" ကျွန်တော်ကို ကွာရှင်းပေးပါဒေါ်ဟန်နေလွမ်း.. "
လွမ်း ထိုစကားကိုမျှော်လင့်ထားပြီသားပါ၊
သို့သော် လွမ်းသိပ်မြတ်နိုးရလေသော
မောင့်၏ နှုတ်ခမ်းပါးများက အမှန်တကယ်ထုတ်ပြောလာသောအခါ နာကျင်မှုက နှလုံးသားဆီသို့သာ တစိုက်မတ်မတ်။
သည်စကားမောင်ေပြာလာလိမ့်မည်ကို
သိသဖြင့် နားထောင်ဖို့ရန် အကြိမ်ကြိမ်ပြင်ဆင်ထားခဲ့သော်လည်း ရင်ထဲတွင်မူအလဲလဲအပြိုပြို။
* ရက်စက်လိုက်လေရော့လားမောင်ရယ်... *
လွမ်း စားလက်စပန်းကန်ေပါ်သိို့ ဇွန်းခရင်းကို ချထားလိုက်ပြီး ပန်းကန်ကို ရှေ့တိုးလိုက်သည်။ တစ်ရှူးဖြင့် အနီရောင်နှုတ်ခမ်းနီလွှမ်းမိုးသော သူမ၏ နှုတ်ခမ်းထောင့်စွန်းများအား အသာအယာသုတ်လိုက်သည်။
လွမ်း ဝိုင်ခွက်ထဲမှ ဝိုင်ကို တစ်ငုံသောက်ပြီး ပြန်ချထားလိုက်သည်။ မောင်က သူလုပ်သမျှကို စိုက်ကြည့်နေကာ သူ့ထံမှကြားလိုသော အဖြေကိုမျှော်နေသည်။
လွမ်း အသံကို အတတ်နိုင်ဆုံးထိန်းကာ မေးလိုက်သည်။
" ဘာအဆင်မပြေလို့လဲမောင် "
" ကျွန်တော် ခင်ဗျားရဲ့လောင်းရိပ်အောက်ကနေ ထွက်သွားချင်တယ် "
" ဒီအကြောင်းပြချက်ကြောင့်ဆိုရင်တော့
ကွာရှင်းဖို့ မလိုပါဘူး... "
" ဘာ!!! "
မတ်တပ်ရပ်လိုက်ပြီး စားပွဲကို ခပ်ပြင်းပြင်းတစ်ချက်ထုရင်း လွမ်းကို မုန်းတီးစွာ စိုက်ကြည့်နေသည့်မောင်။ လွမ်း တည်ငြိမ်သလို ဟန်ဆောင်ရင်း ခပ်မဲ့မဲ့တစ်ချက်ပြုံးကာ မေးလိုက်သည်။
" ပါးလ် ဆိုတဲ့မိန်းမရဲ့ ပယောဂလည်းပါတယ်မဟုတ်လားမောင်... "
" ... "
မောင့်ရဲ့ ငြိမ်သက်ခြင်းတွေက အမှန်တရားတွေကိုဝန်ခံနေသည်မဟုတ်လား။ ပါးလ်နှင့်သူ့အေကြာင်း လွမ်းသိနေ၍ စိတ်လှုပ်ရှားကာ ကစဉ့်ကလျားဖြစ်နေသည့် မောင့်မျက်ဝန်းများက သက်သေပင်။
အဟွန်း...
လွမ်းခပ်ရွဲ့ရွဲ့ရယ်ကာ ပြောလိုက်သည်။
YOU ARE READING
မောင့်အတွက်ဖြစ်တည်သော
Romance" မောင်ရယ် လွမ်းကမောင့်အတွက်ဖြစ်တည်ရသူပါ၊ မောင့်ဘဝရဲ့ မှတ်တိုင်တိုင်းမှာ မောင့်အနားအမြဲရှိခဲ့သူပါ၊ ဘာလို့များ လွမ်းကို မမြင်ရတာလဲဟင်၊ သူမကလွဲရင် မောင်က ဘယ်မိန်းမမှ မမြင်လောက်တဲ့အထိ သူမကိုချစ်လားဟင်၊ အဲ့အချစ်ရဲ့ နဲနဲလောက်လေးဖြစ်ဖြစ်နဲ့ လွမ်းကို ခ...
