السلام عليكم ورحمة الله وبركاته
الرجاء الدعاء لاهلينا في فلسطين بالراحة والنجاة من المحتل الملعون بالنصر وعودة الاقصي و الرحمه لشهدئهم
صلي على سيدنا محمد عليه افضل الصلاة والسلام
___________________________________________
حسام: دا اي الفطار الحلو دا؟، احلي فطار واحلي زوجة واحلي محاميه
ريماس بسخريه: محاميه اي بقا هو حد بيسأل فيا ولا بيعبرني، انة يوم ما بيجيلي نفقه ولا طلاق بعمل فرح، مجتمع ذكوري متعفن
ثم وجهة نظرها الي الجانب الاخر
حسام: متعفن!!!!! مهو كله بسبب النظاره الي انتِ لبساها مش مدخلالك هواء يا بتاعت حقوق المرأة
ريماس: اانت بتتريق عليا علي الصبح
حسام: انا اقدر اتريق عليكي دا انتِ ترفعي عليا قضيه حقوق المرأة مهي دي غلطه ان الواحد متجوز محاميه
ريماس: بقولك اي رايح المحكمه؟
حسام: اه هروح المحكمه وبعد كدا هروح المكتب، انتِ عندك محكمه؟
ريماس: لا رايحه علي المكتب
ثم نهضت وهي تأخذ الحقيبه خصاتها
ريماس: انا نزله
حسام: كملي فطار
ريماس: نفسي اتسدت
حسام: دا انتِ مكلتش غير زيتونه
ثم امسك هاتفه ويضغط علي رقم احدهم
حسام: شادي عامل اي
__________________
حسام: بقولك اي قضيه خفيفة حولها علي مكتب ريماس
__________________
حسام: منحه ضرب بقا قضيه قصف الحاجات دي حولهلها سلام
___________________________________
في المكتب
كانت قاعده بزهق شديد
دق علي الباب بشده
ريماس: في اي في اي ادخل
محي بفرحه شديده: يا استاذه ريماس في قضيه بره، اقسم بالله في زبونه بره
ريماس بفرحه: بجد، حاجه نص نص ولا
محي: لا شكلها مليان
ريماس: طب دخلها
محي: ادخلي يا استاذه
ريماس: اهلاً وسهلا يا استاذه، اتفضلي اقعدي، خير يافندم
منيره: انا متهمه في قضيه قتل
نظرة ريماس الي محي بصدمه
ريماس: كملي يا استاذه في مين؟
منيره: في جوزي، دخلت البيت لقته قاعد مع واحده فضربتوا بالنار
ريماس: مات؟
منيره: لا في غيبوبه
ريماس: وهي؟
منيره: اسمها غاده الغندور، مماتتش
ريماس: ولي مموتهاش ياغبية، ما كلها كانت هتبقا قضيه واحده ونخلص
محي: احممم
منيره: هو الي خاني هي معرفهاش ومتخصنيش في حاجه وبعدين انا مش عارفه ازاي انا عملت كدا انا مكنتش في وعيي
ريماس: طيب دا كدا يعتبر جريمه شرف، الجريمه كانت امتي
منيره: امبارح
ريماس الي محي: دي لسه طازه، طيب احنا محتجين منك شويه ورق وتوكيل
منيره: الورق دا في كل الحاجات الي ممكن تحتاجيها
ريماس: هو انتِ طلعتي من القسم ازاي
منيره لا ما انا متقبضش عليا اصلا بعد ما حصل الي حصل خوفت وطلعت من البيت قبل ما البوليس ما يجيي روحت بيت بنت خالتي دلوقتي جتلك علي طول وهخرج من عندك اسلم نفسي
ريماس: طيب انتِ تروحي تسلمي نفسك وانا هحصلك علي طول
منيره: طب والفلوس؟
ريماس: لا لا الفلوس مع محي هو يخلصها معاكي
منيره: انا مرعوبه اوي يا استاذه ريماس، انا في مصيبه
ريماس: لا لا روحي سلمي نفسك ومتخفيش هطلعك زي الشعره من العجينه
منيرة: طيب
________________________________________
تفتكروا هتعرف تخرجها منها فعلاً؟
دعواتكم لاهلينا في فلسطين.
دمتم سالمين🤍
