بسم الله الرحمن الرحيم /انا اسمي علاء من البصره سولفلكم قصتي
1_ حبيت وحده تعرفت عليها عن تواصل الجتماعي
ف دام حبي وياها سنتين هاي السنتين ما مقصر وياها بشي ولا مقصره وياي بشي المهم حبيتها حب فضلته عن اهلي محتار شلون ادبر فلوس وتزوجها لان اهلي يدرون بعلاقتي وياها ما يردوني اتزوجها يابه ليش يكلولي هي مو من مستوانه همه ناس عشاير ومشاكل ويمته ماجيتهم مطلوبين للعشاير وحنه شعرفنه بيهم بقيت الح سنه كامله ازعل وطلع من البيت اشهر يلا ارجع ماكو صارت عندي حاله نفسيه ومشاكل وي اهلي اخر شي رجعت للبيت يكلولي ياهي البالك نجيبها الك بس هاي عوفها اثاري اختي تتواصل وي البنيه واختي تعرف هالبنيه مطلقه ونا ما ادري ومحد كالي ف هاذ اللسبب اهلي ما قابلين انا تقبلت الوضع ف اجه بالي فكره كلت لكيت الحل فتذكرت اخذ فلوس القطعه الباعوها انا اندلهن ابوي وين ضامهن المهم اهلي باعو قطعت ارض وابوي ستلم قطعة ارض ف صارن عنده فلوس القطعه الباعهه المهم جاب الفلوس والطابو مال القطعه ضمهن بالكنتور انا اندليتهن بقيت 5 اشهر انا افكر اخذهن وعرس بيهن اهلي يدرون بعلاقتي وياها انا اخذت الفلوس والطابو ورحت الفلوس 63مليون اخثت 40 مليون منهن كلت يكفني اعيش وياها ف اخذتهن ورحت خابرتها كتلها راح احقق حلمج نتزوج كالت شلون كتلها بس اخابرج طلعي بالباب كالت تمام انا وصلت خابرتها طلعت انطيتها الجنطه وكتلها ضميهن لحد يشوفهن ف رحت للبيت رجعت خابرتني كالت شنو هاي كتلها هذن ملاتنه خلهن يمج ع مود نشوفلنه يوم نشرد كالت تمام المهم سولفنه خططنه سديت التصال نمت كعدت يوم ثاني اخابر البنيه مغلق ضليت 5 ايام اخابر البنيه اختفت لا اكدر وروح البيتهم وضليت بحيره اهلي كالو مبيوكات الفلوس والطابو انا ضليت اختلف عليهم مو عندي ميصدكوني اخر شي بعد اكدو عندي كتلهم احركتهن مثل محركتو كلبي اختي درت موديهن للبنيه وكلتلهم زين لا يكدرون ويرحون يطالبون بيهن تعل شلون انطيتتهن شي اكيد راح ياخذونهن فصل وياخذون اكثر اخر شي شردت عن اهلي 5اشهر محد شايفني لمن كلش لاكيت واحد من اقاربي كلي وينك انته دريت شصار ما صار لو لا كتله ولا اريد ادري كال بسببك امك جلطه وتوفت ام امك هم توفت من ورا امك ماتت وراها هم سكته قلبيه ابوك جلطه برجله وبيده معوق صار وتبهذلت حالتكم كلش انا ما مصدك كلت خاف يريدني ارجع ف انا حاولت اتواصل وي وحده من خواتي ف اتصل سمعت صوتي وكام تبجي سولفتلي الاحداث وكله صحيح انا رجعت للبيت ورجعت ايام الفاتحه كلها بساعتها بجي وصريخ وندمان وصارت خوفه بيه من اللنات وصار عندي انفصام بالشخصيه وعايش ومستقر ع العلاج وبالاخير محد حصل شي بس البنيه واهلها شايلين مالهم اياثر ونتهت القصه )))
