခံရသောအစိတ်အပိုင်းအား ဖြတ်တောက်ဖြစ်ကြရသည်။
ထို့ကြောင့် JNation မှတည်ဖွဲ့စည်းထားသည့် အဖွဲ့အစည်းသည် ကမ္ဘာမြေပေါ်ရှိJeonမိသားစုလုပ်ငန်းများအား လုပ်ကိုင်ရန်သွားရောက်ကြမည့် ဝန်ထမ်းများအား ‌ တိုက်ခိုက်ရေးများသင်ကြားပေးသည့်အဖွဲ့အစည်းဖြစ်လေသည်။ကမ္ဘာမြေ၌ သွားရောက်အလုပ်လုပ်ခြင်းသည်အန္တရာယ် များသည်ဆိုသည့်တိုင် Jeon မိသားစုမှ ကမ္ဘာမြေမှဝန်ထမ်းများအားပေးသောလစာသည် သာမန်လစာများထက် လေးဆပိုများသောကြောင့် JNation မှ ဝန်ထမ်းသစ်များခေါ်ယူလျှင် လာရောက်လျှောက်ထားသူများလွန်စွာပေါများလေသည်။

Park Jimin အား ကာကွယ်ဆေးထိုးပေးပြီးလျှင် Jeonအဖွဲ့အစည်းသို့ခေါ်ကာ သေနတ်ပစ်လေ့ကျင့်ပေးရန် အကြီးအကဲ Jeonစီစဉ်ထားသည်။ကမ္ဘာမြေပေါ်ရောက်သွားလျှင်Park Jimin က အကြီးအကဲJeonကာကွယ်မှုအောက်မှာ ရှိနေမည်ဆိုသော်လည်း မတော်တဆ ကူးစက်ခံရသူများနှင့်တွေ့ကြုံခဲ့လျှင် ကိုယ့်ကိုကိုယ်ကာကွယ်နိုင်စေရန် သင်ကြားပေးခြင်းပင်။

ကာကွယ်ဆေးထိုးသည့် ဌာနသို့ အကြီးအကဲ Jeon က‌ဦးဆောင်ပြီးခေါ်သွားသည်။နာမည်စာရင်းပေးပြီးနောက် နှစ်‌ယောက်သား သီးသန့်စောင့်ဆိုင်းခန်းထဲတွင် သွားစောင့်နေကြသည်။ထိုအခန်းထဲ၌ စားသောက်ဖွယ်ရာများအပြည့်ရှိနေသော စားပွဲတစ်လုံးကကြိုဆို နေသည်ကြောင့် Park Jimin ပျော်သွားလေသည်။သို့သော် အိန္ဒြေထိန်းကာ စားပွဲတစ်ဖက်က ဆိုဖာပေါ်ထိုင်ချလိုက်သည်။ ထိုစားပွဲ၌ လေးဖက်လေးလံဆိုဖာလေးခုချထားသည်ပင်။ အကြီးအကဲ Jeon က Park Jimin နဲ့မျက်နှာချင်းဆိုင် ဆိုဖာ၌ဝင်ထိုင်သည်။