الفـصـــل الثـاني:ما خــلف الأقــعنة🫦🪔
______🚬 𝑩 𝒂 𝒓 𝒕 248
كريم:ݣلسي اللرض لمك..تماك فين غادي خطار عليك..
فاتي:اهاه خطر عليا انا و عليك نتا لا..رجلي برجليك ا سيهوم كريم و لا و الله ما نخليك تعتبها من هنا...
كريم:فاطمة الزهراااء..
فاتي:[خرجات فيه عينيها مفقوصة]كرييييم..
كريم:دبا مالك كاتقولي ليا سميتي و انا قدامك..
فاتي:و نتا مالك قايل سميتي ولا حلال عليك و حرام عليا ...
كريم:[تنهد بفقصة]زيدي زيدي..الله يصبري معاك..و لكن بربي و نلقاك داوية مع شي ميخي تماك غانعرف شغلي معاك ديك الساع...
جرها من يدها عاقد غوباشتو و هي من وراه كاتفرنس...عطاها الكاسط و ركبو فالمطور مكسيري بسرعة..
_________________
جالسة فوق فوطوي معنقة طاستها ديال الشكلاط كاتاكل منها و تلذد..و عينيها للتحت لبالكون كاتراقب جوج كايتخاصمو و صوت غواتهم واصل حتال عندها...
و المفاجأ أنه نفس المرا لي طلبات من ساريتا تعطيها نصائح هي لي منوضة المخاصمة دبا...
ساريتا:ما يحسابليش ساهل نشتت الشمل...[لحسات بقايا الشكلاط على شفايفها بلسانها]ماشي بالساهل نخليك تفكري دوري براجلي و نسكت ليك الزوينة..[بتاسمات بمكر]حسيت براسي بحالا بديت نرجع شخصيتي القديمة و بديت ندير الخير فالبنادم...
سمعات تيليفونها حداها يصوني..لاحت الشوفة فيه و قطعات..
ساريتا:ماشي بهاد البساطة خويا العزيز نخليك ذوق الراحة مع مراتك...[شافتو عاود صونا و هي تقطع عليه عاود..دوزات الخط لآية]اهلا حبيبتي كيف دايرة مع زوجك...
آية:بخير أ ختي ها حنا صابرين معاه حتى يرطاب ليه داك الراس...
ساريتا:ديري فبالك هاد الفترة مزيانة ليك نتي و ياه منها يعرف بقيمتك و ما عمرو يفكر يقلقك...غير صبري ما بقا والو...
آية: هي عندك شي خطة جديدة؟..
ساريتا:[بخبث]معلوم..غادي نرحقو هاد المراحل لي جاية بمرحلة وحدة و متأكدة غاتنجح الباقي اليك نتي خاصك تلعبيها مزيان...
آية:[بلهفة]انا تايقة فأفكارك اللفيفيعة أشنو هي؟..
ساريتا:غادي تمثلي بلي عندك شي واحد فحياتك باغيك للمعقول و هادشي خاصو يشوفو بعينيه...
آية:[خرجات عينيها]هاويلي يا ساريتا اش كاتقولي...واش نتي عارفة اش غايدير ليا خوك الى عرف و لا لا؟..
ساريتا:تصنتي ليا و حضري عقلك...الراجل ما غايتحرك و يلبي ليك أشنو باغة غير فحالة وحدة و هي تلعبي بغيرتو و تخليه يحس بلي غايفقدك..و بهاكا غايدير لي نتي باغاه...
آية:صعيبة عليا أ ختي و الله ..زعما ما كايناش شي خطة أخرى؟...
ساريتا:ايوا نوضي دبا سيري سامحيه و رجعي لدارك و لكن ديري فبالك غايجي النهار لي يلوحك فيه للزنقة نتي و ولادك الى خليتي كلامو هو لي يمشي فالدار...أنا نصحتك و نتي تعرفي...
آية:واخا واخا أشنو هي هاد الخطة؟..
ساريتا:غادي •••••••••••..
آية:[تنهدات بقلة حيلة]واخا واخا غا دعي يدوزش هادشي بخير و على خير...
ساريتا:ما تخافيش..الباقي عليك دبا..عرفي تلعبي الدور مزيان...دبا سيري وجدي راسك انا نقاد البلان مع فاتي و نصايفط ليك ميساج...
آية :بسلامة عليك الحبيبة...الله يخليك ليلي...
قطعات الخط و لاحت التيليفون على جنب و عينيها رجعو للتحت متبعة المخاصمة..حتى نزلات حواجبها باستغراب ملي لمحات كريم و فاتي جايين...
أنت تقرأ
قصة زواج متقـــف الفصــــل الثاني(التتمة)
Lãng mạnنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....