تحت سيادة القانون

صديق وهمي

صارت الساعة ٦ مساءاً

حضرنا نفسنا لبسنه الزي العسكري والصراحة شكلنه يضحك اول مرة بحياتي البس زي عسكري
لبست ساعتي و بهاي الوقت امي اتصلت بيه كامرة لان الاطفال مشتاقيلي واني هم ع السريع كلت للبنات يروحن قبلي واني اجي وراهم بس جانت الساعة ب٥:٥٥ دقيقة يعني خمس دقايق ع الموعد
فتحت كامرة وحجيت ويا الاطفال بس اخذني الوقت وصارت

الساعة٦:٤ دقايق

سديت الاتصال و ع السريع طلعت من الدار ، حاولت اسرع  حتى اوصل و اسو تتصل بيه كل شوية
وصلت بعد ما نفسي نكطع بس ما اسمع الا واحد يعيط عليه

- حضرت الممرضة نور ترا احنه عسكرية والالتزام بالوقت اهم نقطة ليش حضرت جنابج متأخرة؟

بهاي اللحظة انصدمت من عصبية الضابط عيسى حتى ما عرفت شنو اكله

رد عليه
-ماعندج جواب مو، هسه ع السريع تلفين الساحة ٥٠ لفة، واي واحد يخالف التعليمات يتعاقب اكثر من هذا يلا امشي.

ما كدرت ارد غير بس كلت

-العفو منك سيدي بس احنه مو عسكرية والمفروض ما تمشي علينا القوانين واكيد تأخرت لسبب ما تأخرت عبث!