بالمجلس بعد الغفوه كانوا الجد مطلق وعياله واحفاده
ریان: ايه يجدي شقلت
الجد مطلق: لا ماني موافق اشواق تصير عليها مره
رعد: يجدي هو بيندم بعدين ويطلقها خله
الجد مطلق :اشواق تدري ؟
ريان :لا ماتدري لكن بقولها بعدين
الجد مطلق: كيفك خلاص لكن والله يريان ان جتني اشواق تشكي يويلك
ریان: ابشر
الجد مطلق :متى ناوي يعني تبدا
ریان: بنملك مع بعض
الجد مطلق: هاهه؟؟ يعني اشواق وسعاد نفس العرس؟
ريان لا يجد يعني بملك عليهم بنفس الليله ومع بعض بس عرس سعاد عني ماتبي بس اسوي لاشواق
الجد مطلق: كيفك
قام ريان وراح
الجد مطلق: ولدك انجن
ابو ريان: انا اقول نفس رعد بيندم ويطفش ويطلق حاولت فيه لكن عيا
الجد مطلق: الله ييسرها
ابو ريان: امین
-
عند سعاد بعد ما وصلها الخبر
سعاد: يونسس الحين اخليها تكرهه واقهرها واطلع عيوبها ويكرهها هو ويصير لي لحالي
منيره : كفو عليتس
سعاد : كفوتس الطيب كلههه من خططتس شكرا ا لتس قهوه على حسابي
منيره : تم امشي يلا بنروح كوفي
سعاد : تم يلا
* منيره بنت خالة سعاد وصديقتها وقريبه منها مرهه ونفس الطينه *
واتجهوا مع السابق للكوفي
-
عند بطلتنا والبنات
اشواق : مدري قال بيخطب
روان بضيق وهي تعرف بسالفه سعاد : الله يوفقك يروحي
هديل: الله اشواق بنفقدك بتروحين عننا
اشواق : لا خير كنسل زواج مابي اروح
سحاب :اسكني معاي ونجنن رعد وريان
اشواق بضحكه: كذا تمام
سحاب بضحكه: افا عليتس
هديل: بجي معاكم
بيان وليان بصوت واحد: وانا
رزان : وانا واختي اجل معاكم
سحاب بضحكه: صار بيت جدكم الثاني
ليان وبيان بصوت واحد : بيت اخوي
ليان : شتبين انتي
بيان : انتي اللي شتبين
سحاب : روحوا انتم ذول شيبون
روان :انا بنت عمه واخوي بيسكن عندكم
رزان: وانا بعد
ديم : انا واختي واسطه
عساف : يولددد
ديم/ هلا بعسافوهه ادخل مافيه احد
دخل ولقاهم جالسين واتجهه لهديل وانسدح وحط راسه على رجلها
هديل: شفيك
عساف : تعبان شوي
ديم ضربت رجله : وجع رحبت ومارديت علي
عساف بضحكه: اسفيننن
ودخل ريان وجلس عند خواته ووراه رعد جلس عند لينته وسحابه
عساف :اشوفكم جيتوا
ریان :انجب وامسك لسانك
عساف: غلط اللي تسويهه
رعد: عساف اسكتت مو وقته
عساف: طيب
عز دخل : اشواققققق
اشواق : يمه بسم الله
عز : ووجع الشرهه على اللي يجيتس
اشواق بضحكه: خرعتن
عز :زحوا لي بجلس عند اشواق
اشواق : حياكك
عز الله يحيتس
وحط راسه على رجلها
اشواق : تبي ادلكه ماجيت كذا
عز : لا والله بس كذا العبي بشعري باخذ غفوه
اشواق : اوكيه
ودخلوا فهد وذيب ومشاري
رعد: الله حيهم
ردوا بصوت واحد : الله يبقيك
رعد: وين اخوك
ذيب: انا ؟
رعد: ايه
ذيب : هناك
رعد : اي احسن له
جاء فارس : اوهه مجتمعين
فهد: هلا بخالي الكئيب
فارس : كئيب انت والله
فهد بضحكه: طيب شرايك تعرس
فارس بضيق : سكر الموضوع
بيان : وراك يعمي اعرس بنستانس
فارس : مالي نيه ابد
اشواق : طيب انت قد كلمتنا عن وحده محترمه وماشاء الله عليها
فارس : ايه بس مابي اظلمها معاي وخاف تتركني نفس موضي المرحومه*زوجته *
هديل : خالي تراه قضاء وقدر وتزوج وافرح ما يصير كذا
فارس بتنهيده : بفكر
رعد: انا رايي من رايهم
ريان: ايه اعرس وخل عنك موضي
فارس : اسكت تراني اقتنع بوحده مو مثلك باثنين
اشواق : شقصدك
ریان: ما يقصد شي عمي
فارس : يلا استاذنكم تعبان
-
عند ابو عزام ببيت ابو فاتن
ابو عزام : لا تكسر قلب الولد
ابو فاتن : شسوي يبو عزام ماهو من مجتمعنا
ابو عزام : طيب انا طالبك طلبه انك ماتردني
ابو فاتن : انت عزيز وغالي وخلاص مالك الا اللي يسرك بكلم البنت واشوف رايها
عزام قام وباس راس ابو فاتن
ابو فاتن: اجلس يولدي
وجلسوا بتقهوون
-
ببيت ابو بدر
فجر: ايه تو داقه علي ديم وقالت لي
ام بدر : ايه راحت بتعيش حياتها بعد ما دمرت حياة ولدي
ابو بدر : بدينا
ام بدر : والله ماخليها تتهنى
ابو بدر : اتركني البنت عنك يمرهه
مريم : هدوا والبنت الله يوفقها
ام بدر : والله ما تروح ولا تستانس وانا عايشه كذا كله بسببها
فجر : بيمه مالها ذنب
ام بدر: جايتك ي اشواق
فجر : يمه شقصدك ؟؟ وشبتسوين؟
ام بدر : محد له دخل
—"
مر شهر وملك ريان واشواق ولا عرفت انه سعاد صارت ضرتها وبالطرف الثاني عند سعاد كانت مبسوطة مرهه وكانت تعرف اذا اشواق عرفت ما بتقدر تخرب وملكوا اشواق وسعاد بنفس اليوم على نفس الرجال طرف يدري وطرف ما يدري عند سحاب والرعد قوة علاقتهم واصبحوا احلى زوجين وجمال سحاب الي معذب رعدها ورعد كان عريض وطويل وجسمه مثالي وطبعا منافسه بينه وبين ريان كانوا يتشابهون في كل شي وكانوا سلطان وفيصل وعز والباقي حولهم بس كانوا كلهم جميلين فيهم شي يجذب الواحد وبناتهم اجمل اما عند ام بدر كانت تخطط لاشواق واشواق تجهز لعرسها بكل حب كانت تشوف ريان المكان الامن لها ولا كانت تدري بسعاد عند عزام والفاتنه وافقت عليه الفاتنه وقاعدين يخططون متى العرس ويجهزون له وعند الجده حصه وبناتها وزوجات عيالها كانوا مو راضيين بس ما يقدرون يسوون شي لان الجد مطلق وافق وكلموا اهل سعاد * بيان وفهد * الكوبل الهادي ينتظر يخلصون من عرس ريان ويفاتح جده بالموضوع * يزيد * الي كرهه الدنيا وندم على اللي سواه وفيه تغير بشخصيته للافضل ان شاء الله ترك طارق عشان المصايب ووخر عنه
—"
ببيت الجد الساعة 1:30
اشواق : جدهه تكفيننن
الجده حصه: ي امي زواجتس بعد اسبوع
اشواق : تكفين تكفين تكفين يجدهه
هديل : ايهه يجدهه عشان خواطرنا ليان يجده لا توافقين خلهم
بيان : جب انتي جدهه تكفينننن
سحاب : لهدرجه يونس
اشواق : بتشوفين بس نروح
الجده حصه : وشلون اكلمه الحين
اشواق : يسمع كلامتس انتي حبيبته
الجده حصه :اشواققق اشواق
اشرت على فمها بمعنى بنطم
الجده حصه : بقوم اشوفه
دخل الجد مطلق :تشوفين مين
الجده حصه: الله جابك
ورجعت جلست
الجد مطلق: شعندهم عندتس
الجده حصه : والله طالبيني اقولك طلبهم عاد وافق
الحد مطلق : دامه منتس يوافق
هديل : عشنااااااا
ضحكوا البنات
الجد مطلق: وش طلبكم
الجده حصه: يبون نروح للمزرعه وننام يومين ثلاث
الجد مطلق :وعرس اشواق
اشواق : يجدي كلشي جاهز كلشي بس خل نروح تكفى يجدي
الجد مطلق اشر على خشمه : على خشمي
اشواق باست خشمه وراسه
الجد مطلق: جهزوا الاغراض وبرسل ريان يجيب ذبيحه هو ورعد ونشوي
اشواق : ايههه كذا الطلعاتتت
سحاب : بقوم لرعد
اشواق : بجي معاتس
سحاب : شتبين
اشواق : بشوف ريان
سحاب : تعالي جالسين بالحوش مدري يلعبون
وقاموا للعيال
سحاب :رعدد
رعد: لبيه
سحاب : ناد ريان وتعال
رعد :وش تبين بريان ماكفيتس انا
سحاب : الا كافيني بس اشواق تبيه
ريان: جاي جاي
رعد بضحكه: ماشاء الله خفيف
ریان : رح بس
ودخل رعد لسحاب
رعد: شفيتس
سحاب : لا بس بنروح المزرعه
رعد : من طلب تروحون المزرعه؟
سحاب : اشواق
رعد : عرسها بعد اسبوع ما تعقل ذي
ریان :ترا اسمعك محد موكلك اخر الليل غير هي
ضحك رعد: عاد بذي صدقت
"
عند ريان
ريان :عيوني شتبين
اشواق : تسلم عيونك بس بنروح للمزرعه
ریان: اي تو سمعتهم
اشواق : جدي يبيك تجيب ذبيحه انت ورعد
ريان: وش السبب
اشواق : كذا لاننا نحب اجواء الشوي
ريان: وليه ماناخذ من حقاته
اشواق : مايبي يخسرهم
ريان: اي طيب متى يمر ذا الاسبوع واعرس
اشواق : شفيك مستعجل
ریان : عشان خلاص ماعاد به شي يبعدني عنتس
اشواق ابتسمت
ریان حط يده و را خصرها وشدها
اشواق بضحكه خفيف : شفيك انت
ريان : خليني شوي
اشواق حطت وجهها عند كتفه
ريان : ايهه كذا خليني شوي لا تتحركين
كانت اشواق راسها يوصل لصدر ريان وكانت صغيره بين يدينه وسحاب ورعد كذلك *
اشواق : اتوقع ما يصير كذا
ریان: لا عادي دامي ملكت عليتس عادي
اشواق : خلاص كذا شوي
ریان شد عليها : شوي بعد
اشواق : طيب لو جاء احد وشاف
ريان :ماسوينا شي عادي زوجتس
اشواق : طيب خلاص
ریان: قلت شوي يعني شوي
كان هايم بها وفعلا يحبها من كل قلبه وحاط راسه على كتفها وصاد راسه على رقبتها وراسه كان بين شعرها ورقبتها
اشواق : خلاص يريان ووخرته بيدينها
ريان بعصبيه : انتي ليه تخافين
اشواق : شكلي غلط طيب
ريان : طيب قولي لسحاب تقول لرعد اني برا انتظره
اشواق : طيب
وراحت على طول،وتلثم بالشماغ
اشواق راحت تشوف سحاب ولقت رعد عندها ومسوي نفس الحركه،سندت على الباب
اشواق : ماشاء الله انت وريان نفس الحركات
فزت سحاب ووخرت رعد
رعد: اففف منكم ما غير تخافون
اشواق : اقول ريان ينتظرك وجدي لو يشوفك انت وريان بدال الذبيحه اليوم
رعد: اي صح يلا سحاب بمشي انا
سحاب : موفق
وتلطم رعد وراح مع ريان وهم كانوا في كلشي يتشابهونن اللي يشوفهم من بعيد يقول اخوان و توام اشواق ابتسمت على حركتهم
سحاب : خرشتيني الحمد لله انه انتي ولا احد ثاني
اشواق بضحكه: فكيت ريان وجيتس انقذتس
سحاب : احلى منقذهه
اشواق: امشي اخذ لتس ولي اغراض تناسب الطلعهه وربي بتستانسينن
سحاب : تحمست والله
أنت تقرأ
نقطة لقـاء
Romanceاهلا بكم جميعاً بروايتي الاولى🤍🇸🇦.. الكاتبه : أشواق آل ريان✍🏻 ( نقطة لقاء..) الروايه باللهجه العاميه ) لا ابيح النقل بدون اذن الكاتبه نبذه عن الروايه : هي عايله كبيره وابطالنا بيكونون عيال عم لكن محد يميل للثاني وتمر المواقف ونكتشف الحب بين ابطا...
