رفعت انظارها عن اللابتوب من شافت عنود تدخل البيت و هي مبتسمه صدت تناظر اللابتوب و هي تحس في عنود الي علقت عبايتها و حطت شنطتها على الطاوله و قعدت بجانب غدي بمسافه بسيطه ، نطقت عنود : غدي
تنهدت غدي تناظر في امها و نطقت عنود : قبل شوي رحت عند ام سعود ، و طلبتك مني ...
قاطعت غدي كلامها و نطقت : خلاص ماما كل يوم على ذا الحال ؟
نطقت عنود بغضب : غدي صحصحي سنه كامله ما فكر يتقدم و كل مره يعطيك وعود و انتي زي الغبيه صدقيه !
التفتت غدي بغضب و نطقت : ماما انتي تعرفي انه ينتظر ابوه بس و يخطبني بدون ما يفكر
عنود : و كيف بتتزوجين واحد حتى ابوه ما يبيك ، هاذا اذا تزوجك !
وقفت غدي بغضب و نطقت : خلاص !! قلت لك كم مره ما رح اتزوج غيره و هو و عدني و انا و اثقه انه ما رح يخلف بوعده
مشت غدي تدخل غرفتها و تسكر الباب بقوه ، نطقت عنود بعلو صوتها : خليك غبيه و صدقيه !
غمضت غدي عيونها من سمعت كلام امها و استندت على الباب تبكي بصمت ، خلال اقل من عام واحد ذكريات عديدة عاشت معه مشاعر لا تعد ولا تحصى عندما توصلها رساله واحده منه تتلاشى همومها حتى ولو كانت في عز ضيقتها ، صوته فقط كافي على ان يغمر قلبها بالسعادة ، فكيف عن وجوده في حياتها ؟ احببتهُ جداً و لاول مره احببت و تعلقت بشخص بهذا القدر ، لم تندم بيوم على حبها إليه بل تحمد الله و تشكره الف مره عليه ، لماذا تراه في جميع الوجوه ، و لماذا تشعر بالوحده رغم كثرة الوجوه ، لماذا تراه النور رغم هذا الكون المعتم ، لماذا يتزلزل قلبها عندما تسمع اسمه ، لماذا تشعر بحب يحضن روحها عندما تسمع صوته ، لماذا يحضنها شعور الامان لمجرد وجوده ، لماذا يرتبك كل مافي جوفها عندما تنظر إليه ، لماذا تشعر بذالك الشعور الذي يسمى بالـ " غيرة "
لماذا ؟ و ألف ماذا و لماذا !
'
دخل ياسر يناظر في باسل و اصيل الي يتهاوشون : ورعان انتم ما تسكتون !
اصيل وهو يسحب من باسل العطر : ياورع هاته
باسل : تخسي والله ما تاخده
ضحك ياسر عليهم و نطق : ذا كله عشان عطر !
ترك اصيل باسل الي ضحك يبخ من العطر : شاريه بكليتي و ذا الورع يحسبه بخاخ مويا تروش فيه !
رمى اصيل المخده على باسل بغضب : والله تدفع مبلغه
باسل : تخسي دز بس
ياسر : الي يشوفكم يقول ورعان الحمدلله و الشكر
اخذ اصيل العطر و نطق : خف علينا يالثلاثيني
باسل : شايب و يتكلم
ضحك ياسر بصدمه من شافهم قلبوا عليه : اوف لهدرجه كلمتي قهرتكم ، و بعدين وش الي شايب كل ذا الزين و شايب !
باسل : بالله مين معطيك كل ذي الثقه
ياسر : اهم شيء الثقه
ضحك اصيل بسخريه و ابتسم باسل و مشى يسحب العطر من اصيل و يركض ، ضحك ياسر من شاف اصيل الي رمى شتيمه على باسل و ركض وراه : والله وراعين
قعد بالمقلط و طلع سقارته من جيبه يثبتها بين شفتيه و يولعها و هو يتصفح جواله .
'
طلبت قهوتها و قعدت في الطاولة تنتظرها رفعت انظارها للباب و ابتسمت عذاري من شافت غدي تدخل الكوفي حقها وقفت تمشي عندها و ابتسمت تحضنها و تقعد معها بالطاوله ، غدي : عذاري ابيك بطلب
عذاري : عيوني لك
ابتسمت غدي و رفعت عيونها تناظر في عذاري : غيث عنده مسابقه عالميه في قطر و قال انه يحتاجني معه و انتي تعرفين ماما ما رح توافق دامني رايحه عشانه
ابتسمت عذاري من سكتت غدي تفهم تكمله الحديث ، عذاري : و عساس اني مسافره معك ؟
غدي : ياليت تجين
ابتسمت عذاري : ابشري
ابتسمت غدي تحضن عذاري و نطقت عذاري : و الحين انتظري قبل تروحي المستشفى تروقي على كوب قهوه من يدي
ابتسمت غدي تناظر في عذاري الي قامت تسوي لها القهوه مع البارستا ، خلصت القهوة و اخذتها تمشى لطاولة غدي و تحطها أمامها و تقعد ، غدي : اهخ من الريحه واضح انها لذيذه
ابتسمت عذاري و نطقت غدي : عذاري تعبت !
ناظرت فيها عذاري باستغراب و نطقت غدي : كل شوي ماما تفتح لي سالفة الزواج
تنهدت عذاري : الصراحه غيث طول
غدي : المشكله ابوه !
عذاري : انا اعرف خاله عنود هي كذا بالبدايه بعدين بتسحب على الموضوع
تنهدت غدي و رفعت كوبها ترتشف منه : ياليت
عذاري : اهم شيء لا تزعلين نفسك !
ابتسمت غدي : كيف ازعل وانا معك !!
ضحكت عذاري و نطقت غدي وهي ترفع معصمها و تناظر بالساعه : شكرا على القهوة اللذيذه كان ودي اقعد اكثر بس تأخرت
ابتسمت عذاري : تعالي دايم !
هزت راسها غدي و مشت تطلع من الكوفي و تركب سيارتها تحرك للمستشفى .
