تحت سيادة القانون

انتِ بخاطري

بعد معاناة خلص الواجب مالتنا، سلمنا للشفت و طلعنا اني و البنات نروح لمكان إقامتنه

بس لكيته كبالي ينتظر، اسراء فهمت واخذت مها ورجعت بس اني بداخلي كمت اموت لان عافني
-اسراء اوكفي جاية وياج
شددت ع كلامي بس الخبيثة كالت
- راح ننتظرج يم الدار تمام
غمزت وراحت
كل هذا و هو ساكت الا ان راحن البنات جان يكول بعصبية

-اعتقد خليت رقمي وكتلج من تكملين اتصلي بيه!
عقدت حاجبي و رديت
- بس حتى لا تنسى اني متزوجة شنو معنى هاي التصرفات الي تسويها؟
رد بلا مبالاة
-ميهمني هذا الشي ، يلا امشي دا اوصلج
لتخافين امشي وراج وبس.

رديت
-شكراً اني مو صغيرة.
مشيت بكل سرعتي حتى ما ادخل بموضوع ويا
وصلت للدار و لفيت عليه
-شكراً بس جان ماكو داعي.

رد عليه بسؤال
- نور انفصلتي؟
- شي ما يخصك تمام
كلت هاي الجملة و رجعت للدار
لا تسألوني شلون يعرف ان اني راح انفصل
هو خلال هاي ال٦ سنوات كل فترة يرجع يظهر ويختفي
ومرة من المرات تهورت و حجيتله عن حياتي الزوجية و شنو وضعها و تندمت بعد ومن هذاك الوقت هو رجع اختفى لحد ما شفته هنا...
رجعت نمت لان الدوام يبدي ب٨ ونص يادوب الحك ارتاح
—————
كعدت ساعة ٧ ونص الصبح
سويت كوفي وطلعت يم الدار كعدت وحدي
حسيت محتاجة اكعد وحدي واراجع نفسي شوية
كل انسان بينا اكو اشياء بداخله يحتاج يشوفها و يدرسها من منظور
فكرت ان ابد ماكو شي يصير صدفة كلشي مخطط اله
سألت نفسي شنو سبب وجودي هنا وليش رب العالمين اختارني اكون هنا و شنو الي راح اكسبه؟
كل هاي الاسئلة هي بالي و اعرف انو راح يجي الوقت المناسب و الكه الجواب المناسب لكل اسئلتي