ခံစားချက်​များ​

ကိုယ်မျှော်လင့်တယ်

ကိုယ်​ လုံးဝ​ဂရုမစိုက်​ဘူး​ လုံးဝ​
လျစ်လျူရှု​ထားမယ်​လို့​တွေးထားတာတောင်​
မင်းဆီကနေ​ စကားတစ်ခွန်းကြားတိုင်း
ကိုယ့်ရင်ကို ဓားထက်ထက်နဲ့ တစ်ချက်ချင်း​
မွှန်း​နေသလိုပဲ​ ခံစား​ရတယ်
အရမ်း​နာကျင်​နေရတာကို​ အပြုံးနဲ့
နားထောင်​ပေးနေရတယ်
ကိုယ်က​ မနေတတ်တာလား
မနေနိုင်သေးတာပဲလား​
မင်းသိစေဖို့​ မမျှော်လင့်ထားပေမယ့်​
တချိန်​တည်းမှာ​လည်း​ သိစေချင်ပြန်တယ်
မင်း​သိသွားရင်​ စိတ်မကောင်းဖြစ်လေမလား
ဆိုပြီး​ ကိုယ်​ စိုးရိမ်​မိပြန်တယ်
မသိရင်လည်း ကိုယ့်ခံစားချက်ကို
သိနားလည်​ပေးဖို့​ မျှော်လင့်​မိနေပြန်ရော
ခံစားချက်​တွေ​ကြားမှာ​ ရုန်းကန်နေရတဲ့
ကိုယ်​ ရူးတော့မယ်​
နောက်ဆုံး​သိတာတစ်ခုကတော့
မင်းကို​ အားလုံး​ထက်​ ပျော်စေချင်တယ်
စိတ်ချမ်းသာစေချင်တယ်
ကိုယ်​ ဘာကိုမှ​မရခဲ့ရင်တောင်ပေါ့
ပြီးတော့​ ကိုယ်​မင်းကို​ချစ်တယ်​
ဒါလေးတစ်ခုပဲ​ မင်း​သိထားရင်
ကိုယ်​ ကျေနပ်​ပါပြီ​