نبدا بكتابه القصه😊👍🏻
بارتت الاولل 1 تفاعلو🥲❤
هلوو اني روان عمري 17 اني بيضه حيل وشعري اشكر وسط طوله وعيوني خضر على بني طولي 155 قزومه😂 ووزني63 عندي خصر حلو وجسمي يجنن واني احب الدراسه حيل وصلت لخامس علمي واني شاطره كلش عندي اخوان ثنين احمد وعلي احمد عمره 20 طالب جامعه طب عام مامزوج وعلي عمره 26 خريج صيدله ويداوم بشركه من الشركات الي انطاهياه بابا وعندي اخت وحده عمره 14 تشبهني وماما وبابا عايشين الحمدالله وماما اسمه نور عمره 40 وبابا اسمه محمود 45 بابا يشتغل بشركه كلش جبيره وبنفس الوقت شيخ منبعد جدي وخواني وياه بشركه وللعم كل واحد عنده شركه .
الام نور : ولج روان اكعدي راح تتاخرين ولج اكعدي راح اصيح ابوج عليج
روان : ايي ماما شبيج خليني نايمه نعسانه
الام نور : ولج كومي الساعه 7:15 ولج راح تتاخرين كومي
روان : كمت كمت همست بصوت ناصي يعني ميخلون الواحد نايم هففف
الام نور : يله كعدي وغسلي وبدلي وتعاي بسرعه
روان : تمام
كعدت وغسلت وبدلت لبست ملابس المدرسه ( اني مومحجبه ) نزلت لكيتهم كلهم كاعدينن صبحت عليهم صباحوو ياا عائلتي الجميله
احمد : ايعع اجت الغثه
روان : انجب انتَ
الاب محمود : هله ببنيتي الحلوه تعاي حبيبتي
روان : رحت بسته من خده وخذت الجنطه وطلعت
الام نور ولج تعاي اخذي كتابج راح تنسيه
روان : تمامم جايه
اخذت الكتاب وطلعت رحت لصديقتي ابرار حيل احبه واعزه واكثر من اخت ولجج ابرار الخايسه وينج ليش البارحه مداومتي
ابرار : اكلي نعل مابيه حيلل اداوم وامي مموجوده
روان : يله عادي عادي امشي بساع راح نتاخر
ابرار : يله عمري
روان : يلهه وصلنه للمدرسه الحمدالله مفاتنه الدرس طبينه ولمدرسه اجت وزعت الاوراق ودرجتي طبعا عاليه اخذت 97 فرحت لان اني كلش احب الحياء فالمهم خلص الدوام ورجعت للبيت
واني وجاي ارجع وصلت لفرعنه وشفت هوسه بلباب وزلم وشباب دك كلبي سريع ورحت طبيت بسرعه ولكيت امي تبجي وتلطم اني خفت ورحتله كتله يومم شبيج احجي كولي
الام : ولج روان اخوج راح ابني يمه ابني راح
روان : شكو احجي يمه خوفتيني احجي
الام : ولج احمد متعارك بلجامعه هوه ولد وكاتله وهسه الولد بل مستشفى
روان : ضليت مصدومه من الي صار وضليت اهدي بيه ورحت نومته وطلعت ضلت ساعه واجه بابا
خلص البارت ادري قصير بس احاول اسوي طويل باي
