|غموض جارنا|
الكاتبة سناريآ
قناة التلي https://t.me/nurse2_4
أذا أعجبك البارت لا تنسى التصويت وترك تعليق جميل
أندي: اباوع ؏ العميد وافرك اصابعي بتوتر صار حوالي ربع ساعة ولهسة ما رفع راسة من الاوراق
مرت الدقايق علي مثل السم لما رفع راسة وگال
_اندلس آسر......
طالبة مرحلة ثالثة صح
بلعت ريگي وگلت
_نعم دكتور
_امممم أنتِ يمكن ما تعرفين سبب گعدتج هنا
_لا والله دكتور شمدريني غير انتوا الطالبيني
_جيد جيد
مد ايدة لخانة صغيرة صايرة وراه فتحها وطلع مثل العلاگة سودة صغيرة حطها گدامي وگال
_تعرفين عقوبة هالشي اقلها الفصل
فتحت عيوني بصدمة مثل المي البارد وگع علي صفنت بوجهة وما عرفت شاگول شنو فصل واني شمسوية وهذا شنو رد حجى وگال
_ماعرف شلون تسون هيج اشياء دنيئة وانتن طالبات واعيات
_دكتور لهسة ما فاهمة شتحجي وشنو هذا
_هاي الحركات فاهمينة لا تثولين بنفسج علمود تطلعين منها
_بس والله دكتور اني لهسة ماعرف شجاي تحجي واني شدخلني
_اممممم هذا سحر
_شنوو سحر... هه شبيك دكتور.. اقصد صدگ تحجي؟
_نعم مثل ما سمعتي
_وشجاب السحررر هنا واني شدخلني بيه
_هذا السحر لگيناه بغرفة دكتور مصطفى البارحة
_اي ولهسة ما مفتهمة اني شنو موقعي هنا
_هااا يعني ما تعرفين لعد اسمعي انسة اندلس قبل اسبوعين رصدتج كاميرات المراقبة و أنتِ تدخلين لغرفة دكتور مصطفى وبهاي الاسبوعين اضطر دكتور مصطفى ينقل شغلة لغير مكانة بسبب اعمال صيانة جان محتاجها المكتب والبارحة من جانو بنهاية شغلهم لگوا هالشي موجود بيه
_ههه دكتور شتحجي انت ما افتهمت اني شعلي بهذا وشعندي ويا دكتور مصطفئ اسويلة سحر شنو اتخبلت ومادري بنفسي
_اكو عدنا شاهد يأكد هالشي
_شنو شاهد وينة ومنو هذا اكيد واحد خبل
_يا انسة الفاظج شوية
_وينة هالشاهد خل يجي ويحجي علمود نشوف شمسوية واني مادري
