نبض

الفصل الاول

اذيكوا ي سكاكر انا رجعتلكو بروايه جديده يارب تعجبكم ومتنسوش الڨولت وتعليق
بحبكم ف الله ♥

🥀

#نبض
#بقلمى_Mariamahmed
#بارت_1

منار:ماما انا ورايا درس الصبح بدرى متنسيش تصحينى لو مصحتش من المنبه انتى عارفه ان نومى تقيل

والده منار: ماشى يامنار متسهريش عشان انتى بتعذبينى فى الصحيان

منار وهى بتاكل:ماشى ياماما هنام على طول

والد منار:بكره هنروح مشوار انا وامك

منار بإستغراب:مشوار؟مشوار اى ده؟

والده منار بتوتر:ا ااا ا هنروح ع عند قرايبنا على اما تيجى من دروسك

منار:اممم تمام يلا تصبحوا على خير

والده منار:وانتى من اهل الخير

دخلت اوضتى ومسكت الفون نمت على السرير وفضلت اتصفح على الفيس بوك شويه لحد ما قابلنى اعلان عن كليه العلوم اللى انا عاوزه ادخلها غمضت عينى وانا بدعى ربنا انى ادخلها واحقق حلمى...نسيت اقولكم انا منار ١٨ سنه فى ٣ ثانوى علمى علوم وطبعا زى ما قولتلكم حلمى انى ادخل كليه علوم.

*فى الصباح*
والده منار:مناااااار اصحى بقاااااااا

منار بفزع: خلاص ياماما انتى هتصوتى

والده منار: بقالى ساعه بصحيكى ميعاد الدرس هيعدى

منار: خلاص قومت

بالفعل قومت ودخلت التواليت وغسلت اسنانى ووشى اتوضيت وصليت لبست ومشيت وصلت الدرس بعد شويه وقعدت فى الديسك الاول عشان اشوف الشرح كويس واركز صحيح انا معنديش صحاب يعنى ولو عندى يبقى زمايل دراسه وبس يادوب ياخدوا حاجه تبع الماده أو كده

بعد شويه خلصت الدرس وطلعت على مادتين بعده كانت الساعه ٢ بعد الضهر خلصت كل دروسى وطلعت جبت حاجات حلوة اكلها بليل وبعدين روحت المكتبه اشترى نوت عشان بحب اسجل فيها حاجات فى الدرس

رجعت على الساعه٣ ونص كان البيت فاضى

غيرت هدومى وصليت وفضلت مستنيه ماما أو بابا يجوا بس محدش جه اتصلت عليهم محدش بيرد فضلت قاعده وبدأت اكل فى الحاجات الحلوة اللى جبتها على امل ان حد فيهم يجى لحد ما سمعت صوت الباب بيتفتح

منار:ماما مبتردوش لى اتأخرتو لى

منار:فى اى وشكم اصفر كده لى بابا مالك ساكت لى

والده منار بعياط:بصى يابنتى احنا عايزين نقولك حاجه

منار بإستغراب: حاجه اى ياماما قولى

والده منار:اول حاجه انا مش ماما

منار بسخرية:مش ماما ازاى يعنى مش فاهمه

والده منار:لا انا ولا محمد نبقى اهلك الحكايه كلها أننا كان عندنا بنت تاهت وهى صغيره بس يشاء القدر ونلاقيها دلوقت بعد ٢٠ سنه وشرطها الوحيد انها عشان تيجى تعيش معانا تبقى انتى مش موجوده فى حياتنا وترجعى مكانك تانى

منار:مش اهلى؟مكانى؟؟مكانى اللى هو اى

والده منار:دار الايتام

يارب تعجبكم💜

بقلمى Mariamahmed💫❤